Artsakhpress

Սփյուռք

Ֆրանսիական դրոշ ու ծաղկեպսակ՝ հայկական եռագույնով. հրաժեշտ «100%–ով ֆրանսիացի և 100%-ով հայ» Ազնավուրին

Փարիզի պատմական՝ Հաշմանդամների տան բակից Շառլ Ազնավուրի աճյունը դուրս բերվեց սիրո լեգենդար երգչի հայտնի «Emmenez-moi» («Տարեք ինձ») երգի դաշնամուրային կենդանի կատարման ներքո:

Ֆրանսիական դրոշ ու ծաղկեպսակ՝ հայկական եռագույնով. հրաժեշտ «100%–ով ֆրանսիացի և 100%-ով հայ» Ազնավուրին

Ֆրանսիական դրոշ ու ծաղկեպսակ՝ հայկական եռագույնով. հրաժեշտ «100%–ով ֆրանսիացի և 100%-ով հայ» Ազնավուրին
ՍՏԵՓԱՆԱԿԵՐՏ, հոկտեմբերի 5, ԱՐՑԱԽՊՐԵՍ: Շանսոնյեին հրաժեշտ տվեցին այն ոգով, որով ինքն էր իրեն բնութագրում՝ «հարյուր տոկոսով ֆրանսիացի և հարյուր տոկոսով հայ».  դագաղը ծածկված էր Ֆրանսիայի դրոշով, որի հետևից տանում էին հայկական եռագույնի գույներով պատրաստված ծաղկեպսակ,-գրում է News.am-ը։
Հրաժեշտի ազգային արարողությունը սկսվել էր ՀՀ և Ֆրանսիայի ազգային օրհներգերով: Ազնավուրի մարմինը բակ էին հանել դուդուկի հնչյունների ներքո՝ «Դլե Յաման» երգի ուղեկցությամբ։
Ավելի քան 2000 մարդ էր հավաքվել հուշահամալիրի բակում՝ լեգենդին հրաժեշտ տալու համար։ Հրավիրվածների ցանկում էին երգչուհիներ Միրեյ Մատիեն, Զազը, դերասան Ժան Պոլ Բելմոնդոն, ֆուտբոլիստ Յուրի Ջորկայեֆը։
Հրաժեշտի արարողությանը մասնակցում էին Ազնավուրի ընտանիքի անդամները, Ֆրանսիայի նախագահ Էմանուել Մակրոնը՝ տիկնոջ հետ, ՀՀ վարչապետ Նիկոլ Փաշինյանը, նրա տիկինը՝ Աննա Հակոբյանը, Ամենայն Հայոց գարեգին Բ կաթողիկոսը, Ֆրանսիայի նախկին նախագահներ Ֆրանսուա Օլանդը,  Նիկոլա Սարկոզին կնոջ՝ Կառլա Բրունիի հետ, ՀՀ արտգործնախարար Զոհրաբ Մնացականյանը։  Փարիզում են նաև ՀՀ նախագահ Արմեն Սարգսյանն ու իր կինը։

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Մահվան ելքով ՃՏՊ՝ Ստեփանակերտ-Ասկերան ավտոճանապարհին (թարմացում ՊԲ-ից)

Ստամբուլի ընտրությունները ավարտվեցին. Էրդողանի կուսակցության թեկնածուն դարձյալ պարտվեց

Գեներալ-մայոր Միքայել Արզումանյանը նշանակվել է ԱՀ ՊԲ հրամանատարի տեղակալ

Ստեփանակերտում դիմավորել են Եվրոպայի չեմպիոնի տիտղոսը նվաճած Վարդան Ղալայանին

Ստեփանակերտում դիմավորել են Ֆրանսիայի և Բելգիայի առաջնություններից հաղթանակով վերադարձած ձյուդոյիստներին

Ադրբեջանը Ֆրանսիայի հետ զրահատեխնիկա կարտադրի

Իրանում մահապատժի են ենթարկել ՊՆ-ի աշխատակցին ԱՄՆ-ի օգտին լրտեսության համար

ՀՀ զինված ուժերի տանկիստները պատրաստ են թշնամու ցանկացած ոտնձգության

ԵԱ․ Արմեն Նազարյանի որդին եզրափակիչում հաղթեց թուրք մրցակցին՝ 10։0 (ֆոտո)

Search