Artsakhpress

Քաղաքական

Պատերազմական գործողությունների վերսկսման հայտարարությունների հիմքում բանակցությունների բացակայությունն է. Տիգրան Աբրահամյան

Առաջնագծում տիրող իրավիճակի մասին Panorama.am-ը զրուցել է Արցախի հանրապետության նախագահի խորհրդական Տիգրան Աբրահամյանի հետ:

Պատերազմական գործողությունների վերսկսման հայտարարությունների հիմքում բանակցությունների բացակայությունն է. Տիգրան Աբրահամյան

Պատերազմական գործողությունների վերսկսման հայտարարությունների հիմքում բանակցությունների բացակայությունն է. Տիգրան Աբրահամյան
ՍՏԵՓԱՆԱԿԵՐՏ, օգոստոսի 31, ԱՐՑԱԽՊՐԵՍ: Panorama.am-ի հարցազրույցը ներկայացնում ենք ստորև.
- Վերջին շրջանում առաջնագծում լարվածությունը կարծես թե նվազել է: Արդյոք իրականում պատկերն այդպիսին է, ինչպե՞ս կգնահատեք իրավիճակն առաջնագծում:
-Նվազում ունենք հրադադարի ռեժիմի խախտման դեպքերի մասով: Բայց վերջին մեկ ամսվա ընթացքում հակառակորդի 15 հոգանոց դիվերսիոն խմբի ներթափանցման փորձ եղավ հյուսիսային ուղղությամբ, կենտրոնական ուղղությամբ ևս սադրանքի դրսևորում եղավ:
Վերջին շրջանում հակառակորդի զինտեխնիկայի տեղաշարժերի առումով ակտիվության նվազում ունեինք, սակայն վերջին 3 օրերին մի քանի ուղղություններով որոշակի ակտիվություն կա:

Ադրբեջանն այդ կապակցությամբ արդեն հայտնել է, որ տարբեր զորատեսակներ զորավարժությունների, մարտավարական պարապունքների մեջ են:
Հարցն այն է, որ այդ ամենը տեղի է ունենում առաջնագծի մերձակա տարածքներում, ինչը իրավիճակին որոշակի լարվածություն է հաղորդում:
- Տարբեր փորձագետներ պարբերաբար բարձրաձայնում են պատերազմական գործողությունների վերսկսման հավանականության մասին: Նման վտանգը դեռ կա՞:
- Պատերազմական գործողությունների վերսկսման հավանականության մասին հայտարարությունների հիմքում բանակցությունների բացակայության փաստն է:

Ցավոք, որպես այդպիսին բանակցություններ չկան և Ադրբեջանն առանձնապես ջանքեր չի գործադրում կառուցողական դաշտ վերադառնալու համար:
- Այս իրավիճակում արդյոք համարժեք է ԵԱՀԿ Մինսկի խմբի համանախագահների գործունեությունը, որովհետև չկան հայտարարություններ, գոնե արտաքնապես տեսանելի չեն բանակցությունների վերսկսման վերաբերյալ քայլեր:
- Չեմ կարծում, թե ԵԱՀԿ մինսկի խմբի համանախագահները որևէ քայլ չեն ձեռնարկում, այլ հարց է, թե որքանով են դրանք Ադրբեջանին բանակցությունների սեղան վերադարձնելուն նպաստում:

Մյուս կողմից մենք 2016 թվականի ապրիլ ենք ունեցել, որից պետք է միջնորդ երկրները դասեր քաղած լինեն, որովհետև այս իրավիճակը երկար չի կարող շարունակվել և արտաքուստ համեմատաբար հանգիստ թվացող իրավիճակը կարող է սահուն իր տեղը զիջել անհանգիստ, անկայուն իրավիճակներին:
Այս տարածաշրջանով հետաքրքրված և երկարատև խաղաղության, կայունության ձգտող երկրները պետք է մեծ ջանքեր գործադրեն, որպեսզի Ադրբեջանը հետ կանգնի իր առավելապաշտական մոտեցումներից և հանդես գա ռացիոնալ դիրքերից:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

«Զինվորի կերպարը շահարկելով փորձում են միավորներ հավաքել». Ղարաբաղ Տելեկոմ

Արցախում ոչխարաբուծության զարգացման համար խոշորածավալ ներդրումների ծրագրի հաջող մեկնարկը տրված է. Արայիկ Հարությունյան (տեսանյութ)

Ստեփանակերտի որոշ փողոցներում ժամանակավորապես կդադարեցվի գազամատակարարումը

Search