Artsakhpress

Մշակույթ

Ի՞ նչ գինիներ են ներկայացվել արցախյան գինու hինգերորդ փառատոնին. համերն ու գույները «Արցախպրես»-ի անդրադարձում

Այսօր՝ սեպտեմբերի 15-ին, Հադրութի շրջանի Տող գյուղի Մելիքական ապարանքում տեղի ունեցած արցախյան գինու hինգերորդ փառատոնին մասնակցել են 49 գինեգործական ընկերություններ և անհատ գինեգործներ Արցախից ու Հայաստանից:

Ի՞ նչ գինիներ են ներկայացվել արցախյան գինու hինգերորդ փառատոնին. համերն ու գույները «Արցախպրես»-ի անդրադարձում

Ի՞ նչ գինիներ են ներկայացվել արցախյան գինու hինգերորդ փառատոնին. համերն ու գույները «Արցախպրես»-ի անդրադարձում
ՍՏԵՓԱՆԱԿԵՐՏ, սեպտեմբերի 15ԱՐՑԱԽՊՐԵՍ: Ի՞նչ գինիներ են ներկայացվել արցախյան գինու հինգերորդ փառատոնին. համերին ու գույներին ծանոթացել է «Արցախպրես»-ի թղթակիցը:
Այսպես՝ «Ստեփանակերտի կոնյակի գործարան» փակ բաժնետիրական ընկերությունը (Stepanakert Brandy Company) փառատոնին մասնակցում է արդեն հինգերորդ անգամ:
Ընկերության գլխավոր տնօրենի օգնական Սուրեն Առուշանյանի խոսքով՝ մասնակցությունը փառատոնին ընկերությանը հնարավորություն է տալիս մնացած գինիների կողքին ներկայացնելու նորությունները: Նրա խոսքով՝ այսօր ներկայացրել են 11 տեսակի գինիներ:
Փառատոնին երրորդ անգամ մասնակցող «Վան Արդի» գինեգործական ընկերությունը ներկայացել է չորս տեսակի գինիներով:
«Դրանք են սպիտակ չոր, կիսաչոր, վարդագույն անապակ և կարմիր անապակ գինիները: Ակնկալում ենք, որ ինչպես մեր հայրենակիցները, այնպես էլ օտարազգի հյուրերը, հնարավորություն կունենան համտեսելու համեղ հայկական գինիներ»,- ասել է ընկերության ներկայացուցիչ Անի Մուրադյանը:
«Իջևանի գինու և կոնյակի գործարան»-ը փառատոնին մասնակցում է առաջին անգամ՝ ներկայանալով 12 տեսակի գինիներով:
Ընկերության մարքեթինգի բաժնի ղեկավար Էդուարդ Սոբոլևը համոզված է, որ այստեղ ստացած դրական հույզերն իրենք կփոխանցեն բոլոր այն մարդկանց, ովքեր կմոտենան տաղավարին:
Արցախում գործող «Ադամյան» գինու գործարանը ևս ներկայացել է առաջին անգամ:
Ընկերության ներկայացուցիչ Լարի Ավանեսյանի խոսքով՝ տաղավարում ցուցադրվել են երեք՝ սև, վարդագույն և սպիտակ տեսակի գինիները:
 
«Վոսկենի վայնս» («Voskeni Wines») ընկերությունը, որը ևս առաջին անգամ է մասնակցում արցախյան գինու փառատոնին, ներկայացել է 3 տեսակի՝ սպիտակ, կարմիր և ռեզերվ գինիներով:
Ընկերության համահիմնադիր Ալենա Մկրտչյանն ուրախությամբ նշել է, որ փառատոնի շնորհիվ արցախցիներն իմացան իրենց արտադրանքի մասին:
Իսկ անհատ գինեգործ, ճարտարաբնակ Էդիկ Ղուկասյանը, ով ևս առաջին անգամ է մասնակցում փառատոնին, ներկայացել է 7 տեսակի գինիներով:
Նրա խոսքով՝ փառատոնը հնարավորություն է տալիս զարգացնել գինեգործությունը և ներկայանալ հասարակության ստվար զանգվածներին:
Անհատ գինեգործ Արտաշես Թովմասյանը ևս փառատոնին մասնակցում է առաջին անգամ: Մեզ հետ զրույցում նա նշել է, որ ներկայացրել է գինիների երեք՝ «Վանքասար» չոր կարմիր, «Վանքասար» ռեզերվ կարմիր, «Վանքասար» սպիտակ տեսակները:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Արթուր Մկրտչյանն այսօր կդառնար 60 տարեկան. քաղաքական գործիչն ընկերների հուշերում

Ստեփանակերտում գործում է «Վիտա Մեդ» բժշկական նոր կենտրոն

Google-ը տարվա ընթացքում ավելի քան 13 մլրդ դոլար կներդնի ԱՄՆ-ում տվյալների մշակման իր կենտրոններում ու գրասենյակներում

Արայիկ Հարությունյանը վստահ է՝ Արցախում գյուղատնտեսությունը տնտեսական աճն ապահովող հիմնական ուղղություններից է լինելու

Հաթերքում կկազմակերպվի ժենգյալով հացի երկրորդ փառատոն

Հատուկ հանձնարարությունների գծով ԱՀ Նախագահի ներկայացուցիչ Կարեն Սարգսյանն ազատվել է պաշտոնից

Մայրաքաղաքում հանցագործություն կատարած անձանց մեջ մեծ թիվ են կազմում կանայք

Հայաստանի Զինված ուժերը համալրվել են հայրենական ԱՐՄԻ-55Մ անօդաչու թռչող սարքերով

Search