Artsakhpress

Հասարակական

Ուղտասարը նորակառույց դպրոց ունի. կլուծվի նաև ջրամատակարարման հարցը

Այսօր՝ նոյեմբերի 5-ին, Ասկերանի շրջանի Ուղտասար համայնքում տեղի է ունեցել «Հայաստան» համահայկական հիմնադրամի Տորոնտոյի տեղական մարմնի և ԱՀ կառավարության համաֆինանսավորմամբ կառուցված դպրոցի բացման հանդիսավոր արարողությունը:

Ուղտասարը նորակառույց դպրոց ունի. կլուծվի նաև ջրամատակարարման հարցը

Ուղտասարը նորակառույց դպրոց ունի. կլուծվի նաև ջրամատակարարման հարցը
ՍՏԵՓԱՆԱԿԵՐՏ, 5 նոյեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը ներկա «Հայաստան» համահայկական հիմնադրամի գործադիր տնօրեն Հայկակ Արշամյանն ասել է, որ, խորհրդանշական է երկրորդ անգամ գործադիր տնօրենի պաշտոնում գալ Արցախ և կրկին ներկա գտնվել կրթօջախի բացման արարողության:
«Շնորհակալություն եմ հայտնում Տորոնտոյի տեղական մարմնին և ԱՀ կառավարությանը՝ ծրագիրը կյանքի կոչելու համար: Կարծում եմ՝ Տորոնտոյի մեր գործընկերները ունեն մարդակենտրոն սկզբունք, քանի որ մեկ մարդու մասին մտածելու իրենց գաղափարախոսությունը բերել է նրան, որ տարբերություն չեն դրել Հայաստանի, Արցախի և Սփյուռքի միջև: Տորոնտոյի համայնքի համերաշխության շնորհիվ է, որ այսօր ունենք նորակառույց դպրոց: Կատարված աշխատանքները գնահատում եմ բարձր: Այս ընթացքում շինարարները հասցրել են բարեկարգել նաև տարածքը»,- ավելացրել է Հ. Արշամյանը:
«Հայաստան» համահայկական հիմնադրամի Տորոնտոյի ատենապետ Մկրտիչ Մկրտիչյանն էլ նշել է, որ իր համար մեծ ուրախություն և պատիվ է ներկա գտնվել հերթական կրթօջախի բացման արարողությանը:
«2016 թվականի մայիսին, երբ առաջին անգամ այցելեցի Ուղտասար, եկել էի տեսնելու համայնքային կենտրոնի շենքը և նորը կառուցելու գաղափարի մասին հայտնելու: Սակայն, տեսնելով դպրոցի անմխիթար վիճակը, մենք որոշեցինք կառուցել նոր դպրոց: Այսօր դպրոցականներին իր ողջույնն է ուղարկել Մոնթե Մելքոնյանի այրին՝ Սեդա Մելքոնյանը, ով ցանկություն է հայտնել, որ Ավոյի անունը կրող դպրոցում նրա նվիրումն ու ոգևորությունը ուղեկցի բոլորին: Շուտով նա ևս կայցելի այստեղ»,- մանրամասնել է Մ. Մկրտիչյանը:
Ի դեպ բարերարը նշել է նաև, որ «Հայաստան» համահայկական հիմնադրամի Բրազիլիայի տեղական մարմինը դպրոցի բոլոր երեխաների համար ուղարկել է գրենական պիտույքներով լի պայուսակներ:
Բացի դրանից, Մ. Մկրտիչյանը հայտնել է, որ Ուղտասար գալու է նորից, այս անգամ լուծելու ջրամատակարարման հարցը:
«Համայնքում պետք է լուծվի նաև ջրամատակարարման խնդիրը: Մոտ երկու շաբաթ առաջ Տորոնտոյում կազմակերպված բարեգործական ընթրիքին մեր կողմից քննարկվել է այդ հարցը, և առաջիկայում կսկսվեն նախագծային աշխատանքները»,- մանրամասնել է Մ. Մկրտիչյանը:
Համայնքի ղեկավար Մանվել Պետրոսյանի կողմից Ուղտասար համայնքի զարգացման գործում ունեցած մեծ ավանդի և հայրենանվեր գործունեության համար «Հայաստան» համահայկական հիմնադրամի Տորոնտոյի տեղական մարմնի ատենապետ Մկրտիչ Մկրտիչյանին է շնորհվել Ուղտասարի պատվավոր քաղաքացու կոչումը, իսկ դպրոցի հարակից տարածքից անհատույց սեփականության իրավունքով նվիրվել 4000 մետր հողատարածք:
ԱՀ կրթության, գիտության և սպորտի նախարար Նարինե Աղաբալյանն էլ ասել է, որ այս ուսումնական տարում Արցախում բացվել է երրորդ դպրոցը, որից երկուսը «Հայաստան» համահայկական հիմնադրամի ֆինանսավորմամբ:
«Այդ շարքի մեջ առանձնահատուկ կարևորություն ունի Ուղտասարի միջնակարգ դպրոցը, քանի որ այն կոչված է ամրացնելու Արցախի սահմանը: Խորին երախտագիտությունս եմ հայտնում Տորոնտոյի տեղական մարմնին և մեզ համար հարազատ դարձած Մկտիչ Մկրտիչյանին, ով բոլոր այս տարիներին եղել է մեր կողքին և անում է հնարավորը, որպեսզի օր առաջ թեթևացնի Արցախի հոգսերը:
Մեր մեծ զորավարի ծննդյան տոնին ընդառաջ ավելի արժանապատիվ նվեր չէր կարող լինել, քան դպրոցը Մոնթե Մելքոնյանի անունով կոչելը: Այսուհետ այս դպրոցում հայ մանուկները պետք է սովորեն հայոց այբուբենը, հայրենասիրության դասերն առնեն սիրելի Ավոյի խիստ ու բարի հայացքի ներքո»,- նշել է Ն. Աղաբալյանը:
Իսկ դպրոցի տնօրեն Վլադիմիր Հակոբջանյանն էլ ասել է, որ 2002 թվականի սեպտեմբերի 1-ից գործող կրթական հաստատությունում սովորում է 39 աշակերտ:
«Այսօր հպարտ ենք, որ Արցախի և Սփյուռքի բարեկամության արդյունքում ունենք հարմարավետ ու գեղեցիկ կրթօջախ: Մենք՝ ուղտասարցիներս, հավաստիացնում ենք, որ անմասն չենք մնալու ավելի հզոր ու զարգացած Արցախ կերտելու վեհ գաղափարից: 
Համոզված ենք, որ հենց այս դպրոցից են նաև ուսում առած կյանք մտնելու բազում Ավոներ: Նրանք մասն են կազմելու այն հոծ հայրենասերների բազմությանը, ովքեր պայքարելու են քանի դեռ հայը պահանջատեր է, քանի դեռ եռագույնը չի ծածանվում Շահումյանում, Նախիջևանում, Վանում»,- ավելացրել է Վ. Հակոբջանյանը:
Այնուհետև դպրոցականները հանդես են եկել ասմունքով և երաժշտական կատարումներով:
Հանդիսավոր բացմանը դպրոցում տեղի է ունեցել նաև օրհնության արարողություն:
 
Միջոցառմանը ներկա էին ԱՀ քաղաքաշինության նախարար Կարեն Շահրամանյանը, պաշտոնատար այլ անձինք, հյուրեր և այլք:

     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search