ՍՏԵՓԱՆԱԿԵՐՏ, 7 նոյեմբերի, ԱՐՑԱԽՊՐԵՍ: Այս  մասին  «Արցախպրես»-ի  թղթղակցի  հետ  զրույցում  ասել է  ԱՀ  քաղաքաշինության  նախարարի  տեղակալ  Պավել  Նաջարյանը:

 

Նրա  խոսքով՝ ծրագրի  շրջանակներում  բարեկարգվել և ասֆալտապատվել է Ադմիրալ Իսակով 4, 4ա, 4բ, Սասունցի Դավիթ 52, 54 և 56, Կնունյանցների 1, Մաշտոց 2, Վազգեն Սարգսյան 11, Մանուկյան 4,4բ բազմաբնակարան շենքերի բակերը: Մասնակի ասֆալտապատում է իրականացվել նաև Ստեփանակերտի Գեներալ Սարդարյան և Աբրահամյան փողոցներում:

«ՍտեփԳԵՍ փողոցի առաջին նրբանցքում իրականացվել է կրաքարով ծածկի բարեկարգում, իսկ Մարիետա Շահինյան ծայրամասային փողոցի երկայնքով հենապատ է կառուցվել, որի   բարեկարգման աշխատանքները շարունակվելու  են հաջորդ տարի:  Ասֆալտապատման և կապիտալ բարեկարգման մեծ ծավալով աշխատանք է կատարվել Վաղարշ Վաղարշյան թաղամասի աջակողմյան հատվածի մի շարք փողոցներում և նրբանցքներում: Վաղարշյան և Նիկոլ Դուման փողոցների ստորգետնյա գործող կապի խողովակաշարերը, դիտահորերը և մալուխները փոխարինվել են նորերով: Ազատամարտիկների փողոցում և քաղաքի կենտրոնական հատվածում իրականացվել  է  մայթերի սալապատում  և բարեկարգում»,-ավելացրել  է Պ.  Նաջարյանը՝  հավելելով, որ  ծրագիրը կշարունակվի նաև 2019 թվականին:

Մեր  զրուցակիցը   նշել   է նաև, որ  մայրաքաղաքի  Օրբելի, Սարդարյան, Շինարարների  և  Վաղարշյան  փողոցի  ձախակողմյան   հատվածում   ներկայումս  իրականացվում  են  բարեկարգման  աշխատանքներ:

«ԱՀ  շրջաններում   ևս  իրականացվել  և  իրականացվում  են  ասֆալտապատման  աշխատանքներ, մասնավորապես,՝ ասֆալտապատվել  են   Մարտունի   և  Շուշի  քաղաքների  որոշ   փողոցներ: Այժմ  էլ Մարտակերտ  քաղաքի  կենտրոնական  փողոցներում  են   ընթանում բարեկարգման  և  ասֆալտապատման  աշխատանքներ»,-տեղեկացրել   է ոլորտի  պատասխանատուն  և  նշել, որ ընթացիկ  տարում   Ստեփանակեր-Դրմբոն ավտոճանապարհի 15  և    Ստեփանակերտ-Հադրութ  ավտոճանապարհի  3 կմ-երի  վրա  իրականացվել  են  նոր  ասֆալտապատման  աշխատանքներ  և կապիտալ վերանորոգում:

Խոսելով  կատարված  աշխատանքի   որակից՝  Պ.  Նաջարյանն  ասել  է,  որ  փողոցների  և  ճանապարհների  ասֆալտապատման  որակը    բարձր  է, քանի որ իրենք  օգտագործում  են   որակյալ  շինանյութեր,  ինչպես  նաև  իրենց  կողմից  վերահսկվում  են   իրականացվող  աշխատանքները: