Artsakhpress

Հասարակական

Ստեփանակերտում տեղի է ունեցել Շառլ Ազնավուրի հիշատակին նվիրված արարողություն

Ստեփանակերտի Շառլ Ազնավուրի անվան մշակույթի կենտրոնի տարածքում գտնվող հայ-ֆրանսիական բարեկամության պուրակում տեղադրված «Հավերժություն» քանդակի մոտ այսօր տեղի է ունեցել ֆրանսահայ նշանավոր երգիչ, երգահան, գրող, կինոդերասան, հասարակական գործիչ Շառլ Ազնավուրի հիշատակին նվիրված արարողություն:

Ստեփանակերտում տեղի է ունեցել Շառլ Ազնավուրի հիշատակին նվիրված արարողություն

Ստեփանակերտում  տեղի  է ունեցել  Շառլ  Ազնավուրի  հիշատակին  նվիրված  արարողություն
ՍՏԵՓԱՆԱԿԵՐՏ, հոկտեմբերի 6, ԱՐՑԱԽՊՐԵՍ:  Միջոցառմանը   ներկա     էին  ԱՀ  նախագահ   Բակո  Սահակյանը, ԱՀ   Ազգային   ժողովի  նախագահ  Աշոտ  Ղուլյանը, ԱՀ  պետնախարար  Գրիգորի  Մարտիրոսյանը,    Արցախի թեմի փոխառաջնորդ Տեր-Սահակ վարդապետ Շաքարյանը, պաշտոնատար  այլ  անձինք,  ուսուցիչներ, աշակերտներ, հյուրեր, արվեստասեր   հասարակության  ներկայացուցիչներ,  ովքեր    ծաղիկներ  են   խոնարհել   «Հավերժություն»   քանդակի  շուրջ:
Որից  հետո  Արցախի թեմի փոխառաջնորդ Տեր-Սահակ վարդապետ Շաքարյանը   կատարել  է   հոգեհանգստյան  կարգ:
«Արցախպրես»-ի  թղթակցի  հետ  զրույցում   ԱՀ  Ազգային  ժողովի  նախագահ   Աշոտ   Ղուլյանն  ասել է, որ   այս   օրերին  հայ  ժողովուրդը  վերապրել է    ազգային   հպարտության  վեհ  զգացում:
«Շառլ  Ազնավուրը  հաղթահարելով  բոլոր   դժվարություններն  ու  մարտահրավերները, իր երաժշտական  արվեստով,  մարդկային նկարագրով   կարողացել   է  հասնել  արվեստի   բարձունքների  և    դառնալ  համայն  մարդկության  սիրելին: Մեծ  շանսոնյեն    հայ  ժողովրդի  համար եղել է    ազգային    հպարտություն: Այսուհետ  ևս Շառլ  Ազնավուրի  թողած    հարուստ   ժառանգությամբ  կրթվելու   և    դաստիարակվելու    են  շատ  սերունդներ»,-մասնավորապես  ասել է  Ա.  Ղուլյանը:
ԱՀ  մշակույթի, երիտասարդության   հարցերի  և  զբոսաշրջության    նախարար  Լեռնիկ   Հովհաննիսյանի   խոսքով՝  Շառլ  Ազնավուրն    այն  եզակի  հայ   արվեստագետներից  է,   ով  պատկանում  է   համայն  մարդկությանը: 
«Պատահական  չէ  այն     հանգամանքը, որ     Ստեփանակերտում   Շառլ  Ազնավուրի   անվամբ   բացվել  է  մշակույթի   կենտրոն:   Այսօր  էլ    խորհրդանշական  է, որ  մենք  Շառլ  Ազնավուրի   հրաժեշտի  արարողությունը  կազմակերպում  ենք   հայ-ֆրանսիական  բարեկամության պուրակում: Արցախցիները  պատիվ  են  ունեցել   Ստեփանակերտում  հանդիպելու    համաշխարհային   լեգենդի  հետ»,-ավելացրել  է  Լ.  Հովհաննիսյանը:  
Նշենք,  որ  աշխարհահռչակ հայազգի շանսոնյե Շառլ Ազնավուրը 94 տարեկանում մահացել է հոկտեմբերի 1-ին Ֆրանսիայի հարավի իր տանը: Շառլ Ազնավուրի հուղարկավորության օրը՝  հոկտեմբերի  6-ին,  Արցախում և  Հայաստանում   հայտարարվել  է   սգո օր:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Հայտնի են «Վերջին զանգ»-ի առթիվ կայանալիք տոնական միջոցառումների օրերը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Search