Ամերիկայի Հայդատի հանձնախումբը (ANCA) ԱՄՆ Պետքարտուղարությանը կոչ է արել պաշտոնապես ուսումնասիրել իսրայելական դրոնների պատրաստման ժամանակ ամերիկյան տեխնիկայի հնարավոր ապօրինի օգտագործումը, որոնք 2017 թվականին Ադրբեջանի կողմից կիրառվել են Արցախի դեմ:
ANCA-ն կոչ է արել հետաքննություն անցկացնել՝ կապված իսրայելական դրոններում ամերիկյան տեխնիկայի օգտագործման հետ
ՍՏԵՓԱՆԱԿԵՐՏ, սեպտեմբերի 7, ԱՐՑԱԽՊՐԵՍ: ԱՄՆ պետքարտուղարի ռազմաքաղաքական հարցերով փոխտեղակալ Թինա Կայդանովին հասցեագրած իր նամակում ANCA-ն պահանջում է հրապարակային քննություն անցկացնել ամերիկյան զենքի արտահանման հնարավոր խախտումների վերաբերյալ՝ կապված Իսրայելի կառավարության դատական հայցերի հետ ընդդեմ Aeronautics Defense Systems (ADS) ընկերության Բաքվում ցուցադրության ժամանակ դրոնն Արցախի դեմ օգտագործելու համար, փոխանցում է news.am-ը:
Հայտարարության համաձայն՝ ԱՄՆ օրենսդրությունը երրորդ երկրներին արգելում է ԱՄՆ ռազմական տեխնիկայի օգտագործումը այն երկրներին արտահանվող զենք պատրաստելիս, որոնք ամերիկյան զենքի էմբարգոյի ներքո են: Հետեւաբար ANCA-ն Պետքարտուղարությանը կոչ է անում այս փաստով քննություն սկսել:
ANCA-ում մտահոգություն են հայտնել՝ կապված իսրայելական Orbiter 1K-ում «տրանզիստորների, էլեկտրական բաղադրիչների եւ այլ տեխնոլոգիաների» հնարավոր օգտագործման հետ:
Հայտարարության համաձայն՝ ԱՄՆ օրենսդրության խախտումը եւ Հայաստանի ու Արցախի դեմ Ադրբեջանի ագրեսիան վնասում են ԱՄՆ շահերին տարածաշրջանային կայունության, տարածաշրջանային պատերազմի բռնկման կանխման եւ Ռուսաստանում, Իրանում կամ այլ երկրներում ամերիկյան սարքավորումերի, ծրագրային ապահովման կամ տեխնոլոգիաների տարածման կամ մատակարարման գործում:
Նշենք, որ 2017-ի հուլիսին իսրայելական Aeronautics Defense Systems ընկերությունը, որը Ադրբեջանին անօդաչուներ էր վաճառել, Բաքվի պահանջով դրանք փորձարկել է Արցախի ուղղությամբ, ինչի հետեւանքով երկու հայ զինծառայող է վիրավորվել:
