ԱՀ պետական բյուջեի միջոցներով հանրապետությունում շարունակվում է իրականացվել ջրամատակարարման համակարգերի բարելավման ծրագիրը:
Հանրապետությունում ջրամատակարարման բարելավման ուղղությամբ մեծածավալ աշխատանքներ են իրականացվում
ՍՏԵՓԱՆԱԿԵՐՏ, օգոստոսի 29 ԱՐՑԱԽՊՐԵՍ: «Արցախպրես»-ի թղթակցի հետ զրույցում ԱՀ քաղաքաշինության նախարարի տեղակալ Գեորգի Հայրիյանն ասել է, որ ջրամատակարարման հարցը միշտ էլ եղել է պետության ուշադրության կենտրոնում:
Նրա խոսքով՝ այդ ուղղությամբ ամեն տարի իրականացվում են լայնածավալ աշխատանքներ:
«Պետական բյուջեով ջրամատակարարման համակարգերի շինաշխատանքներ են ընթանում Ասկերանի շրջանի Սարուշեն, Պատարա, Մխիթարաշեն, Աստղաշեն և Շոշ համայնքներում, իսկ Դաշուշեն, Քռասնի և Այգեստան համայնքների ջրամատակարաման խնդիրներն իրակնացվում են «Պրովանս-Հայաստան-Արցախ» ֆրանսիական բարեգործական միության ֆինանսավորմամբ»,-նշել է Գ. Հայրիյանը:
Նա տեղեկացրել է, որ աշխատանքներ են ընթանում նաև Մարտակերտի 2 թաղամասերում և շրջանի
Նոր Կարմիրավան, Վանք, Ներքին Հոռաթաղ, Դրմբոն, Վաղոհաս և Հաթերք համայնքներում:
Մարտունու շրջանի Եմիշճան, Թաղավարդ, Վարանդա, Մուշկապատ գյուղերում ևս իրականացվում են ջրամատակարարման աշխատանքներ: Շրջանի Հերհեր և Ծովատեղ համայնքներում արդեն մեկ ամիս է, ինչ սկսվել է նաև արտեզյան ջրհորների կառուցումը. ներկայումս իրականացվում են հորատման աշխատանքները:
Ըստ մեր զրուցակցի՝ Հադրութի շրջանի Տող և Հարթաշեն համայնքներում արդեն իրականացվել է ջրամատակակարման ծրագիրը, իսկ Ուխտաձոր և Քյուրաթաղ համայնքներում աշխատանքներն ավարտման փուլում են:
Շուշի քաղաքի 3-րդ և 4-րդ գոտիներում էլ ընթանում է ջրամատակարարման համակարգերի շինարարություն: Շուշիում 2009 թվականից սկիզբ առած ջրի ֆիլտրման կայանի և 2 ջրամբարների կառուցման աշխատանքներն ընթացքի մեջ են:
Մեծածավալ աշխատանք է տարվում հանրապետության հարավային թևի՝ Քաշաթաղի շրջանի Այգեհովիտ, Քարեգահ և Արտաշավի համայնքներում:
Շահումյանի շրջանում ջրամատակարման հարցն առայժմ իրականացվում է Չարեքտար համայնքում:
