Artsakhpress

Ռազմական

Մարտունակ բանակ ունենալու երաշխիքներից մեկը պատրաստված և գրագետ հրամանատարներն ունենալն է. զինծառայող

Շարքային Դավիթ Հակոբյանը շուրջ մեկ տարի է, ինչ ծառայում է Պաշտպանության բանակի հարավ-արևելյան ուղղությամբ տեղակայված զորամասերից մեկում: Զինծառայող Դ. Հակոբյանն ապագա հոգեբան է: Վերջինս ուսումը կիսատ է թողել ԵՊՀ փիլիսոփայության և հոգեբանության ֆակուլտետում:

Մարտունակ բանակ ունենալու երաշխիքներից մեկը պատրաստված և գրագետ հրամանատարներն ունենալն է. զինծառայող

Մարտունակ բանակ ունենալու երաշխիքներից մեկը պատրաստված և գրագետ հրամանատարներն ունենալն է. զինծառայող
ՍՏԵՓԱՆԱԿԵՐՏ, սեպտեմբերի 18ԱՐՑԱԽՊՐԵՍ-ՄԱՐՏԻԿ: «Նախքան բանակ գալս ծառայությունը պատկերացնում էի ծիածանի գույների ներքո: Հայրենիքի հանդեպ պարտքը կատարած ընկերներս իրենց ծառայության մասին պատմելիս մշտապես մեծ հիացմունքով են խոսել բանակի մասին` կարևորելով հայրենիքի պաշտպանությունը: Հետո, երբ զորակոչվեցի բանակ, պատկերացումներս փոխվեցին, սկսեցի կյանքին նայել մի ուրիշ աչքերով: Հեշտ չէ երկար ժամանակ մոռանալ քաղաքացիական կյանքը, ընկերներին, սիրած աղջկան»,- ասում է Դավիթն ու հավելում, որ բանակային դժվարությունները հաղթահարելի են, որոնք նաև կոփում են մարդուն, դարձնում լիարժեք տղամարդ:
Դավիթ Հակոբյանն անկեղծանում է, որ մեծ պատասխանատվությամբ և հպարտության մեծ զգացումով է ստանձնել հայրենիքի պաշտպանի գործը և ասում է. «Ծառայության ընթացքում սկսել եմ ավելի թանկ գնահատել կյանքը և բոլոր այն հնարավորությունները, որոնք տրվում են կյանքի ընթացքում: Այդ գիտակցումն ինձ օգնում է ավելի մտածված իրականացնելու ծառայությունս, ինչպես նաև ծառայողական պարտականություններս կազմակերպել այնպես, որ ծնողներս հպարտ լինեն, որ իրենց որդին զինվոր է և ծառայում է բանակում»:
Ըստ շարքային Դ. Հակոբյանի` բանակը կյանքի այնպիսի մի դպրոց է, որտեղ սեփական սխալները վերլուծելով, սովորում ես քեզ ճիշտ դրսևորել անգամ ամենադժվարին իրավիճակներում: Դավիթն այս համոզմունքին է եկել, երբ մտել է բուն ծառայության մեջ, հասկացել ինչպես իր, այնպես էլ զինակից ընկերների մարդկային տեսակներն ու հնարավորությունները:
Դավիթն այժմ ծառայությունն իրականացնում է մարտական հերթապահություն իրականացնող ստորաբաժանումում: Ասում է` մեծ պատասխանատվություն է ծառայել մի պաշտպանական շրջանում, որտեղ կռվել ու մարտնչել է լեգենդար հրամանատարը` Հայաստանի Ազգային հերոս Մոնթե Մելքոնյանը:
«Առաջին անգամ, երբ բարձրացա դիրքեր, ավելի փորձառու դիրքապահներից հետաքրքրվեցի, թե որտեղ է կռվել Մոնթեն… Մինչ բանակ գալս շատ եմ կարդացել նրա մարտական գործողությունների ու հերոսական քայլերի մասին»,-ասում է Դավիթը:
Շարքային Դ. Հակոբյանը գիտակցաբար և աչալրջորեն է կատարում իր ծառայությունը: Գումարտակի վարորդը պարբերաբար ստանձնում է նաև դիրքապահի պարտականությունները: Ասում է` յուրաքանչյուր հայ տղա պետք է անցնի ծառայության դժվարությունների թոհուբոհի միջով, իրականացնի մարտական հերթապահություն, կանգնի առաջնագծում և հասկանա, թե հայրենիքն ինչ բան է, և ինչ է պետք անել այդ հայրենիքը պահպանելու և պաշտպանելու համար:
«Մարտունակ բանակ ունենալու երաշխիքներից մեկն է նաև ունենալ պատրաստված և գրագետ հրամանատարներ: Հայրենիքի պաշտպանի մասնագիտությունը սերտած սպաները պետք է սեփական օրինակով ցույց տան, թե ինչպես է պետք ծառայել հայրենիքին, ինչպես նաև զինվորների հետ առօրյա շփումներն այնպես կազմակերպեն, որ ծառայության հանդեպ զինվորի տրամադրվածությունն էլ ավելի մեծանա»,- նկատում է շարքային Հակոբյանն ու ավելացնում, որ հնարավոր բոլոր առիթների դեպքում ծառայակից ընկերների հետ խոսում է այդ մասին, քննարկում հաջողության հասնելու բոլոր հնարավոր ուղիները:
Ինչ վերաբերում է հոգեբանի մասնագիտությանը, ապա Դավիթն ասում է, որ հոգեբան դառնալու մասին երազել է մանկուց: Բանն այն է, որ շարքային զինծառայողը շատ է ցանկանում բացահայտել մարդուն, նրա հուզականությունը, հոգեկան ներաշխարհը. «Թեև չեմ հասցրել մասնագիտական կրթություն ստանալ, բայց ծառայությանս ընթացքում ամեն կերպ փորձում եմ օգնել ծառայակից ընկերներիս` դուրս գալու հոգեբանական դժվարին իրավիճակներից»:
Զրույցի ավարտին Դավիթ Հակոբյանը բոլոր ծնողներին կոչ է անում զինվել համբերությամբ, լծվել հպարտության զգացումով, չէ որ նրանց որդիները պահում և պաշտպանում են հայրենիքի սահմանները, իսկ նրանց սիրելիներին` ցանկանում համբերություն և հավատարմություն:
շարքային Հովհաննես Վարդանյան

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ես  հաղթանակած մարզիկի   իրավունքով  եմ  եկել  Արցախ. աշխարհի չեմպիոն և ռեկորդակիր Սիմոն Մարտիրոսյան

ՀՕՊ զորքերն այսօր ի զորու են մոխրի վերածել հակառակորդի ցանկացած թռչող օբյեկտ. ՊՆ-ն ներկայացրել է C-300 համակարգը

Նիկոլ Փաշինյանն անդրադարձել է Ռոբերտ Քոչարյանի կողմնակիցների` հանրահավաքներ իրականացնելու մտադրությանը

Լավ կանեն՝ լռեն, բարոյական չէ. Արկադի Կարապետյանը՝ Արցախը հանձնելու Շահնազարյանի հայտարարությունների մասին

Սերժ Սարգսյանը տիկնոջ՝ Ռիտա Սարգսյանի հետ քվեարկեց 29/15 ընտրատեղամասում (տեսանյութ)

Քոչարյանին անհապաղ արձակելու պահանջով հանրահավաքային պայքար կսկսվի

Ձնահյուսի տակ մնացած զինծառայողին մահացած են գտել

Սիսիանում մի խումբ զինծառայողներ են մնացել ձնահյուսի տակ. նրանցից մեկին գտնել չի հաջողվել. ՊՆ

Արցախում հարգանքի տուրք են մատուցել Սպիտակի երկրաշարժի 30-րդ տարելիցի առթիվ (լուսանկարներ)

Search