Դեմոկրատական կուսակցության թեկնածու Լորիգ Չարքուդյանը ԱՄՆ-ում միջանկյալ ընտրությունների արդյունքում ընտրվել է Մերիլենդ նահանգի Պատվիրակների պալատի անդամ։
Լորիգ Չարքուդյանը Մերիլենդ նահանգի Պատվիրակների պալատի անդամ է ընտրվել
ՍՏԵՓԱՆԱԿԵՐՏ, 9 նոյեմբերի, ԱՐՑԱԽՊՐԵՍ: Ամերիկայի Հայ ազգային կոմիտեի արեւելյան մասնաճյուղի ղեկավար Սթիվ Մեսրոբյանը հաղթանակի կապակցությամբ շնորհավորել է Չարքուդյանին, հայտնում է News.am-ը։
Չարքուդյանը ծնվել է Մասաչուսեթս նահանգի Նյուտոն քաղաքում՝ քաղաքականապես ակտիվ ընտանիքում։ Նա ավելի քան 20 տարի պետական ծառայող է։
Նրա տատն ու պապը, փախչելով Հայոց ցեղասպանությունից, եկել են ԱՄՆ։ Չարքուդյանի ընտանիքը տասնամյակներ շարունակ կապված է եղել Մերիլենդի եւ Մասաչուսեթսի հայ համայնքների հետ։ Նրա հայրը՝ Լեւոն Չարքուդյանը, Մասաչուսեթսի համայնքների գործերով դեպարտամենտի կոմիսար է եղել եւ աշխատել է նահանգապետ Ֆրենսիս Սարջենթայի ղեկավարությամբ, իսկ մայրը՝ Բեթել Բիլեզիկյանը, 1960-ականներին եղել է Քաղաքացիական իրավունքների համար շարժման ակտիվ անդամ, իսկ հիմա աշխատում է Նյուտոնի այգիների եւ հանգստի գոտիների հանձնաժողովում։
