ՍՏԵՓԱՆԱԿԵՐՏ, օգոստոսի 27, ԱՐՑԱԽՊՐԵՍ: Այս  մասին «Արցախպրես»-ի թղթակցի հետ զրույցում ասել  է   Մարտունու քաղաքապետ Մհեր Խաչատրյանը: 

Նա  նշել  է, որ   ասֆալտապատման   աշխատանքներն  սկսվել  են     2018  թվականի   օգոստոսի  1-ից:

Ըստ   քաղաքապետի  տեղեկացման՝  Մարտունու   Մոսիյան, Արզումանյան  և  Լեոնիդ  Պետրոսյան   փողոցներում կատարվել     է   մոտ   9600  քառ./մ ասֆալտապատում: Ծրագրով     նախատեսված  է նաև մոտ 14  հազար  400  քառ./մ   ասֆալտապատման  աշխատանքներ  իրականացնել   Գարեգին  Նժդեհի, Ազատամարտիկների, Կոմիտասի, Ավանեսյան  և  Օգոստոսի  17-ի  անվան   փողոցների   որոշ   հատվածներում. այդ  աշխատանքներն  արդեն  ընթացքի  մեջ  են:

Մեր   զրուցակիցը   նշել  է  նաև, որ      վերոնշյալ  փողոցները  գտնվում  են    անմխիթար   վիճակում  և  դրանց  պետք  է   առաջնահերթ  լուծում  տրվի:

«Մարտունու   փողոցների   ընդհանուր   երկարությունը   կազմում  է   38  կմ, որից   ներկա    դրությամբ ասֆալտապատվել  է   6  կմ 200  մ-ը. դա   կազմում   է   ընդհանուրի    16,3  %-ը:  Փողոցների   բարեկարգման  ծրագրի   շրջանակներում   Մարտունիում   իրականացվել  է  նաև   4450   քառ./մ   սալահատման  աշխատանքներ»,- ասել է Մ. Խաչատրյանը:

Ասֆալտապատման   աշխատանքներն իրականացնում  է «Ճանշին»  ՓԲ  ընկերությունը: Ըստ  «Ճանշին»-ի   տնօրեն  Սասուն  Աղաջանյանի՝   աշխատանքների  իրականացման  համար    ԱՀ  պետական բյուջեից  նախատեսվել  է  722  մլն  դրամ: