Artsakhpress

Հարցազրույց

Նոր՝ իջեցված սակագների և սպասվող նորությունների մասին. զրույց Կարեկին Օդաբաշյանի հետ

Սեպտեմբերի 1-ից բոլոր ուղղություններով կատարված զանգերի սակագները նվազել են 15 %-ով, հետվճարային հեռախոսահամարների բաժանորդավճարը՝ 50 %-ով:

Նոր՝ իջեցված սակագների և սպասվող նորությունների մասին. զրույց Կարեկին Օդաբաշյանի հետ

Նոր՝ իջեցված սակագների և սպասվող նորությունների մասին. զրույց Կարեկին Օդաբաշյանի հետ

ՍՏԵՓԱՆԱԿԵՐՏ, սեպտեմբերի 4ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է «Ղարաբաղ Տելեկոմ» ՓԲԸ գլխավոր տնօրեն Կարեկին Օդաբաշյանն՝ անդրադառնալով Ընկերության կողմից մատուցվող ծառայությունների դիմաց կատարած վերջին սակագնային փոփոխություններին:

«Կարծում եմ՝ էական փոփոխություններ ենք կատարել, և մեր բաժանորդները պետք է ավելի մեծ տնտեսումներ կատարեն իրենց բյուջեից: Այս իմաստով կարևոր է, որպեսզի ՀՀ մեկնող մեր բաժանորդները գրանցվեն «ՎիվաՍել-ՄՏՍ»-ի ցանցում և ստանան 15.5 % զեղչ: Ի դեպ, ՀՀ այլ ցանցերում գտնվելու դեպքում՝ մուտքային բոլոր զանգերը մեր բաժանորդները ստանում են անվճար, քանի որ «Ղարաբաղ Տելեկոմ»-ը այդ ծախսերը վերցրել է իր վրա, ինչը չենք կարող ասել ՀՀ բոլոր օպերատորների բաժանորդների մասին»,- նշել է Կ. Օդաբաշյանը:

«Ղարաբաղ Տելեկոմ» ՓԲԸ գլխավոր տնօրենի խոսքով՝ ակտիվ քննարկվում է նոր փաթեթների ներդրման հարցը, որոնք ուղղված կլինեն ներցանցային և հայաստանյան ուղղություններով զանգերի համար: «Հուսով եմ՝ դրանք ավելի գրավիչ կլինեն հասարակության համար: Եթե ամեն ինչ հաջողվի, ապա հոկտեմբերին արդեն բաժանորդներին կառաջարկվեն այդ փաթեթները, իսկ մոտ ապագայում մենք կկենտրոնանանք դրանց խրախուսման վրա»,- ավելացրել է Կ. Օդաբաշյանը:

Խոսելով խոստացված ներդրումային ծրագրերի մասին՝ Կ. Օդաբաշյանը նշել է, որ դրանք ընթացքի մեջ են առանց որևէ խնդրի: «Ներդրումային ծրագիրը պետք է բարելավի շարժական համացանցի ծածկույթը և որակը: Իսկ գործող մինչև 50 Մեգաբիթ արագությունը բարելավելու արդյունքում, 10 անգամ կբազմապատկվի՝ կազմելով 500 Մեգաբիթ և կհապատասխանի հայաստանյան օպերատորների ապահոված ծավալին»,- ասել է Ղարաբաղ Տելեկոմ» ՓԲԸ գլխավոր տնօրենը և հավելել, որ որակի կտրուկ բարձրացումից սակագների թանկացում չի նախատեսվում:

Ըստ մեր զրուցակցի՝ մինչև 2019թ.-ի առաջին եռամսյակի վերջը մայրաքաղաքում և շրջկենտրոններում կիրականացվի երրորդ ցանցի ծածկույթի բարելավումը, իսկ մինչև տարեվերջ այն կգործի հանրապետության ողջ տարածքում:

Անդրադառնալով ֆիքսված համացանցի հետ կապված բաժանորդների բողոքներին՝ Կ. Օդաբաշյանը նշել է, որ հիմնական խնդիրը կրկին մնում է անհամապատասխանությունը՝ ստացվող և օգտագործվող ծավալների միջև: «Մենք քանիցս հայտարարել ենք, ու այդ մասին պատրաստ եմ նորից խոսել. եթե գնում եք, օրինակ, 1 Մեգաբայթ ծավալով ինտերնետ, ուրեմն հնարավոր չէ մի քանի սարքով (հեռախոսով, պլանշետով կամ, ասենք, համակարգչով) միանգամից որակյալ կապ ստանալ: Ասածս թող ոչ ոք սխալ չընկալի այն առումով, թե կոչ եմ անում ավելացնել ինտերնետ կապի ծավալները, ամենևին, բայց դա է իրողությունը»,- ասել է Օդաբաշյանը և ընդգծել, որ միայն հուլիս ամսվա մեջ 13.1 %-ով աճել են ինտերնետ կապով կատարած անվճար զանգերը, և եթե բջջային կապի րոպեավճարի վերածեն, ապա կկազմի 92-156 մլն դրամ:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

ՀՀ գլխավոր դատախազի հանձնարարությունը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Search