Artsakhpress

Հասարակական

Երևանում մեկնարկեց «Ի՞նչ, որտե՞ղ, ե՞րբ» ինտելեկտուալ խաղի աշխարհի 16-րդ առաջնությունը

Ավելի քան 400 գիտակ աշխարհի 26 երկրներից իրենց ուժերն են փորձելու նոյեմբերի 3-ին Երևանում մեկնարկած «Ի՞նչ, որտե՞ղ, ե՞րբ» հանրահայտ ինտելեկտուալ խաղի աշխարհի 16-րդ առաջնությանը: Մասնակիցները բաժանվել են 65 թիմերի, որոնցից չորսը ներկայացնում են Հայաստանը:

Երևանում մեկնարկեց «Ի՞նչ, որտե՞ղ, ե՞րբ» ինտելեկտուալ խաղի աշխարհի 16-րդ առաջնությունը

Երևանում մեկնարկեց «Ի՞նչ, որտե՞ղ, ե՞րբ» ինտելեկտուալ խաղի աշխարհի 16-րդ առաջնությունը

ՍՏԵՓԱՆԱԿԵՐՏ, 3 նոյեմբերի, ԱՐՑԱԽՊՐԵՍ-ԱՐՄԵՆՊՐԵՍ: Առաջնության բացման հանդիսավոր արարողությանը ներկա ՀՀ ԱԺ նախագահ Արա Բաբլոյանն իր ելույթում նշեց, որ «Ի՞նչ, որտե՞ղ, ե՞րբ» խաղի աշխարհի առաջնությունը Հայաստանում երկրորդ անգամ է անցկացվում:

«Մեզ համար պատիվ է ընդունել այսքան հայտնի և բազմակողմանի զարգացած հյուրերի, որոնք  իրենց օրինակով ոգեշնչում և մոտիվացնում են երիտասարդ սերնդին գիտելիք ստանալու: Այսօր  «Ինչ, որտե՞ղ, ե՞րբ» խաղը շատ պոպուլյար է մեր երկրի երիտասարդ ինտելեկտուալների շրջանում: Հայ գիտակները մեծ հաջողությունների են հասնում ոչ միայն Հայաստանում, այլև դրա սահմաններից դուրս: Այս տարի նրանցից մեկը` Հայկ Ղազազյանը, որը խաղացել է Ելենա Պոտանինայի թիմում, ճանաչվել է լավագույն խաղացող խաղի գարնանային սերիայի ընթացքում»,- նշեց ՀՀ ԱԺ նախագահ Արա Բաբլոյանը:

Նա հավելեց, որ խաղը պոպուլյար է նաև քաղաքական գործիչների շրջանում, ինչում շատերն են համոզվել: Մի քանի տարի առաջ ձևավորվել է պատգամավորների խորհրդարանական թիմը: «Խաղի աշխարհի առաջնությունը Երևանում անցկացնելը կարևոր է նրանով, որ այս տարի մեր մայրաքաղաքը տոնեց  2800-ամյակը: Ըստ իս` դա այս միջոցառմանն ավելի մեծ նշանակություն է հաղորդում: Հայ ժողովուրդը հատուկ հարգանք ունի գիտության, կրթության և այն ամենի հանդեպ,  ինչը նպաստում է գիտելիքի կուտակմանն ու տարածմանը»,-ընդգծեց Բաբլոյանը:

Նա հույս հայտնեց, որ միջոցառման մասնակիցներն իրենց հետ դրական հույզեր, վառ տպավորություններ կտանեն և կցանկանան նորից վերադառնալ Հայաստան:

«Ի՞նչ, որտե՞ղ, ե՞րբ» ինտելեկտուալ խաղի երկրպագուներին քաջածանոթ գիտակ, «Բյուրեղապակյա բուի» քառակի  մրցանակակիր Մաքսիմ Պոտաշովը խոստովանեց, որ  տարիների ընթացքում խաղի հարցերն ավելի են բարդանում, մրցակցությունը մեծանում է և հիմա շատ են ուժեղ թիմերը:

«Նորեկներին համբերություն  եմ մաղթում: Մի քանի աստիճան վեր բարձրանալը հեշտ չի ստացվի: Հաղթում է այն մարդը, ով պատրաստ է տարիներ շարունակ սովորել, պայքարել և հասնել իր նպատակներին»,-մեզ հետ զրույցում շեշտեց գիտակը:

«Ի՞նչ, որտե՞ղ, ե՞րբ» խաղի առաջին մագիստրոս Ալեքսանդր Դրուզն ասաց, որ խաղը Հայաստանում լավ է կազմակերպված: «Շատ են հայկական թիմերը, ինչը տրամաբանական է,  քանի որ ձեր երկիրն է հյուրընկալում առաջնությունը: Որպես օրենք, ձեզ մոտ հրաշալի եղանակ է, լավ տրամադրություն և այս ամենը պայմանավորված է նաև լավ կոնյակի առկայությամբ»,-հումորով նշեց գիտակը:

«Ի՞նչ, որտե՞ղ, ե՞րբ» ինտելեկտուալ խաղի աշխարհի 16-րդ առաջնության կազմկոմիտեի համանախագահ Տիգրան Քոչարյանի խոսքով` այս առաջնության կազմակերպումը Երևանում ինտելեկտուալների նվերն է մայրաքաղաքի հոբելյանին:

«Նախորդ առաջնության համեմատ, այս տարի 16 թիմ ավելացել է: Մասնակիցները հաճույքով են եկել Հայաստան, և շատերն արդեն հասցրել են շրջել մեր երկրում, դրական գրառումներ են կատարել Հայաստանի մասին, ինչը շատ կարևոր է երկրի իմիջի համար»,-ասաց Քոչարյանը: Նա նշեց, որ Հայաստանը ներկայացնում են Արամ Հարությունյանի, Հայկ Խեմչյանի, Լևոն Նիկողոսյանի և Սերգեյ Մելքումյանի թիմերը:

«Նախկին կառավարությունների աջակցության շնորհիվ Հայաստանում «Ո՞վ, որտե՞ղ, ե՞րբ» խաղը շատ է զարգացել: Մեզ վստահվել է առաջնությունը երկրորդ անգամ մեր երկրում անցկացնել: Դա նշանակում է, որ այն աշխատանքը, որը արվել է, արդյունավետ է եղել:  Կարծում եմ` պետք է զուգահեռ զարգացնել նաև հայալեզու խաղը: Հույս ունեմ, որ ներկա կառավարությունն էլ կաջակցի խաղին,  քանի որ մարդու արժեհամակարգում կարևորագույն դեր ունի կրթությունը»,-շեշտեց Քոչարյանը և ասաց, որ այսօր խաղալու են  բոլոր թիմերը, և այն թիմը, որը կպատասխանի առավելագույն քանակի հարցրերի, կհռչակվի  առաջնության հաղթող: Հաղթողը հայտնի կդառնա վաղը` նոյեմբերի 4-ին:


     

Քաղաքական

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Հակոբ Արշակյանը Դանիայի խորհրդարանականների հետ հանդիպմանն անդրադարձել է Հայաստանի և Ադրբեջանի միջև խաղաղության պայմանագրի շուրջ բանակցություններին

Միջխորհրդարանական միության 148-րդ վեհաժողովի շրջանակում Հայաստանի ԱԺ պատվիրակությունը Դանիայի նախաձեռնությամբ հանդիպել է դանիացի գործընկերների հետ՝ պատվիրակության ղեկավար Սյորեն Սյոնդերգաարդի գլխավորությամբ:

Տնտեսական

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Տարադրամի փոխարժեքն այսօր

Տարադրամի փոխարժեքն այսօր։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search