ԱՀ պետական բյուջեի ֆինանսավորմամբ Մարտակերտում և Շուշիում ընթանում են փողոցների բարեկարգման աշխատանքներ:
Շուշիում և Մարտակերտում ընթանում են փողոցների բարեկարգման աշխատանքներ
ՍՏԵՓԱՆԱԿԵՐՏ, օգոստոսի 28, ԱՐՑԱԽՊՐԵՍ: «Արցախպրես»-ի թղթակցի հետ զրույցում ԱՀ քաղաքաշինության նախարարի առաջին տեղակալ Պավել Նաջարյանն ասել է, որ, սկսած 2017 թվականից, Շուշիում ասֆալտապատվել է շուրջ 30 հազար քառ./մ տարածք:
Նա նշել է, որ 2018 թվականին Շուշիի 6 փողոցներում իրականացվել է ջրամատակարարման և ջրահեռացման համակարգերի, կապի, լուսավորության ցանցի վերակնագնման և ասֆալտապատման աշխատանքներ: Այժմ էլ իրականացվում է մայթերի սալապատման աշխատանքներ:
Մեր զրուցակիցը տեղեկացրել է նաև, որ այս տարի Մարտակերտում ևս իրականցվում է բարեկարգման աշխտանքներ:
«Շուրջ 2 կմ երկարությամբ 2 փողոցներում իրականացվել են ասֆալտապատման աշխատանքներ և տեղադրվել մայթերի եզրաքարերը: Ընթացքի մեջ են ջրամատակարարման և ջրահեռացման համակարգերի վերականգնման գործընթացները»,- մասնավորապես ասել է Պ. Նաջարյանը:
