ՍՏԵՓԱՆԱԿԵՐՏ, հոկտեմբերի 14, ԱՐՑԱԽՊՐԵՍ: Այս  մասին   «Արցախպրես»-ի  թղթակցի  հետ  զրույցում  ասել  է   Մարտակերտի    շրջվարչակազմի  ղեկավար  Էդգար  Հարությունյանը՝  նշելով,  որ    իրենք  ներկայացրել  են   շուրջ      33  տաղավար:

Մարտակերտի   շրջանը տոնավաճառին     ներկայացրել  է  գյուղատնտեսական  նշանակության   մթերքներ, տարբեր  տեսակի  մրգեր, այդ  թվում՝  կիվի, մսամթերք, ալկոհոլային   խմիչքներ,  որոնք   վաճառվել  են  շուկայականից ցածր գներով: Առանձին  տաղավարում ներկայացրել   են   Հովհաննես  Թումանյանի  «Գիքոր»   պատմվածքից   դրվագներ: 

Ըստ   մեր  զրուցակցի՝   «Բերքի   տոնը»   մի  յուրօրինակ   տոնախմբություն  է ժողովրդի   համար, որին  ականատես  են  լինում  նաև  աշխարհի  տարբեր  երկրներից  Արցախ   այցելած  զբոսաշրջիկներ: Նրանք  մոտիկից  ծանոթանում  են  Արցախի  մշակույթին, բերք  ու  բարիքին, ինչպես  նաև  դարերից      եկած  արցախցու   հյուրասիրությանը:

Խոսելով  շրջանում   այս   տարվա   կատարված  ցանքսի  և  ստացած   բերքի   մասին՝  Է.  Հարությունյանն  ասել   է. «Շրջանում   այս  տարի   իրականացվել  է 2882  հա գարնանացան  , այդ  թվում՝    եգիպտացորեն, հաճար, սիսեռ, արևածաղիկ, հնդկացորեն մշակաբույսեր: Շրջանի   բնակիչները   բերքի  իրացման   խնդիրներ   չունեն: Բերքի  մթերումը  հիմնականում    իրականացվում է   ԱՀ  գյուղի  և  գյուղատնտեսության  աջակցության  հիմնադրամի  միջոցով: Արևածաղկի  բերքն  իրացվում է Մարտունու  շրջանի  Կարմիր   Շուկա համայնքի  ձեթի  գործարանում, որի  1  կգ-ն  արժե  180  դրամ: Եղանակային  անբարենպաստ   պայմաններից  ելնելով՝   շրջանում   բերքատվության  ցուցանիշները  նախորդ  տարվա  համեմատաբար ցածր  են  եղել: Այն  հողօգտագործողները, որոնց   ցանքսերը կարկտահարության  հետևանքով  տուժել են, ԱՀ  Կառավարությունը  փոխհատուցում  է  իրականացրել: Հնդկացորենի  1  հա-ի դիմաց   հողի  մշակներին  տրամադրվել  է   18.000  դրամ,   իսկ հացահատիկային  մշակաբույսերով  զբաղվողներին՝ 30   հազար»,-տեղեկացրել  է  Է.  Հարությունյանը:  

Ըստ   մեր  զրուցակցի՝   շրջանում   կա   18  հա  խաղողայգի, որից  այս  տարի հավաքել  են   120  տոննա  բերք:  

 

«Բերքի  տակ  կա  70 հա   նռան  այգի, որի   միջին  բերքատվությունը   հա-ից  կազմել  է   30-35ց: Ունենք    նաև    սալորի, դեղձի, ծիրանի  5,5   հա  այգի: Շրջանի   Նոր  Սեյսուլան  համայնքում մերձարևադարձային  մրգերից    քիչ  քանակությամբ   կիվի  է աճեցվում, որից  ստացված  բերքն  առաջին  անգամ   վաճառքի  է  հանվել  այս  տարվա   «Բերքի   տոն»-ին: Եթե   վաճառքը   լավ  իրականացվի  և   պահանջարկ  լինի,  կփորձենք  ավելի   շատ     կիվի  աճեցնել»,-մասնավորապես   ասել  է   շրջվարչակազմի  ղեկավարը: