Artsakhpress

Հասարակական

Պետնախարարն աշխատանքային այց է կատարել Ճարտար

Արցախի Հանրապետության պետական նախարար Գրիգորի Մարտիրոսյանը սեպտեմբերի 6-ին աշխատանքային այց է կատարել Մարտունու շրջանի Ճարտար քաղաք։

Պետնախարարն աշխատանքային այց է կատարել Ճարտար

Պետնախարարն աշխատանքային այց է կատարել Ճարտար
ՍՏԵՓԱՆԱԿԵՐՏ, սեպտեմբերի 6ԱՐՑԱԽՊՐԵՍ: ԱՀ պետական նախարարի աշխատակազմի տեղեկատվության և հասարակայնության հետ կապերի բաժնի փոխանցմամբ՝ այցի սկզբում Գ․ Մարտիրոսյանը մասնակցել է Ճարտարում նոր բազմաֆունկցիոնալ մարզադաշտի հիմնարկեքի միջոցառմանը։ Վերջինս կառուցվում է «Հայկական գյուղերի զարգացման հիմնադրամի» միջոցներով։ Նախատեսված է, որ մարզադաշտը կունենա 20x40 մ չափերի արհեստական խոտածածկով ֆուտբոլի դաշտ՝ նախատեսված 150 հանդիսատեսի համար։ Ճարտարի սբ. Վարդանանց եկեղեցու հոգևոր սպասավորների կողմից օրհնության և աղոթքի արարողությունից հետո պետնախարարն իրականացրել է մարզադաշտի խորհրդանշական հիմնարկեքի արարողությունը։
Ճարտարում Գ․ Մարտիրոսյանի հաջորդ կանգառը եղել է օտարերկրյա մասնավոր ներդրումային միջոցներով կառուցվող խոզաբուծական ֆերման։ Ներդրող կողմը պետնախարարին է ներկայացրել իրականացված և իրականացվելիք աշխատանքները, հայտնել, որ շինարարական աշխատանքների առաջին փուլի ավարտին ֆերման նախատեսված է լինելու 4000 գլուխ խոզի համար, իսկ հաջորդական փուլերին նպատակ կա նշված քանակը հասցնելու մինչև 10000-ի։ Բիզնեսմենը և պետական նախարարը որոշ մտքեր են փոխանակել ֆերմայի համար անհրաժեշտ մարդկային ֆիզիկական, տեխնիկական և մտավոր ներուժը ճարտարցիներից ձևավորելու, արտադրական շղթայի, իրացման և երկրորդային արտադրանքի թողարկման մասին։ Հանդիպման ավարտին Գ․ Մարտիրոսյանը հաջողություն է մաղթել տնտեսվարողներին՝ հավատացնելով, որ պետությունը, լինելով շահագրգռված նման ծավալի ներդրումների հարցում, մշտապես պատրաստ է իր իրավասությունների շրջանակներում աջակցել մասնավոր ոլորտին։
Այնուհետև պետնախարարն աշխատանքային կարճ խորհրդակցություն է անցկացրել Ճարտարի քաղաքապետարանում։ Վերջինիս մասնակցել են քաղաքաշինության նախարար Կարեն Շահրամանյանը, Մարտունու շրջանի վարչակազմի ղեկավար Մհեր Օհանյանը, Ճարտարի քաղաքապետ Արթուր Աղաբեկյանը։ Քննարկման հիմնական թեման է եղել հնարավորինս արագ ժամկետներում Ճարտարի բոլոր հատվածներում ջրամատակարարման հարցի լուծման եղանակները։
Ճարտարում պետական նախարար Գրիգորի Մարտիրոսյանն այցելել է նաև մշակույթի վաստակավոր գործիչ Մելս Հովսեփյանի նկարների ցուցահանդեսը, ինչպես նաև Սևակ Ղուկասյանի անվան մարզամշակութային պալատում գործող արվեստի դպրոց, ծանոթացել դպրոցի սաների աշխատանքներին։
Ճարտար կատարած աշխատանքային այցին պետնախարարի հետ մասնակցել է քաղաքաշինության նախարար Կարեն Շահրամանյանը։

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանի նախաձեռնած ստորագրահավաքն իրավական տեսանկյունից խնդրահարույց դրույթ է ներկայացնում. ՀՀ բարձրաստիճան պաշտոնյան ներկայացնում է ռիսկերը

Վիտալի Բալասանյանի գրասենյակը հայտարարություն է տարածել

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Մահացել է ՀՀ վաստակավոր արտիստ Ռուդոլֆ Ղևոնդյանը

Սուրբ Նիկողայոս վանքը փոխանցվել է հայ համայնքին

Այսօր Ապրիլյան պատերազմի հերոս Նորայր Հաջիյանի ծննդյան օրն է

Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում

Աշխատանքային, զինվորական, սոցիալական կենսաթոշակները կվերահաշվարկվեն. Սամվել Ավանեսյան

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին

Search