Artsakhpress

Հասարակական

ԱրՊՀ-ում ապագա հաշվապահների համար կազմակերպվել է կլոր սեղան

Արցախի պետական համալսարանի ֆինանսահաշվային ամբիոնի նախաձռենությամբ այսօր բուհում կազմակերպվել է «Ժամանակակից գործնական աշխարհում հաշվապահի մասնագիտությունը» թեմայով կլոր սեղան:

ԱրՊՀ-ում ապագա հաշվապահների համար կազմակերպվել է կլոր սեղան

ԱրՊՀ-ում  ապագա  հաշվապահների  համար   կազմակերպվել  է  կլոր  սեղան
ՍՏԵՓԱՆԱԿԵՐՏ, 13 նոյեմբերի, ԱՐՑԱԽՊՐԵՍ:  «Արցախպրես»-ի  թղթակցի  հաղորդմամբ՝  բացման  խոսքով  միջոցառմանը  հանդես  է  եկել    ԱրՊՀ ֆինանսահաշվային  ամբիոնի  վարիչ  Նարինե  Մելքումյանը:
Ըստ  նրա՝    հաշվապահների  դերը   կարևոր     է  հասարակության  համար:
«Քանի  որ  մեր  համալսարանը թողարկում է հաշվապահներ, մենք  էլ  նպատակ  ունենք  թողարկել  այնպիսի  շրջանավարտներ, որոնք   իրենց  ձեռք  բերած   գիտելիքները  կօգտագործեն   աշխատանքում: Այսօրվա   մեր  կլոր  սեղան-քննարկման   նպատակն  է, որպեսզի  հրավիրված   փորձառու   հաշվապհներն  իրենց   ունեցած  գիտելիքներով  ու   փորձով  կիսվեն   մեր  ուսանողների  հետ: Հաշվապահական  հաշվառման  ոլորտն  անընդհատ    զարգանում  է, և  մենք  էլ   պետք  է    հասցնենք  հետևել    կատարվող  փոփոխություններին և նորություններին»,-նշել  է  Ն.  Մելքումյանը:
Միջոցառմանն ԱրՊՀ  հաշվապահական  հաշվառում  և  հարկում    ֆակուլտետի    երրորդ  կուրսի  ուսանողուհի  Մարիամ  Գևորգյանը  հանդես  է եկել   «Ժամանակակից  գործնական  աշխարհում հաշվապահի  մասնագիտությունը. մասնագիտական   և  սոցիալական  ասպեկտները»  թեմայով  զեկուցմամբ:
Նրա  խոսքով՝  21-րդ  դարում արդի տեխնոլոգիաների զարգացման  հետ  մեկտեղ ավելանում  է  նաև  տարբեր  ոլորտի  մասնագետների  հանդեպ գիտելիքների  և հմտությունների  որակի  բարձրացման  պահանջը:
«Արդի  գործնական  աշխարհում հաշվապահի  մասնագիտությունն  ամենապհանջվածներից  մեկն է: Տարածված   կարծիքը, թե  մաթեմատիկական  գիտելիքներով  օժտված    երեխաներն ապագա  պատրաստի  հաշվապահներ  են, մասամբ  է  համապատասխանում իրականությանը: Ապագա   հաշվապահը  պարտավոր  է  լինել  որակապես     լավ  պատրաստված, օժտված  ղեկավարելու ունակությամբ, տիրապետի պրոֆեսիոնալ  գաղտնիքը  պահելու  իր մասնագիտական  էթիկայի կանոնները, իր  և  իր  գործի  նկատմամբ  լինի  պահանջկոտ  և   հետևողական: Հաշվապահի  անձնական  հատկանիշներից  կարելի  է  կարևորել նաև ազնվությունը, ինքնավստահությունը  որոշումների  կայացման  գործում, պարտաճանաչությունը, որոնցով  էլ կտարբերվի  յուրաքանչյուրի  մասնագիտական  ձեռագիրը: Կարևոր է նաև  ղեկավար  անձնակազմի, կոլեգաների  և  գործնականում  առնչվող  այլ  անձանց  հետ հաշվապահի  շփման  ունակությունները»,-ավելացրել  է  Մ. Գևորգյանը:
Ըստ  ուսանողուհու՝   արդի  հաշվապահի  առօրյա   պարտականությունների  կատարումն  անհնարին  է  առանց  համակարգչի, ինչպես  նաև  հաշվապահական   և  հաշվողական  ծրագրերի տիրապետման, որոնք  օպտիմալացնում, կանոնակարգում  են աշխատանքը, օգնելով  տիրապետել  ողջ  տեղեկատվությանը  մեկ  համակարգում:
Ըստ  ԱՀ   ֆինանսների  նախարարության  հաշվապահական   հաշվառում  և  աուդիտի   մեթոդական  բաժնի  պետ Սիլվա  Միքայելյանի՝   յուրաքանչյուր   հաշվապահ  իր  ունեցած   տեսական  գիտելիքները   կիրառելով  պրակտիկ  աշխատանքում, որպես  մասնագետ   կայանում  է:
«Հաշվապահը   պետք  է  անընդհատ  սովորի, կատարելագործվի,  հետևի    հաշվապահական  հաշվառման   միջազգային    չափանիշներին: Մեր գործում   շատ  կարևոր  է   ազնիվ  և   պատասխանատու  լինելը: Խորհուրդ  կտայի    բոլոր  ուսանողներին, որ   իրենց  աշխատանքում  լինեն հետևողական,  պարբերաբար   ծանոթանան   ոլորտի  նորարարություններին,    իրենց  վստահված  գործում  լինեն   ուշադիր»,-մասնավորապես  ասել է   ոլորտի   ներկայացուցիչը:
Քննարկմանը  մասնակցում   էին    ոլորտի   ներկայացուցիչներ,  ԱրՊՀ  ֆինանսահաշվային   ամբիոնի  դասխոսներ, ուսանողներ  և  այլք:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Նախագահ Սահակյանը ներկայացրել է ՊԲ նոր հրամանատարին (տեսանյութ)

Գեներալ-լեյտենանտ Լևոն Մնացականյանը խոսք է ուղղել բանակի անձնակազմին

Սերժ Սարգսյանը հրաժարվել է հանձնել շրջանները. Լուկաշենկո

Արցախում թխված մոտ 3 մետր երկարությամբ ժենգյալով հացը գրանցվել է «Դյուցազնագրքում» (լուսանկարներ)

Բակո Սահակյանը հանդիպում է ունեցել Նիկոլ Փաշինյանի հետ

ԱՀ ՊՆ, ՊԲ հրամանատար, գեներալ-մայոր Կարեն Անդրանիկի Աբրահամյանի համառոտ կենսագրությունը

«Արսենալ»-«Ղարաբաղ» խաղում հայ երկրպագուն Մոնթեի պատկերով շապիկով ու Արցախի դրոշով ներխուժեց խաղադաշտ

«Ղարաբաղ Տելեկոմ»-ը հանդես է եկել նոր առաջարկով

Երևանի կենտրոնական կլինիկական հոսպիտալ տեղափոխված 4 զինծառայողն էլ խիստ հսկողության տակ են, 3-ի վիճակը կայուն ծանր է

Search