Ստեփանակերտի քաղաքապետարանի նախաձեռնությամբ 2018 թվականի սեպտեմբերի 22-ին մայրաքաղաքի Ստեփան Շահումյանի անվան պուրակում տեղի կունենա «Իմ սիրելի Ստեփանակերտ» խորագրով լուսանկարչական մրցույթ՝ նվիրված Ստեփանակերտի անվանակոչման 95-ամյակին:
Ստեփանակերտում տեղի կունենա լուսանկարչական մրցույթ
ՍՏԵՓԱՆԱԿԵՐՏ, օգոստոսի 28, ԱՐՑԱԽՊՐԵՍ: Այս մասին «Արցախպրես»-ի թղթակցցի հետ զրույցում ասել է Ստեփանակերտի քաղաքապետարանի վերահսկողության բաժնի պետ Նաիրա Պետրոսյանը:
Ըստ նրա՝ մրցույթին մասնակցելու համար մասնակիցները կարող են ներկայացնել Ստեփանակերտի մասին գունավոր կամ սև ու սպիտակ լուսանկարչական աշխատանքներ:
«Լուսանկարները պետք է ներկայացվեն հետևյալ ձևերով՝ «A4» ֆորմատով՝ տպագիր և «JPEG» ֆորմատով՝ էլեկտրոնային»,-տեղեկացրել է Ն. Պետրոսյանը:
Նշենք, որ լուսանկարչական մրցույթի պայմանների մասին մանրամասն տեղեկություններ կարելի է ստանալ Ստեփանակերտի քաղաքապետարանի կայք էջից:
