Artsakhpress

Հասարակական

Գյուղատնտեսության ոլորտի մի խումբ աշխատակիցներ պարգևատրվել են մասնագիտական տոնի առթիվ

ԱՀ գյուղատնտեսության նախարարությունում այսօր մասնագիտական տոնի առթիվ ոլորտի մի խումբ աշխատակիցներ, պարգևատրվել են մեդալներով և դիպլոմներով:

Գյուղատնտեսության ոլորտի մի խումբ աշխատակիցներ պարգևատրվել են մասնագիտական տոնի առթիվ

Գյուղատնտեսության   ոլորտի  մի խումբ  աշխատակիցներ  պարգևատրվել  են մասնագիտական  տոնի  առթիվ
ՍՏԵՓԱՆԱԿԵՐՏ, հոկտեմբերի 16, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը  բացման խոսքով հանդես է եկել ԱՀ  գյուղատնտեսության նախարար Ժիրայր Միրզոյանը:
Նա   շնորհավորել  է   գյուղոլորտի  աշխատակիցներին  և  նրանց  մաղթել   նորանոր  հաջողություններ ու  ձեռքբերումներ:
Նախարարն ասել է, որ գյուղատնտեսության  ոլորտի աշխատողները հնարավորինս պետք է լինեն  համախմբված, քանի  որ այդպես վեր կհանվի համակարգում առկա խնդիրները, որոնց քննարկման  արդյունքում կտրվի համապատասխան լուծումներ: Անդրադառնալով Ստեփանակերտում  հոկտեմբերի 14-ին  կազմակերպված «Բերքի տոն»-ին՝ Ժ.  Միրզոյանը նշել է, որ իրենց կառույցն  այն դիտարկել  է  որպես գյուղատնտեսության այսօրվա վիճակի յուրօրինակ հաշվետվություն:«Ընդհանուր առմամբ, մարդկանց արձագանքը դրական է եղել: Այն    բարձր է գնահատվել թե´ կազմակերպչական և թե´ բովանդակային առումներով: Մենք պետք է ձեռքբերումներից  և  բացթողումներից հետևություններ ու վերլուծություններ  կատարենք»,-մասնավորապես ասել  է  Ժ. Միրզոյանը:
Մասնագիտական   տոնի   առթիվ,  գյուղատնտեսության  զարգացման  գործում ունեցած բեղմնավոր աշխատանքի և  բացառիկ ներդրման համար Ժ. Միրզոյանը  ոլորտի 12 աշխատակիցների պարգևատրել է ոսկե մեդալներով, իսկ  սննդամթերքի ապահովման ոլորտում  ունեցած մեծ ներդրման  համար  կառույցի   25 անդամներ ստացել  են  պատվոգրեր:
Ոսկե մեդալով պարգևատրված ԱՀ գյուղատնտեսության նախարարության անասնաբուծության և անասնաբուժության վարչության պետ Նորայր Մուսայելյանն  ասել է, որ   ինքն իր ուժերի ներածին չափ իր ներդրումն է   բերել Արցախի  գյուղտնտեսության զարգացման  ոլորտում:
«Ուրախալի է, որ  մեր  կատարած աշխատանքի համար  արժանանում ենք բարձր գնահատականի: Ինձ  համար այս պարգևը ոչ միայն հպարտություն է, այլ պատասխանատվության զգացում իմ  հետագա  գործունեությունն էլ ավելի արդյունավետ կազմակերպելու   և իրականացնելու համար: Իմ կողմից ներգրավված մի  շարք ծրագրեր  կյանքի են  կոչվել, մի մասն էլ ընթացքի  մեջ  են, իսկ  որոշներն  էլ՝ քննարկման փուլում  են: Այսուհետ  ևս   կաշխատենք մեր  նպաստը   բերել   Արցախում   գյուղատնտեսության  ոլորտի  զարգացմանը»,-ավելացրել է Ն. Մուսայելյանը:
ԱՀ ԳՆ «Բույսերի պաշտպանության ծառայություն» ՊՈԱԿ-ի  տնօրեն Վալերի   Խաչատրյանի  խոսքով՝ իր  ստացած  ոսկե   մեդալն  ինքը  համարում  է  իր   18  տարիների  կատարած  աշխատանքի  յուրատեսակ  գնահատումը: 
«Իհարկե, ուրախալի է  երբ  գնահատում են   կատարածդ  աշխատանքը և  իքդ  էլ գոհ  ու  բավարաված ես  զգում:  Եթե մեր աշխատանքով մենք կարողանում ենք  մեր ժողովրդին  հանապազօրյա  հաց  հասցնել, նշանակում է՝  մենք  մեր  լուման  ու  ծառայությունն  ենք   բերում  մեր   ժողովրդին: Արցախի գյուղատնտեսության  ոլորտում այսօր ունենք բավականին  գրագետ, բանիմաց ու  նպատակասլաց  երիտասրդներ, որոնց  հետ   մենք  մեր  ունեցած  գիտելիքներն ու  տարիների  կուտակած   փորձը պրակտիկորեն    փոխանցում  ենք  նրանց»,-մասնավորապես   ասել  է Վ.  Խաչատրյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Դրմբոն-Ստեփանակերտ ճանապարհին մեքենան գլորվել է ձորը, կան տուժածներ

Ստեփանակերտի քաղաքապետարանը կազմակերպել է գրական-երաժշտական երեկո

«Ով ուժեղ է, նա էլ ճիշտ է». Ալիևը հայտարարել է, որ Արցախի հիմնահարցի՝ ուժի միջոցով լուծման տարբերակը միշտ էլ օրակարգային է իրենց համար

Արթուր Մկրտչյանն այսօր կդառնար 60 տարեկան. քաղաքական գործիչն ընկերների հուշերում

Ստեփանակերտում գործում է «Վիտա Մեդ» բժշկական նոր կենտրոն

Բակո Սահակյանն ընդունել է Արցախյան շարժման մի խումբ ակտիվիստների

Արցախյան շարժման հիմքը մեր միասնականությունն է. Վահրամ Բալայան

Վենեսուելան հուսով է Չինաստանի, Հնդկաստանի եւ Ռուսաստանի հետ առեւտրային բլոկ ստեղծել

Search