Artsakhpress

Ռազմական

«Խրիմյան Հայրիկ» ներկայացումից ստացված հասույթը ծառայել է զինծառայողների համար առաջին բուժօգնության սարքեր ձեռքբերելուն

Համազգային հայ կրթական ու մշակութային միության Արցախի գրասենյակի նախաձեռնությամբ և Ստեփանակերտի Վ. Փափազյանի անվան պետական դրամատիկական թատրոնի համագործակցությամբ մայրաքաղաքի մշակույթի և երիտասարդության պալատի փոքր դահլիճում տեղի էր ունեցել ամերիկահայ բեմադրիչ, թատերագիր և դերասան Հրանտ Մարգարյանի «Խրիմյան Հայրիկ» մոնոներկայացումը:

«Խրիմյան Հայրիկ» ներկայացումից ստացված հասույթը ծառայել է զինծառայողների համար առաջին բուժօգնության սարքեր ձեռքբերելուն

«Խրիմյան Հայրիկ» ներկայացումից ստացված հասույթը ծառայել է զինծառայողների համար առաջին բուժօգնության սարքեր ձեռքբերելուն
ՍՏԵՓԱՆԱԿԵՐՏ, սեպտեմբերի 24, ԱՐՑԱԽՊՐԵՍ-ՄԱՐՏԻԿ: Գեղարվեստական հետաքրքիր բովանդակությամբ բեմադրված ներկայացմանը հետևում էին ԱՀ կրթության, գիտության և սպորտի նախարար Ն. Աղաբալյանը, ԱՀ մշակույթի, երիտասարդության հարցերի և զբոսաշրջության նախարար Լ. Հովհաննիսյանը, Ազգային ժողովի պատգամավորներ, դերասաններ և ուսանողներ: 
Թատերականացված ներկայացման մեջ` թուրքական իշխանության ճնշումներն ու հետապնդումները, կյանքին սպառնացող ամենօրյա վտանգը չէին ընկճում  ըմբոստ հոգևորականին: Իր ժողովրդից «Հայրիկ» բարի անունը վաստակած հոգևորականը աղոթում և ամենուրեք քարոզում էր, որպեսզի ազգակիցները զենք վերցնեն ու պաշտպանեն հայրենիքը: Զենքին դիմելու նրա առաջին արտահայտությունը «Երկաթե շերեփն» է, որով կոչ էր անում հայ ազգին միավորվել և համախմբվել, որպեսզի չենթարկվեն հալածանքների ու կոտորածների: Մինչև կյանքի վերջին օրը ենթարկվելով բազում տանջանքների ու տառապանքների` Խրիմյան Հայրիկը պայքարեց ազատ ու ապահով հայրենիք ունենալու համար:
Վանեցի հոգևորականի կերպարը մարմնավորող դերասանն առաջին անգամն է ներկայանում Արցախի թատերասեր հասարակությանը, սակայն ՙԽրիմյան Հայրիկ՚ մոնոներկայացումը հեղինակը բազմաթիվ անգամ բեմադրել է  Հայաստանում, աշխարհի տարբեր երկրներում ու հայաշատ քաղաքներում: Այդ ներկայացումներից ստացված հասույթն ամբողջությամբ ծառայել է  հատուկ նախաձեռնության`  Պաշտպանության բանակի առաջնագծում կանգնած զինծառայողների համար ձեռք է բերվել առաջին բուժօգնության սարքեր:
Ամերիկահայ թատերագիրն իր խոսքում նկատում է. «Պատմական իրողություն է, որ առանց զենքի չկա փրկություն և  Խրիմյանը հոգևորական լինելով հանդերձ` «Երկաթյա շերեփ» քարոզեց: Այս իրողությունը  որքան ճիշտ էր այն ժամանակ, այնքան էլ հրատապ է այսօր: Այսինքն, Խրիմյանը այժմեական է, այժմեական է ամեն ինչով»: Հրանտ Մարգարյանի խոսքով, Պաշտպանության բանակի աջակցության ծրագիրը շարունակական է և կրելու է մշտական բնույթ:
Խրիմյան Հայրիկի կյանքն ու գուրծունեությունը, նրա գաղափարները, տանջալից կյանքն ու տառապանքները  մենախոսություն մեջ յուրովի  էր ներկայացված, որը  Արցախի հանդիսատեսը ընկալեց որպես կոչ, որ անցյալի դառը դասերը այլևս չպետք է կրկնվեն:
«Խրիմյան Հայրիկն ազգային արժեքների կրողն ու արտահայտողն է եղել, և պատահական չէ, որ 1960-ական թվականներին, խորհրդային ամենադաժան տարիներին Վազգեն Առաջին կաթողիկոսի կողմից մայր աթոռում հատուկ երկաթյա շերեփի  հուշարձան է տեղադրել: Ես որպես Գևորգյան հոգևոր ճեմարանի նախկին սան, կարող եմ ասել, որ այսօրվա ներկայացումը կոչ է, որպեսզի անցյալի սխալները երբեք չկրկնվեն: Ողջունում եմ այս գաղափարը, որն իրոք արդիական է»,- կարծում  է Սամվել սարկավագ Մկրտչյանը:
Դավիթ Ավանեսյան

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Լևոն Հայրապետյանի հիշատակին Վանքում խաչքար-հուշարձան է բացվել

Մենք չունենք գրավված տարածքներ հասկացություն. Դավիթ Բաբայանը պատասխանել է Ռիչարդ Միլսին

Ճանապարհը փակած քաղաքացիների նկատմամբ հարուցվել է վարչական վարույթ. ԱՀ ոստիկանություն

Ստեփանակերտի ուռուցքաբանական կենտրոնը գործում է նոր մասնաշենքում. հիմնարկ է այցելել Հանրապետության Նախագահը

Քաշաթաղի շրջանը վարչակազմի նոր ղեկավար ունի

Արցախյան ազատամարտում զոհված քաջորդիների հարազատներին այցելելը յուրօրինակ հոգու պարտք եմ համարում. Գևորգ Չաքմանյան

Հոկտեմբերի 22-ից Արցախի դպրոցներում սկսվելու է աշնանային արձակուրդը

Մայրաքաղաքում հոսանքի ժամանակավոր անջատումներ կլինեն. «Արցախէներգո»

Հերմինե Նաղդալյանն ընտրվել է ԱՊՀ ՄԽՎ մշտական հանձնաժողովի նախագահ

Search