Artsakhpress

Մշակույթ

Ստեփանակերտում մեկնարկել է «Մշակութային խաչմերուկ» փառատոնի հանրապետական փուլը

Այսօր՝ հոկտեմբերի 12-ին, ԱՀ մշակույթի, երիտասարդության հարցերի և զբոսաշրջության նախարարության նախաձեռնությամբ Ստեփանակերտի մշակույթի և երիտասարդության պալատում մեկնարկել է «Մշակութային խաչմերուկ» հինգերորդ մրցույթ-փառատոնի հանրապետական փուլը:

Ստեփանակերտում մեկնարկել է «Մշակութային խաչմերուկ» փառատոնի հանրապետական փուլը

Ստեփանակերտում մեկնարկել է «Մշակութային խաչմերուկ» փառատոնի հանրապետական փուլը
ՍՏԵՓԱՆԱԿԵՐՏ, հոկտեմբերի 12, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ մրցույթ-փառատոնի շրջանակներում Արցախի շրջանների համայնքները ներկայանում են մշակութային նշանակության համարներով, ինչը նպատակ ունի Արցախում աշխուժացնել մշակութային կյանքը, ամրապնդել ազգային ավանդույթներն ու սովորույթները, պահպանել և տարածել լեզվական առանձնահատկությունները:
Մեզ հետ զրույցում ԱՀ ՄԵՀԶ մշակութային ժառանգության և ժողովրդական արվեստների բաժնի վարիչ Երազիկ Դանիելյանն ասել է, որ մրցույթ-փառատոնը յուրաքանչյուր տարի հանդես է գալիս իր առանձնահատկություններով:
«Այս տարի նախաձեռնությանը ներգրավվել է 106 համայնք, որոնցից հանրապետական փուլ է անցել 54 գյուղական, 9 քաղաքային համայնք` 448 մասնակիցներով: Հաշվի առնելով հանձնախմբի և հասարակության առաջարկությունները՝ ամեն տարի անվանակարգերում կատարում ենք որոշակի փոփոխություններ: Այս տարի ավելացել են նոր անվանակարգեր՝ «Ինքնադիմանկար», «Բեմադրություն», «Բանահավաքչություն», «Էպոսասացություն», «Թումանյանական հանգով»:
Համայնքների կատարած աշխատանքը զգալիորեն մեծ է, քանի որ այստեղ տեսնում ենք ձևավորվող թիմեր՝ լավագույնը լինելու ձգտումով: Համայնքները միջոցառմանը պատրաստվում են ամբողջ տարին, և դա նկատելի է: «Մշակութային խաչմերուկ»-ն այն փառատոնն է, որը շրջաններում աշխուժացնում է մշակութային կյանքը, ազգային գաղափարախոսությունը, քարոզչությունը»,- մանրամասնել է Ե. Դանիելյանը:
Իսկ Շուշիի Մկրտիչ Խանդամիրյանի անվան պետական թատրոնի գեղարվեստական ղեկավար, գնահատող հանձնախմբի անդամ Լեոնիդ Հարությունյանն ասել է, որ այն աշխատանքները, որոնք տարվում են շրջաններում և, հատկապես, գյուղերում, զգալիորեն մեծ են:
«Մարդիկ աշխատում են ինքնաբուխ և տրամադրում շատ ժամանակ, ջանքեր, որը վերջնական հաշվով բերում է դրական արդյունքների: Կան օժտված երեխաներ, որոնք մեծ ընդունակություններ ունեն: Մրցույթից մրցույթ այդ երեխաների հետ պետք է կենտրոնացված աշխատանք տարվի, հակառակ դեպքում՝ նրանք աննկատ են մնում: Պետք է կարողանանք նրանց կատարելագործել, որպեսզի ձևավորվի ինքնադրսևորման մշտական հարթակ»,- ավելացրել է Լ. Հարությունյանը:
Նշենք, որ այսօր ելույթ են ունենում գյուղական, իսկ վաղը՝ հոկտեմբերի 13-ին՝ քաղաքային համայնքները:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ես  հաղթանակած մարզիկի   իրավունքով  եմ  եկել  Արցախ. աշխարհի չեմպիոն և ռեկորդակիր Սիմոն Մարտիրոսյան

ՀՕՊ զորքերն այսօր ի զորու են մոխրի վերածել հակառակորդի ցանկացած թռչող օբյեկտ. ՊՆ-ն ներկայացրել է C-300 համակարգը

Նիկոլ Փաշինյանն անդրադարձել է Ռոբերտ Քոչարյանի կողմնակիցների` հանրահավաքներ իրականացնելու մտադրությանը

Քոչարյանին անհապաղ արձակելու պահանջով հանրահավաքային պայքար կսկսվի

Սերժ Սարգսյանը տիկնոջ՝ Ռիտա Սարգսյանի հետ քվեարկեց 29/15 ընտրատեղամասում (տեսանյութ)

Ձնահյուսի տակ մնացած զինծառայողին մահացած են գտել

«Ղարաբաղ Տելեկոմ»-ը հանդես է եկել նոր առաջարկով

Առաջիկա տասնամյակների ընթացքում Արցախը լիովին կհրաժարվի այլ էներգակիրներից. Արայիկ Հարությունյան

Ռոբերտ Քոչարյանի աջակիցները բողոքի ակցիա են անցկացնում նրան ազատ արձակելու պահանջով

Search