Հադրութի շրջանի Տողի մելիքական ապարանքում կազմակերպված արցախյան գինու հինգերորդ փառատոնին մասնակցում էին մեծ թվով զբոսաշրջիկներ:
Արցախ այցելած զբոսաշրջիկները տպավորված են արցախյան գինու փառատոնով
ՍՏԵՓԱՆԱԿԵՐՏ, սեպտեմբերի 15, ԱՐՑԱԽՊՐԵՍ:«Արցախպրես»-ի թղթակցի հետ զրույցում Ռուսաստանի Դաշնությունից առաջին անգամ Արցախ այցելած Եկատերինա Միխայելովնան ասել է, որ ինքը, իմանալով Հադրութի շրջանի Տող գյուղում կազմակերպվող գինու հինգերորդ փառատոնի մասին, միանգամից որոշել է գալ և մասնակցել:
«Այս միջոցառումը վեր է ածվել մեծ տոնակատարության: Այստեղ մարդիկ սրտանց ուրախացել են, բոլորը միմյանց ժպտում են, պարում, աշխատում: Համտեսել եմ արցախյան գինիներից և անկեղծորեն պետք է ասեմ, որ դրանք բավականին բարձր որակով են պատրաստված: Ստացած տպավորություններս Արցախի ու արցախցիների մասին մեծ են: Հուսով եմ, որ հետագայում ևս կգամ Արցախ և կմասնակցեմ այսպիսի շքեղ միջոցառումների»,-ավելացրել է մեր զրուցակիցը:
Հունգարիայից Արցախ ժամանած Դավիթ Դերչինին նույնպես առաջին անգամ է Արցախ այցելել: 
«Շատ հաճելի է լինել Արցախի պատմական վայրերից մեկում՝ Տողի մելիքական ապարանքում, ուր կազմակերպվել է նման միջոցառում: Համտեսել եմ արցախյան ուտեստներ, գինիներ, որոնք շատ համեղ են: Ինձ հատկապես դուր է եկել «Ոսկենի վայնս» («Voskeni Wines») գինու կարմիր տեսականին, որը, կարծում եմ, մրցունակ կլինի մեր երկրում: Ըստ իս՝ նման փառատոները ոչ միայն երկրի, այլև զբոսաշրջիկների համար են կարևոր»,-ասել է Դավիթ Դերչինին:
«Շատ հաճելի է լինել Արցախի պատմական վայրերից մեկում՝ Տողի մելիքական ապարանքում, ուր կազմակերպվել է նման միջոցառում: Համտեսել եմ արցախյան ուտեստներ, գինիներ, որոնք շատ համեղ են: Ինձ հատկապես դուր է եկել «Ոսկենի վայնս» («Voskeni Wines») գինու կարմիր տեսականին, որը, կարծում եմ, մրցունակ կլինի մեր երկրում: Ըստ իս՝ նման փառատոները ոչ միայն երկրի, այլև զբոսաշրջիկների համար են կարևոր»,-ասել է Դավիթ Դերչինին: Իսկ ՌԴ-ից Լարիսա Պավլովնան Արցախում է արդեն 4-րդ անգամ: 
«Առաջին անգամ եմ գտնվում Տողի մելիքական ապարանքում, ինչպես նաև մասնակցում գինու փառատոնի: Մարդկանց տրամադրություններից երևում է, որ ամեն ինչ սիրով են կազմակերպել: Մենք՝ արտերկրից ժամանածներս, շատ ենք տպավորված այս փառատոնով: Այստեղ ներկայացված են գինիների մեծ տեսականի, և ես շատ գինիներ եմ համտեսել. բոլորն էլ յուրահատուկ համ ու բույր ունեն: Ուրախ կլինեմ, եթե առիթ լինի ու ես կարողանամ մասնակցել նման միջոցառումների»,-ավելացրել է Լարիսա Պավլովնան:
«Առաջին անգամ եմ գտնվում Տողի մելիքական ապարանքում, ինչպես նաև մասնակցում գինու փառատոնի: Մարդկանց տրամադրություններից երևում է, որ ամեն ինչ սիրով են կազմակերպել: Մենք՝ արտերկրից ժամանածներս, շատ ենք տպավորված այս փառատոնով: Այստեղ ներկայացված են գինիների մեծ տեսականի, և ես շատ գինիներ եմ համտեսել. բոլորն էլ յուրահատուկ համ ու բույր ունեն: Ուրախ կլինեմ, եթե առիթ լինի ու ես կարողանամ մասնակցել նման միջոցառումների»,-ավելացրել է Լարիսա Պավլովնան: 
