Artsakhpress

Հասարակական

«Տեխնովացիա Հայաստան 2019» ծրագրին կարող են մասնակցել նաև Արցախից

ՀՀ Կրթության ազգային ինստիտուտը ու «Կանայք և տեղեկատվական հասարակությունը» հասարակական կազմակերպությունը հայտարարում են աշխարհի խոշորագույն տեխնոլոգիական ձեռներեցության «Technovation» ծրագրի համահայկական «Տեխնովացիա Հայաստան 2019» մրցաշրջանի սկիզբը:

«Տեխնովացիա Հայաստան 2019» ծրագրին կարող են մասնակցել նաև Արցախից

«Տեխնովացիա Հայաստան 2019» ծրագրին կարող են մասնակցել նաև Արցախից
ՍՏԵՓԱՆԱԿԵՐՏ, 8 նոյեմբերի, ԱՐՑԱԽՊՐԵՍ: Այս մասին «Արցախպրես»-ին տեղեկացրին ԱՀ կրթության, գիտության և սպորտի նախարարությունից՝ մանրամասնելով, որ ծրագրին մասնակցել կարող են Հայաստանի և Արցախի ինֆորմատիկայի ուսուցչուհիները իրենց աշակերտուհիների հետ միասին:
Աղբյուրի հաղորդմամբ՝ «Technovation»-ը նպատակ է հետապնդում ոգեշնչել աղջիկներին, ովքեր, օգտագործելով տեխնոլոգիական ձեռներեցության գիտելիքներն ու հմտությունները, նորարական մեթոդներով կլուծեն իրենց համայնքներում առկա խնդիրները:
«Տեխնովացիա Հայաստան 2019» մրցույթին կարող են մասնակցել 10-18 տարեկան աշակերտուհիները։ Նրանք կձևավորեն մինչև 5 անդամ ունեցող թիմեր, որտեղ կարող են ընդգրկվել ուսուցիչը և տեխնոլոգիական մասնագետը: Չնայած նրան, որ «Technovation» -ը մրցակցություն է, ծրագիրն ավելի հակված է կառուցելու մասնակիցների մի մեծ թիմ, համայնք: Կարևոր է, որ ուսուցիչները, աշակերտուհիները և համայնքի անդամներն աշխատեն միասին և հնարավոր համագործակցության ու տեխնոլոգիաների միջոցով կյանքի կոչեն իրենց ծրագրերը: Մասնակիցներին աջակցելու համար կանցկացվեն հայերեն լեզվով դասընթացներ և կտրամադրվեն ուսումնական նյութեր: Արցախի և հեռավոր մարզերի ուսուցիչները և աշակերտուհիները կստանան նաև հեռահար խորհրդատվություն: Ծրագրով նախատեսվում է 12 շաբաթյա ուսուցում, որի ընթացքում աշակերտուհիները կսովորեն բացահայտել, վերհանել որևէ սոցիալական խնդիր իրենց համայնքում ու ստեղծել բջջային հավելված՝ հիմնահարցին լուծում տալու համար։ Մասնակից թիմերը նախ կմրցեն «Տեխնովացիա Հայաստան 2019» մրցույթի շրջանակում, ապա հաղթող թիմերը հնարավորություն կունենան մասնակցելու միջազգային մրցույթին: Հաղթելու դեպքում՝ թիմը կհրավիրվի մասնակցելու Սան Ֆրանցիսկոյում կազմակերպվող «Technovation» համաշխարհային շնորհանդես-գագաթնաժողովին և մրցանակաբաշխությանը:
Նշենք, որ մասնակցել ցանկացողները պետք է լրացնեն հայտը և ուղարկեն girlsinictarmenia@gmail.com հասցեին մինչև ընթացիկ տարվա նոյեմբերի 15–ը:
Մանրամասն տեղեկությունների համար ցանկացողները կարող են այցելել http://edu.nkr.am/?p=5011 կայքը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ես եմ «Բարձրացած բռունցք, Արցախ-Ղարաբաղ» գողացված տարբերանշանի իրական հեղինակը. Վահե Ֆատտալի բաց նամակը

«Ֆորբսը» հայուհուն ներառել է աշխարհի մինչև 30 տարեկան ամենաազդեցիկ մարդկանց ցանկում

Ստեփանակերտում խոշոր մարզահամալիր կկառուցվի. Արայիկ Հարությունյանը բարեգործական նոր ծրագրերի մասին է հայտարարել

«Արցախ ՀԷԿ» ընկերությունն ամփոփել է 11-ամյա գործունեության արդյունքները. նշվել է նոր նախագծերի մասին

Արտադրվող էլեկտրաէներգիայի ծավալն աճել է 120 %-ով. «Արցախ ՀԷԿ»-ի տնօրեն

Վիրավորված եմ ինձ զգում Բելառուսի կողմից մեր պետությանը հասցրած վիրավորանքի համար. Արթուր Աղաբեկյան

Գյուղական համայնքներում տուն կառուցելու համար նոր փոխառություն կտրվի. պետնախարարը Կարմիր շուկայում խորհրդակցություն է անցկացրել

Նիկոլ Փաշինյանն այցելել է մարտական հենակետ և հետևել մարտավարական զորավարժությանը

Ինչո՞ւ է հետաձգվել «Հին Երևան» նախագիծը. Արայիկ Հարությունյանը հետաքրքիր մանրամասներ է ներկայացրել

Search