ՍՏԵՓԱՆԱԿԵՐՏ, սեպտեմբերի 8, ԱՐՑԱԽՊՐԵՍ: «Արցախպրես»-ի  թղթակցի  հետ զրույցում   ԱՀ  գյուղատնտեսության նախարարության բուսաբուծության և բույսերի պաշտպանության բաժնի   պետ  Արամ  Բադալյանն ասել է, որ  հանրապետությունում  բերքահավաքի  ենթակա   2512,3  հա   արևածաղկի  ցանքսից   հատիկի   համար   հնձվել  է   431  հա:  Համախառը   բերքը   կազմել  է  397  տ. միջին  բերքատվությունը   1հա-ից  9,2 ց  է:  Իսկ  սիլոսի  համար  հնձվել  է  70  հա  արևածաղիկ: Համախառը  բերքը  կազմել  է   1400  տ.  միջին    բերքատվությունը   հա-ից   200ց  է:

 

Խոսելով արևածաղկի բերքի իրացման մասին՝  Ա.  Բադալյանը նշել   է,  որ որևէ խնդիր մինչ այսօր չի եղել, քանի որ հողօգտագործողներն իրենց ստացած բերքը հանձնում են Կարմիր   Շուկայում     գործող  ձեթի  արտադրության   գործարանին:

 

Ըստ   մեր զրուցակցի՝    եգիպտացորենի   բերքահավաքի  ենթակա  1683,8  հա-ից   հատիկի   համար   հնձվել  է  589,8 հա:   Համախառը   բերքը   կազմել  է  1856,5 տ. միջին  բերքատվությունը  հա-ից   31,5ց  է: Իսկ  սիլոսի    համար  հնձվել  է  224  հա եգիպտացորեն:    Համախառը  բերքը  կազմել  է    3950 տ. միջին   բերքատվությունը  հա-ից  176,3 ց  է:

 

«Հանրապետությունում   իրականացվել  է   2092   հա կտավատի  ցանքս, որից  հնձվել  է 1399,3 հա-ը: Համախառը  բերքը  կազմել  է   1259 տ. միջին  բերքատվությունը   հա-ից  9ց է: Իսկ   հլածուկի   բերքահավաքի   աշխատանքներն  արդեն    ավարտվել են. կատարված   243 հա  ցանքսից համախառը  բերքը    կազմել  է    347  տ.  միջին  բերքատվությունը  14,3  ց է: Գարնանացան   մշակաբույսերի   բերքահավաքի   արդյունքները    գոհացուցիչ  են»,-ավելացրել  է  ոլորտի  պատասխանատուն: