Artsakhpress

Տնտեսական

«Արցախ ՀԷԿ» ընկերությունն ամփոփել է 11-ամյա գործունեության արդյունքները. նշվել է նոր նախագծերի մասին

Այսօր՝ նոյեմբերի 14-ին, «Սարսանգ ՀԷԿ» ընկերության 40 և «Արցախ ՀԷԿ» բաց բաժնետիրական ընկերության 11-ամյակների կապակցությամբ Ստեփանակերտում կազմակերպվել է միջոցառում:

«Արցախ ՀԷԿ» ընկերությունն ամփոփել է 11-ամյա գործունեության արդյունքները. նշվել է նոր նախագծերի մասին

«Արցախ ՀԷԿ» ընկերությունն ամփոփել է 11-ամյա գործունեության արդյունքները. նշվել է նոր նախագծերի մասին
ՍՏԵՓԱՆԱԿԵՐՏ, 14 նոյեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը «Արցախ ՀԷԿ» ընկերության 11-ամյա գործունեության մասին պատմող ֆիլմ է ցուցադրվել:
Միջոցառմանը ներկա ԱՀ Նախագահի խորհրդական-հատուկ հանձնարարությունների գծով ներկայացուցիչ, «Արցախ ՀԷԿ» ընկերության հոգաբարձուների խորհրդի նախագահ Արայիկ Հարությունյանն ասել է, որ առաջիկա տարիներին հանրապետությունում արտադրվող էլեկտրաէներգիայի ծավալը կհասցվի մինչև 1 մլրդ ԿՎտ-ի:
 
«Վերջին շրջանում կասկածի տակ է առնվում մեր երկրի համար ամենակարևոր պրոյեկտը՝ էներգետիկ անկախությունը: Վստահեցնում եմ, որ 40 տարի անց Արցախում չի օգտագործվելու ո՛չ գազ, ո՛չ փայտ, ո՛չ բենզին, ո՛չ դիզվառելիք: Ունենալու ենք էներգիայի մի աղբյուր՝ էլեկտրաէներգիա, որով ամեն ինչ բավարարվելու է: Եվրոպական երկրներ կատարած վերջին այցի ընթացքում նշել էի ներդրումային որոշ ծրագրերի մասին: Այսօր արդեն կարող ենք փաստել, որ կա պայմանավորվածության, համաձայն որի կներդրվի ավելի քան 100 մլն ԱՄՆ դոլար: Ինչ վերաբերում է «Արցախ ՀԷԿ» ընկերության այսօր կայացած խորհրդի նիստում ձեռք բերված պայմանավորվածություններին, ապա նշեմ, որ առաջիկայում սկսվելու է 1 ՄՎտ հզորությամբ արևային կայանի շինարարությունը: Հաջորդ նախագիծը հերթական բաժնետոմսերի թողարկումն է, որը լինելու է բաց բաժանորդագրությամբ: Սկիզբ ենք դնում նոր հետաքրքիր ծրագրի, և այսօր եվրոպական ներդրումային ընկերություների հետ կկնքվի հուշագիր, ըստ որի Մարտակերտի շրջանում շուրջ 60 հա նռան այգիներ կհիմնվեն: Եվս մեկ կարևոր նախաձեռնություն է Սարսանգի ջրերի տեղափոխումը Թարթառի աջափնյա ջրանցք, որը ոռոգովի է դարձնելու շուրջ 10 հազար հա տարածքներ»,- մանրամասնել է Ա. Հարությունյանը:
ԱՀ պետական նախարար Գրիգորի Մարտիրոսյանն էլ նշել է, որ ընկերության գլխավոր ձեռքբերումը ոչ թե արտադրված էլեկտրաէներգիայի ծավալի, կատարված ներդրումների կամ ստեղծված աշխատատեղերի մեջ է, այլ այն հավատը, որ բոլորն ունեցել են սեփական ուժերի, զարգացման հնարավորության և օտարերկրյա ներդրողների ներգրավման հանդեպ:
 
«Շնորհավորում եմ «Արցախ ՀԷԿ»-ին, նրա բոլոր հիմնադիրներին: Ընկերության օրինակը, չափազանց բարձր կորպորատիվ կառավարման մակարդակը և ներդրումը Արցախի տնտեսության զարագացման գործում, անգնահատելի են: Հուսով եմ՝ կունենանք շատ ու շատ հաջողված պրոյեկտներ ևս, սակայն «Արցախ ՀԷԿ»-ը մշտապես կմնա պատմության մեջ՝ որպես առաջինը ֆինանսական շուկայի և էներգետիկ ոլորտների զարգացման գործում»,- ասել է Գ. Մարտիրոսյանը:
Ամփոփելով 11-ամյա գործունեությունը «Արցախ ՀԷԿ» ընկերության տնօրեն Վահրամ Բեգլարյանն էլ ասել է, որ այս ընթացքում իրենց հաշվեկշռում «Սարսանգ ՀԷԿ»-ին միացել է 7 փոքր հիդրոէլեկտրակայան:
 
«Տարեկան արտադրվող էլեկտրաէներգիայի ծավալն աճել է 120 %-ով: Եթե մինչև 2007 թվականը «Սարսանգ ՀԷԿ»-ը արտադրում էր 80-90 միլիոն ԿՎտ/ժ էլեկտրաէներգիա, ապա 2019 թվականին մենք պլանավորել ենք և ակնկալում ենք, որ մեր արտադրանքի ծավալը կկազմի մոտ 220 միլիոն ԿՎտ/ժ: Այսօր «Արցախ ՀԷԿ»-ից բացի Արցախում գործում են էլեկտրաէներգիա արտադրող տասից ավելի ընկերություններ: Կառուցվում են ավելի քան 10-ը նոր հիդրոէլեկտրակայաններ: Այս ամենը փաստում է այն մասին, որ 2007 թվականին մեկնարկած ծրագիրը հաջողված է: «Արցախ ՀԷԿ»-ի գլխավոր ձեռքբերումն այն է, որ մեզ հաջողվել է ստեղծել մի ընկերություն, որը համապատասխանում է միջազգային չափանիշներին: Ունենալով ավելի քան 1200 բաժնետեր 10 երկրներից՝ մենք շարունակում ենք լայնացնել մեր հորիզոնները՝ ի դեմս խոշոր արտասահմանյան ընկերությունների»,- նշել է Վ. Բեգլարյանը՝ վստահեցնելով, որ ընկերության աշխատակազմը ներդնելու է բոլոր ջանքերը որպեսզի հաջորդ միջոցառումներին կարողանան արձանագրել էլ ավելի բարձր ցուցանիշներ և խոսեն նորանոր ծրագերի մասին:
Իսկ «Արմսվիսբանկ» ընկերության գործադիր տնօրեն Գևորգ Մաչանյանը շնորհակալություն է հայտնել համագործակցության համար՝ ընդգծելով, որ այս հաջողությունների մասին խոսելիս պետք է գնահատել այն մարդկանց, ովքեր այդ երազները դարձնում են իրականություն:
 
«Պետք է շարունակել աշխատել նույն ոգով: Նախկինում, երբ շահագործման էր հանձնվում որևէ հիդրոէլեկտրակայան, այն վերածվում էր տոնական միջոցառման: Այսօր, սակայն, այս ամենի համար զարմանալ պետք չէ, և ես համոզված եմ, որ առաջիկա տարիներին հանրապետությունում արտադրվող էլեկտրաէներգիայի ակնկալվող ծավալը մինչև 1 մլրդ ԿՎտ-ի հասցնելը կդառնա իրականություն»,- ասել է Գ. Մաչանյանը:
Միջոցառմանն ընկերության մի խումբ աշխատակիցների իրենց ամենօրյա աշխատանքի և ցուցաբերած ավանդի համար հանձնվել են պարգևներ:
«Արցախպրես» լրատվական գործակալությունը ևս շնորհավորում է իր գլխավոր հովանավոր «Արցախ ՀԷԿ»-ին և մաղթում, որ Արցախի տնտեսության մեջ ընկերության ունեցած շոշափելի ներդրումը հետագա տարիներին բազմապատկվի:

     

Քաղաքական

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Հայաստանում աշխատանքի է տեղավորվել ԼՂ-ից տեղահանված շուրջ 12 հազար անձ

Հայաստանում աշխատանքի են ընդունվել Լեռնային Ղարաբաղից բռնի տեղահանված բավականին մեծ թվով անձինք։

Կառավարությունը ԼՂ-ց բռնի տեղահանվածներին 40+10 հազար դրամ աջակցության ծրագիրը երկարացրեց մինչև տարվա վերջ

Կառավարությունը Լեռնային Ղարաբաղից բռնի տեղահանվածների 40+10 հազար դրամ աջակցության ծրագիրը երկարացրեց մինչև տարվա վերջ։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search