Ֆրանսահայ երգչուհի Մարիամ Սարգսյանն առաջին անգամ համերգային ծրագրով հանդես է եկել Արցախում
ԱՀ մշակույթի,երիտասարդության հարցերի և զբոսաշրջության նախարարության և Համազգային հայ կրթական և մշակութային միության համատեղ նախաձեռնությամբ Ստեփանակերտի Սայաթ-Նովայի անվան երաժշտական քոլեջում կայացել է ֆրանսահայ մեցցո-սոպրանո երգչուհի Մարիամ Սարկիսյանի համերգ-կոնֆերանսը:
Ֆրանսահայ երգչուհի Մարիամ Սարգսյանն առաջին անգամ համերգային ծրագրով հանդես է եկել Արցախում
ՍՏԵՓԱՆԱԿԵՐՏ, հոկտեմբերի 26, ԱՐՑԱԽՊՐԵՍ: Համերգին հայերեն և ֆրանսերենեն հնչել են հայ և արտասահմանյան կոմպոզիտորների կատարումներ:
«Արցախպրես»-ի թղթակցի հետ զրույցում ՄարիամՍարկիսյանն ասել է, որ ինքն առաջին անգամ է Արցախում:Երգչուհին մեծ տպավորություններ է ստացել Արցախից և արցախցի հանդիսատեսից:
Մ. Սարկիսյանը նշել է,որ ինքը շատ է կարևորում արցախցի պատանի երգիչների հետ աշխատելը, իր փորձը նրանց փոխանցելը, ինքնավստահություն և սեփական ուժերի հանդեպ հավատ ներշնչելը:
«Եթե մարդն ունի ձայնային տվյալներ,նա պետք է ձգտի կատարելագործվել և հասնել առավելին: Յուրաքանչյուր մշակութային գործիչ, իր ձայնը ճիշտ օգտագործելով, կարող է լուրջ հաջողությունների հասնել, դառնալ համաշխարհային աստղ և հանդես գալ մեծ բեմերում»,-ավելացրել է երգչուհին: Խոսելով իր ստեղծագործական անցած ուղու մասին՝ Մ. Սարկիսյանն տեղեկացրել է, որ ինքն ավարտել է Փարիզի հայտնի «Schola Cantorum»-ն և «Ecole Normale de Musique» կոնսերվատորիան:Երգչուհին հատուկ ուշադրություն է դարձնում վոկալի ժամանակակից ձևերի զարգացմանը:
«2014 թվականին հայտնի բրիտանական «Gramophone Magazin» մրցույթի ժամանակ արժանացել եմ «Ռոմանսի անկրկնելի վարպետ» կոչմանը: Համերգներով ելույթ եմ ունենում Եվրոպայի,Ամերիկայի հայտնի վոկալ հարթակներում:«Tristesse des choses» («Իրերի կարոտը») ձայնասկավառակի ստեղծման համար 2015 թվականին «Académie du Disque Lyrique» ֆրանսիական ակադեմիան ինձ պարգևատրել է «Ոսկե Օրփեոս» մրցանակով»,-տեղեկացրել է Մ. Սարկիսյանը:
Համերգ-կոնֆերանսից հետո ՄարիամՍարկիսյանն իր կողմից թողարկված «Հայ կոմպոզիտորների ստեղծագործությունները վոկալի և դաշնամուրի համար» ձայնասկավառակները նվիրել է հանդիսատեսին: Ձայնասկավառակում ընդգրկված են Ռոմանոս Մելիքյանի,Տիգրան Մանսուրյանի և Արթուր Ավանեսովի ստեղծագործությունները:
Միջոցառմանը ներկա էին ԱՀ մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանը, ԱՀ արտաքին գործերի նախարար Մասիս Մայիլյանը, արվեստասեր հասարակություն և այլք: