Artsakhpress

Տնտեսական

Ինչո՞ւ է թանկացել լոլիկը. կարծիքներ և պարզաբանումներ

Վերջին տարիներին առաջին անգամ լոլիկն աշնանային սեզոնին աննախադեպ գին ունի՝ 1 կիլոգրամի դիմաց կազմելով մինչև 800 դրամ:

Ինչո՞ւ է թանկացել լոլիկը. կարծիքներ և պարզաբանումներ

Ինչո՞ւ է թանկացել լոլիկը. կարծիքներ և պարզաբանումներ
ՍՏԵՓԱՆԱԿԵՐՏ, սեպտեմբերի 20, ԱՐՑԱԽՊՐԵՍ: Ինչո՞ւ է այսքան թանկացել և ինչո՞վ է այն պայմանավորված, «Արցախպրես»-ի թղթակիցը շրջել է Ստեփանակերտի կենտրոնական շուկայում՝ վաճառողների հետ թեմայի շուրջ զրուցելու և երևույթի պատճառների մասին տեղեկանալու նպատակով:
«Միջին չափի լոլիկները վաճառում եմ 700, իսկ ավելի մեծերը՝ 800 դրամով: Մինչև վերջին թանկացումները, լոլիկը վաճառում էինք 300-350 դրամով: Մենք թանկ ենք գնում, հետևաբար նույն ձևով էլ վաճառում ենք:
Պահածոների համար մարդիկ առայժմ չեն գնում, միայն 1-2 կգ ամենօրյա սննդի մեջ օգտագործելու համար: Եթե համեմատենք նախորդ տարվա նույն ժամանակահատվածի հետ, ապա այդ ընթացքում լոլիկն առավելագույնն արժեր 300-350 դրամ»,- ասել է վաճառողուհի Ալմիրա Խաչատրյանը:
Իսկ Յաշա Սարգսյանը, ով ևս շուկայում բանջարեղեն է վաճառում, նշել է, որ լոլիկի գինը տատանվում է մեծերի դեպքում՝ 500-ի, ավելի փոքրերի դեպքում՝ 350 դրամի սահմանում:
«Արցախում լոլիկի աճեցմամբ զբաղվողները քիչ են, հիմնականում ներկրում ենք ՀՀ-ից՝ 1 կգ-ի դիմաց վճարելով 400 դրամ: Կարծում եմ՝ լոլիկի թանկացման պատճառն այս տարվա երաշտն է: Գնորդներ, իհարկե, կան, սակայն պահածոներ պատրաստելու առումով լոլիկի գնման ակտիվություն չկա»,- նշել է մեր զրուցակիցը:
Մեր այն հարցին թե օրինակ պահածոներ պատրաստելու համար մեծածախ գնումների դեպքում որքա՞ն է կազմում լոլիկի գինը, մեկ այլ վաճառող՝ Հենրիկ Խուդավերդյանը նշեց, որ արկղերով լոլիկն ըստ չափերի վաճառում է 300, 400 և 450 դրամով:
Խնդրի կապակցությամբ պարզաբանում խնդրեցինք Արցախի Հանրապետության գյուղատնտեսության նախարարությունից, որին ի պատասխան ԳՆ աշխատակազմի բուսաբուծության և բույսերի պաշտպանության բաժնի պետ Արամ Բադալյանը նշեց, որ լոլիկի այս տարվա բարձր գինը հիմնականում պայմանավորված է հանրապետության տարածքում ընթացիկ տարվա հունիս, հուլիս և օգոստոս ամիսներին գրանցված օդի բարձր ջերմաստիճանով:
«Այս պայմաններին բաց դաշտում բույսը չի հասցրել հարմարվել, որի պատճառով խաթարվել է պտղագոյացման գործընթացը, ինչն էլ իր հերթին բացասաբար է ազդել լոլիկի բերքատվությանը, քանի որ մշակաբույսը շատ զգայուն է ջերմաստիճանային փոփոխությունների նկատմամբ: Ասել, որ այս ամենը կարող էր անհետևանք մնալ և չազդել լոլիկի բերքի որակին ու գնին, կլիներ սխալ»,- նշել է մեր զրուցակիցը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Հայտնի են «Վերջին զանգ»-ի առթիվ կայանալիք տոնական միջոցառումների օրերը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Search