Artsakhpress

Հարցազրույց

Առաջադրվելուս գլխավոր նպատակը միասնական, հզոր և օրինապահ երկիր ունենալն է. պատգամավորի թեկնածու

Հոկտեմբերի 7-ին Ստեփանակերտի թիվ 2 ընտրատարածքում կկայանա Ազգային ժողովի մեծամասնական ընտրակարգով պատգամավորի ընտրություն:

Առաջադրվելուս գլխավոր նպատակը միասնական, հզոր և օրինապահ երկիր ունենալն է. պատգամավորի թեկնածու

Առաջադրվելուս գլխավոր նպատակը միասնական, հզոր և օրինապահ երկիր ունենալն է. պատգամավորի թեկնածու
ՍՏԵՓԱՆԱԿԵՐՏ, սեպտեմբերի 22, ԱՐՑԱԽՊՐԵՍ: «Արցախպրես»-ի թղթակիցը զրուցել է մեծամասնական ընտրակարգով առաջադրված պատգամավորի թեկնածու, ՀՅԴ անդամ Ալյոնա Գրիգորյանի հետ:
-Ինչու՞ որոշեցիք առաջադրվել որպես պատգամավորի թեկնածու:
Երբ մաս ես կազմում ազգային-քաղաքական մի ուժի, որի գլխավոր նպատակը միասնական, հզոր և օրինապահ երկիր ունենալն է և որին հասնելու համար կան հստակ ծրագրեր, ապա նմանատիպ ընտրություններին մասնակցություն ունենալը ընկալում ես որպես քեզ վստահված կարևոր գործ, որին պետք է մոտենալ ամենայն պատասխանատվությամբ: Այս ընտրություններին իմ մասնակցությունը դրա օրինակն է, իսկ թե ինչու հիմա, կարծում եմ՝ այնքան եմ քաղաքականապես հասունացել, որ կկարողանամ իմ առջև դրված խնդիրներին պատասխանատվությամբ մոտենալ:
-Դուք միակ կին թեկնածուն եք, դա Ձեզ կաշկանդու՞մ է:
Որպես կին՝ ես կրողն եմ այն արժեքների, որոնք վայել են հայ կնոջը: Իսկ այս ընտրապայքարը մի հարթակ է, որտեղ չկա սեռային խտրականություն: Եթե հայ իրականության մեջ ես առաջին կին թեկնածուն լինեի, գո՞ւցե մտածելու տեղիք տար: Նույնիսկ  եթե մի պահ երկմտած լինեի  թեկնածությունս առաջադրել-չառաջադրելու հարցի շուրջ, ապա  դա հաստատ իմ՝ կին լինելու հանգամանքը չէր լինի: Երբեք չպետք է կնոջը տարանջատել քաղաքականությունից, այսօր կանայք շատ ակտիվ են քաղաքական հարթակում, և աշխարհի փորձն ապացուցում է, որ հենց նրանք են կարողանում իրենց առաջադեմ գաղափարներով ու ծրագրերով նեցուկ լինել տղամարդկանց:
-Շատերը ձեզ ճանաչում են Արցախի երիտասարդական դաշտից, գիտենք, որ ակտիվ մասնակցություն եք ունեցել երիտասարդական, հասարակական տարբեր հանրային ձեռնարկների, հաճախ կազմակերպել կամ համակարգել դրանք: Մեծ քաղաքականություն մտնելը կարո՞ղ ենք համարել հերթական տրամաբանական քայլ, թե՞ որոշել եք փոխել ձեր կյանքի հունը:
Կյանքի հունը փոխելու մասին չեմ մտածել, քանզի այսօրվա  նախաձեռնած քայլս ընկալում եմ որպես գործիս շարունակություն,պարզապես՝ ավելի բարձր հարթակում: Այդ հարթակից բարձրացնելու եմ երիտասարդությանը հուզող այն խնդիրները, որոնց հետ առնչվել եմ քանիցս եւ որոնց քաջատեղյակ եմ: Իմ նպատակը՝ խորհրդարանում երիտասարդության խոսքը հնչեցնելն է եւ առհասարակ մեր իրականության խնդիրները բարձրացնելն է ու լուծման ուղիների որոնումը:
-Առաջադրված թեկնածուներից դուք միակն եք, որ ներկայացնում եք քաղաքական ուժ. դա առավելություն ե՞ք համարում, թե՞ խոչընդոտ:
Ես ներկայացնում եմ ոչ թե պարզապես  քաղաքական ուժ, ինչպես շատ հաճախ լինում է մեր իրականության մեջ, այլ՝ ազգային- քաղաքական ուժ. սա՛ պետք է կարևորել ըստ իս: Միանշանակ, սա  առավելություն եմ ընկալում ու   ոչ միայն այս ընտրապայքարում:  Կարծում եմ՝ քաղաքական գործընթացներում պետք է մտնեն քաղաքականացված անձինք՝ ներկայացնելով իրենց քաղաքական ուժի տեսլականը բոլոր այն խնդիրների ու հարցերի շուրջ, որոնք առկա են մեր երկրում:
-Եթե ընտրվեք ԱԺ պատգամավոր, ո՞րն է լինելու Ձեր առաջին քայլը:
Երբ քաջ գիտակցում ես «պատգամավոր» բառի իմաստը, քո հայրենակիցների իրավունքների համար պայքարելու առաքելությունդ, ի՞նչ պետք է լինի  առաջին քայլդ. բնականաբար, համակարգել բոլոր այն հարցերը, որոնք ներկայացվել են քարոզարշավին, որոնց լուծումը մարդիկ քեզ են վստահել և փնտրել լուծման եղանակները: Այդ ամենին զուգահեռ՝   պարտավոր եմ և մեծ սիրով իրականացնելու եմ բոլոր այն կետերը, որոնք ընդգրկված են իմ նախընտրական քարոզարշավում:
Ժողովրդի վստահության  և համբերության հետ խաղալ չի կարելի, այդ վերաբերյալ, կարծում եմ, պիտի արդեն դասեր լինեինք քաղած: Արցախի անվտանգությունն ամենաթանկն է, որ դրված է սեղանին, այդ ամենաթանկը միշտ եւ միշտ ամուր պահել է պետք:
-Իսկ եթե չընտրվեք, ո՞րն է լինելու Ձեր առաջին քայլը:
Չնտրվելու դեպքում  էլ շարունակելու եմ կատարել այն, ինչ կատարում էի մինչ այսօր,  ավելացրած նաև այն ամենը, ինչը պետք է կատարեի ընտրվելուց հետո: Ես ամեն օր հանդիպումներ եմ ունենում բնակիչների հետ, և այն, ինչ մարդիկ ներկայացնում են ինձ, իմ չընտրվելու դեպքում էլ չեմ կարող մոռացության տալ, պարզապես, այդ պարագայում, լուծումներ գտնելու այլ եղանակներ պետք է փնտրեմ:
-Ի՞նչ կցանկանայիք ձեր ընտրողներին և մրցակից թեկնածուներին:
Ինձ կամ մյուս թեկնածուներին ընտրողը մեր երկրի մեծագույն արժեքն  է, մեր ժողովուրդը, որին ցանկանում եմ հետեւյալը՝ ում էլ որ ընտրեն միշտ հպարտանան իրենց կատարած ընտրությամբ, առիթ չունենան հիասթափվելու: Մեզ՝ թեկնածուներիս, ցանկանում եմ հաջողություն, թող մեզնից յուրաքանչյուրի հաղթանակը դառնա ժողովրդի հաղթանակը, իսկ պարտությունները լինեն միայն  ընտրապայքարներում:
Հարցազրույցը՝ Անի Ավանեսյանի

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արաքսի ափամերձ հատվածով Արցախը Հայաստանին կապող երրորդ մայրուղին կկառուցվի

Լևոն Հայրապետյանի հիշատակին Վանքում խաչքար-հուշարձան է բացվել

Մենք չունենք գրավված տարածքներ հասկացություն. Դավիթ Բաբայանը պատասխանել է Ռիչարդ Միլսին

Ճանապարհը փակած քաղաքացիների նկատմամբ հարուցվել է վարչական վարույթ. ԱՀ ոստիկանություն

Ստեփանակերտի ուռուցքաբանական կենտրոնը գործում է նոր մասնաշենքում. հիմնարկ է այցելել Հանրապետության Նախագահը

Քաշաթաղի շրջանը վարչակազմի նոր ղեկավար ունի

Արցախյան ազատամարտում զոհված քաջորդիների հարազատներին այցելելը յուրօրինակ հոգու պարտք եմ համարում. Գևորգ Չաքմանյան

Մայրաքաղաքում հոսանքի ժամանակավոր անջատումներ կլինեն. «Արցախէներգո»

Հերմինե Նաղդալյանն ընտրվել է ԱՊՀ ՄԽՎ մշտական հանձնաժողովի նախագահ

Search