Բրազիլիայի Ռիո դե Ժանեյրո նահանգի Նիտերոյ քաղաքում սողանք է տեղի ունեցել, ինչի հետևանքով առնվազն 14 մարդ է մահացել:
Բրազիլիայում տեղի ունեցած սողանքի հետևանքով 14 մարդ է մահացել
ՍՏԵՓԱՆԱԿԵՐՏ, 11 նոյեմբերի, ԱՐՑԱԽՊՐԵՍ: tert.am-ը փոխանցմամբ՝ հաղորդում է Globo-ն, նրանց թվում նաև երեխաներ կան:
Սողանքը տեղի է ունեցել նախօրեին երեկոյան: Տարերային աղետի հետևանքով 9 բնակելի տուն և պիցերիայի շենք է վնասվել: Հարյուրավոր փրկարարներ և կամավորներ անմիջապես սկսել են որոնողական աշխատանքները:
Նրանց հաջողվել է 11 մարդու կյանք փրկել, դեռևս 4 մարդ անհետ կորած է համարվում:
Ինչպես հաղորդվում է, փլուզման պատճառ կարող էին դառնալ հորդառատ անձրևները: Երկրի իշխանությունները նախօրեին նախազգուշացրել էին բնակչությանը սպառնացող վտանգի մասին: