Artsakhpress

Սպորտ

Ինչպես է Արցախը պատրաստվում ConiFA-ի կողմից անցկացվելիք ֆուտբոլի Եվրոպայի առաջնությանը. մանրամասներ

Չճանաչված երկրների ֆուտբոլի ֆեդերացիաների համադաշնության (ConiFA) 2019թ.-ի հունիսի 4-15-ին Արցախում անցկացվելիք Եվրոպայի առաջնությանը կմասնակցեն 12 թիմեր:

Ինչպես է Արցախը պատրաստվում ConiFA-ի կողմից անցկացվելիք ֆուտբոլի Եվրոպայի առաջնությանը. մանրամասներ

Ինչպես է Արցախը պատրաստվում ConiFA-ի կողմից անցկացվելիք ֆուտբոլի Եվրոպայի առաջնությանը. մանրամասներ
ՍՏԵՓԱՆԱԿԵՐՏ, հոկտեմբերի 12, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է «Լեռնային Արցախ» ֆուտբոլային ակումբի նախագահի տեղակալ Մհեր Ավանեսյանը՝ մանրամասնելով, որ արդեն սկսվել են նախապատրաստական աշխատանքները, հաստատվել է նաև առաջնության անցկացման պաշտոնական տարբերանշանը (լոգոն):
«Խաղերն անց են կացվելու Ստեփանակերտի, Մարտակերտի և Ասկերանի մարզադաշտերում: Որպես պահեստային մարզադաշտ՝ ընտրվել է Ճարտար քաղաքինը: Հունիսի 4-ին մեկնարկելիք մրցաշարին մասնակցող թիմերն Արցախ են ժամանելու երեք օր շուտ՝ այդ առիթով ԱՀ մշակույթի, երիտասարդության հարցերի և զբոսաշրջության նախարարության կողմից նախատեսվող միջոցառումներին մասնակցելու նպատակով: Նախատեսվում է նաև մեծ թվով լրագրողների այցն Արցախ»,- մանրամասնել է Մ. Ավանեսյանը:
Նրա խոսքով՝ արդեն ստեղծվել է հատուկ հանձնաժողով, որը զբաղվում է կազմակերպչական աշխատանքներով, այդ թվում՝ մարզադաշտերում իրականացվող շինարարության, ժամանող հյուրերի դիմավորման և նրանց անվտանգության, ինչպես նաև միջոցառման բացման և փակման արարողություններին վերաբերող հարցերով:
Անդրադառնալով մրցաշարն Արցախում անցկացնելու որոշմանը՝ Մ. Ավանեսյանը նշել է, որ 2013 թվականից Արցախը ևս ConiFA-ի անդամ է: 2014 թվականին թիմը մասնակցել է աշխարհի առաջնությանը: Կազմակերպվել են ընկերական խաղեր Աբխազիայի հետ:
«Ընթացիկ տարվա հուլիսի 25-29-ը ConiFA-ի անդամներն այցելել են Արցախ՝ հանդիպել Հանրապետության Նախագահ Բակո Սահակյանի և Արցախի ֆուտբոլի ֆեդերացիայի նախագահ Սամվել Կարապետյանի հետ: Արդեն օգոստոսի կեսերին կար պաշտոնական հայտարարություն, որ առաջնությունն անց է կացվելու Արցախում»,- նշել է Մ. Ավանեսյանը և ավելացրել, որ մեր թիմի նախապատրաստման փուլը սկսվելու է նոյեմբերին:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Մահվան ելքով ՃՏՊ՝ Ստեփանակերտ-Ասկերան ավտոճանապարհին (թարմացում ՊԲ-ից)

Ստամբուլի ընտրությունները ավարտվեցին. Էրդողանի կուսակցության թեկնածուն դարձյալ պարտվեց

Ստեփանակերտում դիմավորել են Եվրոպայի չեմպիոնի տիտղոսը նվաճած Վարդան Ղալայանին

Գեներալ-մայոր Միքայել Արզումանյանը նշանակվել է ԱՀ ՊԲ հրամանատարի տեղակալ

Ստեփանակերտում դիմավորել են Ֆրանսիայի և Բելգիայի առաջնություններից հաղթանակով վերադարձած ձյուդոյիստներին

Ադրբեջանը Ֆրանսիայի հետ զրահատեխնիկա կարտադրի

Իրանում մահապատժի են ենթարկել ՊՆ-ի աշխատակցին ԱՄՆ-ի օգտին լրտեսության համար

ՀՀ զինված ուժերի տանկիստները պատրաստ են թշնամու ցանկացած ոտնձգության

ԵԱ․ Արմեն Նազարյանի որդին եզրափակիչում հաղթեց թուրք մրցակցին՝ 10։0 (ֆոտո)

Search