Artsakhpress

Մշակույթ

Աշխարհին ներկայացվեց Հայաստանի հազարամյակների պատմությունը՝ Տիգրան Մեծից մինչև մեր օրեր

Երևանի Հանրապետության հրապարակում տեղի ունեցող Ֆրանկոֆոնիայի միջազգային կազմակերպության 17-րդ գագաթնաժողովի գալա համերգի բացման արարողությունը սկսվեց Հայաստանի հազարամյակների պատմությանն աշխարհին ներկայացնող պատկերներով:

Աշխարհին ներկայացվեց Հայաստանի հազարամյակների պատմությունը՝ Տիգրան Մեծից մինչև մեր օրեր

Աշխարհին ներկայացվեց Հայաստանի հազարամյակների պատմությունը՝ Տիգրան Մեծից մինչև մեր օրեր
ՍՏԵՓԱՆԱԿԵՐՏ, հոկտեմբերի 11, ԱՐՑԱԽՊՐԵՍ - ԱՐՄԵՆՊՐԵՍ: Գունային ու լուսաձայնային գունեղ շոուի միջոցով ներկայացվեց մերհինովուրց երկրի ու հայ ժողովրդի անցած ուղին` Տիգրան Մեծի Ծովից ծով Հայաստանից մինչև մեր օրեր՝ 2018-ի թավշյա հեղափոխություն:
Դեռևս մեր թվարկությունից առաջ, 1-ին դարում Հայաստանի սահմանները ձգվում էին Միջերկրական ծովից մինչև Կասպից ծով: Գալա համերգի հանդիսավոր բացման արարողության առաջին վայրկյաններին պարային ու դերասանական համարով ցույց տրվեց Արքայից արքա Տիգրան Մեծի կառավարման այդ փառահեղ ժամանակաշրջանը:
Այնուհետև հնչեց հայկական անզուգական շարականը, որի հնչյունների տակ ներկայացվեց 301 թվականը, երբ Հայաստանը, որպես աշխարհում առաջին երկիր, պետականորեն ընդունեց քրիստոնեությունը: Բեմում երևացին քրիստոնեության հիմնական խորհրդանիշները` խաչն ու ձուկը:
Կիլիկյան Հայաստանի պատմությունը բեմում ներկայացվեց ծովային առևտրի պատկերներով:
Այնուհետ մեծ էկրանին երևացին հայոց մեծերի նկարները՝ Տիեզերական վարդապետ Նարեկացի, Մարտիրոս Սարյան, Սայաթ-Նովա, անուններ, որոնք աշխարհը գրավել են իրենց ստեղծագործություններով:
Հայկական մշակույթի ներկայացումից հետո բեմը ողողվեց կարմրով.ու աշխարհին ևս մեկ անգամ հիշեցվեց սոսկալի 1915-ը՝ Հայոց ցեղասպանությունը: Մեկը մյուսին հաջորդեցին գաղթի ճանապարհի, ցեղասպանությունը ներկայացնող ողբերգական տեսարաններ, պատկերները ներկայացվում էին հայկական ծիրանափողի արքայի՝ Ջիվան Գասպարյանի դուդուկի անզուգական կատարմամբ:
Ներկայացվեց նաև Խորհրդային Հայաստանի ժամանակաշրջանը, չշրջանցվեց հայկական կոնյակը, որի պատվիրատուն Կրեմլն էր, իսկ հայկական «Դվին» կոնյակը խմում էր անձամբ Մեծ Բրիտանիայի վարչապետ Ուինսթոն Չերչիլը:
Հայկական ջազի հնչյունների ներքո բեմում սկսեցին թվարկվել այն մեծերի անունները, որոնցով աշխարհը ճանաչել ու ճանաչում է Հայաստանն ու հայերին: Մինասի, Արամ Խաչատրյանի, Խորեն Աբրահամյանի, Մարտիրոս Սարյանի, Հրանտ Շահինյանի, Եղիշե Չարենցի, Մհեր Մկրտչյանի, Հովհաննես Թումանյանի ու Ատոմ Էգոյանի կողքին հիշատակվեց նաև հայկական «System of a Down» ռոք խումբը, որի ավանդը մեծ է աշխարհի կողմից Հայաստանի ճանաչման գործում:
Գալա համերգի բացման հատվածում հազարամյակների Հայաստանի պատմության ներկայացումն ավարտվեց 2018թ.-ի ապրիլին Հայաստանում տեղի ունեցած Թավշյա հեղափոխության պատկերներով, ինչպես նաև՝ այդ իրադարձությունների առաջնորդ, ՀՀ վարչապետ Նիկոլ Փաշինյանի ֆրանսերեն ասված ողջույնի խոսքով` «Բարի գալուստ Հայաստան»:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Նախագահական ընտրություններին առաջադրվելու նպատակով սկսում եմ քաղաքական կոնսուլտացիաներ. Վիտալի Բալասանյան

Դրմբոն-Ստեփանակերտ ճանապարհին մեքենան գլորվել է ձորը, կան տուժածներ

«Ով ուժեղ է, նա էլ ճիշտ է». Ալիևը հայտարարել է, որ Արցախի հիմնահարցի՝ ուժի միջոցով լուծման տարբերակը միշտ էլ օրակարգային է իրենց համար

Ստեփանակերտի քաղաքապետարանը կազմակերպել է գրական-երաժշտական երեկո

Բակո Սահակյանն ընդունել է Արցախյան շարժման մի խումբ ակտիվիստների

Ստեփանակերտում գործում է «Վիտա Մեդ» բժշկական նոր կենտրոն

Ամենայն հավանականությամբ, մեր կուսակցությունը ևս թեկնածու կառաջադրի. Վարդգես Բաղրյան

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին

Search