Artsakhpress

Ռազմական

ՊԲ մի շարք զորամասերում անց են կացվել երկաստիճան շտաբային մարզումներ

Հրամանատարական կազմի մասնագիտական պատրաստվածությունն ու ունակությունները կատարելագործելու և տարբեր ստորաբաժանումների գործողությունները ներդաշնակելու նպատակով Պաշտպանության բանակում պարբերաբար անց են կացվում տարբեր բնույթի մարզումներ:

ՊԲ մի շարք զորամասերում անց են կացվել երկաստիճան շտաբային մարզումներ

ՊԲ մի շարք զորամասերում անց են կացվել երկաստիճան շտաբային մարզումներ
ՍՏԵՓԱՆԱԿԵՐՏ, սեպտեմբերի 19ԱՐՑԱԽՊՐԵՍ-ՄԱՐՏԻԿ: Հենց այդ նպատակն էին հետապնդում Պաշտպանության բանակի 2018 թվականի ուսումնական տարվա պատրաստության պլանի համաձայն մի շարք զորամասերում մեկնարկած երկաստիճան շտաբային մարզումները, որոնց ընթացքին հետևեցինք գնդապետ Արտյոմ Առաքելյանի հրամանատարությամբ գործող զորամասում:
Զորամասի վարչության և ստորաբաժանումների շտաբների հետ համատեղ անցկացվող մարզումների ընթացքում խաղարկվեցին ինչպես պաշտպանողական, այնպես էլ հարձակողական բնույթի գործողություններ: Մասնավորապես խնդիր էր դրված իրականացնել մխրճված հակառակորդի կրակային խոցում, ինչպես նաև կենդանի ուժին ու տեխնիկական միջոցներին պատճառելով առավելագույն կորուստներ, վերականգնել կորսված դիրքերն ու կատարել վերադաս հրամանատարության կողմից տրված հետագա առաջադրանքները:
Նախքան որոշումների կայացումն ու կոնկրետ գործողություններին անցնելը, համապատասխան ծառայությունների պետերը հանդես եկան զեկույցներով` մանրամասն ներկայացնելով ստեղծված օպերատիվ-մարտավարական իրավիճակը, հակառակորդի և յուրային ուժերի հարաբերակցությունն ու դասավորվածությունը, գործողությունների հավանական զարգացման ընթացքը, տեղանքի, եղանակի և առաջադրված խնդրի կատարման հետ առնչվող այլ տեղեկություններ:
Հավելենք, որ մարզումների ընթացքում ներկայացրած զեկույցների և ապա ծավալված հարց ու պատասխանի միջոցով վերադաս հրամանատարությունը հերթական անգամ ստուգում և ըստ այդմ գնահատում էր բարձրաստիճան սպայակազմի մասնագիտական ունակությունների տեսական մակարդակը: Ինչ վերաբերում է գործնական կարողություններին, ապա դրանք ցուցադրելու իրական պայմաններ կստեղծվեն օրերս Պաշտպանության բանակում մեկնարկած ամառային ուսումնական փուլի շրջանակներում իրականացվող դաշտային վարժանքների ու պարապմունքների ընթացքում:
Հրայր Փաշայան

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ՍՈՒ-25-ի վթարի վայրը հայտնաբերվել է. երկու օդաչուները զոհվել են

Կորել է կապը ուսումնամարզական թռիչք իրականացնող ՀՀ զինված ուժերի ՍՈՒ-25 մարտական ինքնաթիռի հետ. ընթանում են որոնողա-փրկարարական աշխատանքներ

Ես  հաղթանակած մարզիկի   իրավունքով  եմ  եկել  Արցախ. աշխարհի չեմպիոն և ռեկորդակիր Սիմոն Մարտիրոսյան

Նիկոլ Փաշինյանն անդրադարձել է Ռոբերտ Քոչարյանի կողմնակիցների` հանրահավաքներ իրականացնելու մտադրությանը

ՀՕՊ զորքերն այսօր ի զորու են մոխրի վերածել հակառակորդի ցանկացած թռչող օբյեկտ. ՊՆ-ն ներկայացրել է C-300 համակարգը

Լավ կանեն՝ լռեն, բարոյական չէ. Արկադի Կարապետյանը՝ Արցախը հանձնելու Շահնազարյանի հայտարարությունների մասին

Սերժ Սարգսյանը տիկնոջ՝ Ռիտա Սարգսյանի հետ քվեարկեց 29/15 ընտրատեղամասում (տեսանյութ)

Քոչարյանին անհապաղ արձակելու պահանջով հանրահավաքային պայքար կսկսվի

Ձնահյուսի տակ մնացած զինծառայողին մահացած են գտել

Search