Artsakhpress

Սպորտ

Ստեփանակերտում տեղի է ունեցել Իգոր Տեր-Հովհաննիսյանի և Ռոբերտ Էմմիյանի անվան գավաթի միջազգային մրցաշարը

ԱՀ նախագահի բարձր հովանու ներքո և ԱՀ թեթև աթլետիկայի ֆեդերացիայի նախաձեռնությամբ այսօր՝ սեպտեմբերի 16-ին Ստեփանակերտի Ստեփան Շահումյանի անվան հանրապետական մարզադաշտում տեղի է ունեցել հեռացատկի հայազգի լեգենդար ռեկորդակիրներ Իգոր Տեր-Հովհաննիսյանի և Ռոբերտ Էմմիյանի անվան գավաթի մրցաշարի եզրափակիչ փուլը:

Ստեփանակերտում տեղի է ունեցել Իգոր Տեր-Հովհաննիսյանի և Ռոբերտ Էմմիյանի անվան գավաթի միջազգային մրցաշարը

Ստեփանակերտում տեղի է ունեցել Իգոր Տեր-Հովհաննիսյանի և Ռոբերտ Էմմիյանի անվան գավաթի միջազգային մրցաշարը
ՍՏԵՓԱՆԱԿԵՐՏ, սեպտեմբերի 16ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ մրցաշարին ներկա գտնվելու առիթով Արցախ են ժամանել հեռացատկի Եվրոպայի ութակի և աշխարհի կրկնակի ռեկորդակիր Իգոր Տեր-Հովհաննիսյանը և հեռացատկի Եվրոպայի կրկնակի չեմպիոն և ռեկորդակիր (8 մետր 86 սմ), ՀՀ աթլետիկայի ֆեդերացիայի նախագահ Ռոբերտ Էմմիյանը:
Մրցաշարին մասնակցել են մարզիկներ Արցախից, Հայաստանից, Ռուսաստանից, Բուլղարիայից և ԱՄՆ-ից, այդ թվում նաև միջազգային կարգի սպորտի վարպետ, աշխարհի ամենաարագավազ հայ մարզիկ Ալեքսանդր Դոնիկյանը (ԱՄՆ):
Միջոցառմանը ներկա ԱՀ նախագահ Բակո Սահակյանն իր ելույթում ասաց, որ մրցաշարը շատ  կարևոր իրադարձություն է երկրի մարզական կյանքում և խորհրդանշական, քանի որ կրում է սպորտի լեգենդար երկու հայ մարզիկների անունները: 
«Նրանց փայլուն հըաղթանակները տարբեր միջազգային հարթակներում, սահմանված ռեկորդները շոշափելի ազդեցություն են ունեցել թեթև ատլետիկայի զարգացման գործում՝ մեծ համբավ և պատիվ բերելով հայրենիքին: Նրանց ներկայությունը այսօր առանձնահատուկ իմաստ է հաղորդում անցկացվող մրցաշարին, և ցանկանում եմ իմ երախտագիտությունը հայտնել՝ պատմական հայրենիքի այս հատվածի նկատմամբ ունեցած վերաբերմունքի և աջակցության համար»,- նշել է Բ. Սահակյանը:
Մրցումների եզրափակիչ փուլում տղամարդկանց ու կանանց 100մ, 400մ, 800մ, 1000մ վազքատարածություններում և հեռացատակում  առաջին երեք մրցանակային տեղեր  գրաված մասնակիցները պարգևատրվել են ԱՀ թեթև աթլետիկայի ֆեդերացիայի կողմից:
Միջոցառմանը ներկա էին ԱՀ ԱԺ նախագահ Աշոտ Ղուլյանը, գերատեսչությունների ղեկավարներ, ՊԲ զինծառայողներ և մարզասերներ:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Հակառակորդի կրակոցից մահացու հրազենային վիրավորում է ստացել ՊԲ զինծառայող

Տեղի ունեցած ծեծկռտուքի պատճառով այսօր Շոշ գյուղում ճանապարհ են փակել

Շոշ գյուղում կատարված դեպքի առթիվ ԱՀ ոստիկանությունը նոր մանրամասներ է հայտնում

Բակո Սահակյանը Նիկոլ Փաշինյանի հետ այցելել է հանրապետության հյուսիսային սահմանագծի մի շարք հատվածներ

Շոշ գյուղում միջադեպից տուժածին «պատշաճ բուժօգնություն» չցուցաբերելու առնչությամբ ԱՆ-ն հայտարարություն է տարածել

Հակառակորդի կրակոցից պայմանագրային զինծառայող է զոհվել

Շնորհավորանքներ նորապսակներին և նորածիններին. մայրաքաղաքի օրը եզրափակվել է տոնական համերգով (լուսանկարներ)

«Հարսանիք Թիկունքում» ներկայացումն Արցախի հանդեպ ունեցած մեծագույն սիրո ծնունդ է. Գյումրիի թատրոնի տնօրեն

Ջրհեղեղի հետևանքով Բաքվի մի շարք շրջաններ անցել են ջրի տակ

Search