Artsakhpress

Հասարակական

Քերոլայն Քոքսի անվան վերականգնողական կենտրոնը նշել է հիմնադրման 20-ամյակը

Ստեփանակերտի Քերոլայն Քոքսի անվան վերականգնողական կենտրոնն այսօր նշել է հիմնադրման 20-ամյակը:

Քերոլայն Քոքսի անվան վերականգնողական կենտրոնը նշել է հիմնադրման 20-ամյակը

Քերոլայն Քոքսի անվան վերականգնողական կենտրոնը նշել է հիմնադրման 20-ամյակը
ՍՏԵՓԱՆԱԿԵՐՏ, սեպտեմբերի 9ԱՐՑԱԽՊՐԵՍ: «Արցախպրես»-ի թղթակցի հաղորդմամբ կենտրոնի 20-ամյակին նվիրված միջոցացմանը ներկա է եղել նաև Մեծ Բրիտանիայի և Հյուսիսային Իռլանդիայի Միացյալ Թագավորության լորդերի պալատի անդամ   բարոնուհի Քերոլայն Քոքսը:
Վերականգնողական կենտրոնի գորրծադիր տնօրեն Վարդան Թադևոսյանն իր ելույթում ասաց, որ կենտրոնի կառուցումը իր և բարոնուհու համար մեծ մարտահրավեր էր, քանի որ վստահ չէին, որ գաղափարը կունենա հաջողություն:
 
«Գիտեք, որ այս կենտրոնի ստեղծման պատմությունը կապված է բարոնուհի Քերոլայն Քոքսի հետ: Տեսնելով, որ պատերազմի հետևանքնով Արցախում  մեծ թիվ են կազմում հաշմանդամություն ունեցող անձինք, 1998 թվականին նա ձեռնամուխ եղավ այս կենտրոնի ստեղծմանը»,- ասել է Վ. Թադևոսյանը: Նա ընդգծել է, որ կենտրոնի մասնագետներն ունեն մի քանի մասնագիտություն և նրանց համար տարին մի քանի անգամ արտերկրից հրավիրվող մասնագետների միջոցով պարբերաբար կազմակերպվում է նաև դասընթացներ:

Բարոնուհի Քերոլայն Քոքսն իր ելույթում նշել է, որ այսօր պատմական օր է իր համար և մեծ պատիվ՝ ներկա գտնվելու կենտրոնի 20-ամյակին նվիրված միջոցառմանը:
 
«Ինձ բախտ է վիճակվել լինել ձեզ հետ այն ահռելի պատերազմի ժամանակ, որը դուք ապրել եք: Երբ ես խոսում եմ Արցախի մասին, ես միշտ նշում եմ, որ աշխարհը ձեզ պարտական է, քանի որ դուք ազատության և հավատքի առաջամարտիկներ եք:
Ես կցանկանայի շեշտել, որ այս կենտրոնը ճանաչված է ամբողջ աշխարհում՝ իր առաքելությունը այս տարիների ընթացքում գերազանց իրականացնելու համար»,- նշել է Ք. Քոքսը:
 
Ք. Քոքսը նաև հավաստագիր է հանձնել վերականգնողական կենտրոնի տնօրեն Վ. Թադևոսյանին, կենտրոնը զարգացնելու և առաքելությունը պատվով կատարելու  համար:
 
Միջոցառմանը ներկա էին նաև ԱՀ Ազգային ժողովի նախագահ Աշոտ Ղուլյանը, առողջապահության նախարար Արայիկ Բաղրյանը, կրթության, գիտության և սպորտի նախարար Նարինե Աղաբալյանը և հյուրեր:
 
 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Աշոտ Հակոբջանյանը նշանակվել է Արցախի Հանրապետության ոստիկանության պետի տեղակալ

Զանգակատուն գյուղի մոտ ադրբեջանցիներն իրենց դիրքերն առաջ են բերել. համայնքապետ

Ունեմ շուրջ 115 հազար վաճառքի ենթակա տնկիներ. երիտասարդ այգեգործը պատմել է իր հաջողված բիզնեսի մասին

Արցախում առաջին անգամ պետբյուջեի եկամուտները կգերազանցեն ծախսերը. Ֆինանսների նախարար

Շուշիում կազմակերպվել է մոդելավորման բաժնի ուսանողների աշխատանքների ցուցադրություն

Փորձարկվել է հայկական արտադրության առաջին ռազմական ռոբոտը

Նախագահ Բակո Սահակյանը Կառավարության որոշում է հաստատել

Քիմ Քարդաշյանն ու Քանյե Ուեսթը գալիս են Հայաստան երեխա որդեգրելու

Կոմիտասի անվան երաժշտական դպրոցի դիմորդները տարեցտարի ավելանում են. մշակութային կրթօջախը 80 տարեկան է

Search