Artsakhpress

Տնտեսական

Արտադրվող էլեկտրաէներգիայի ծավալն աճել է 120 %-ով. «Արցախ ՀԷԿ»-ի տնօրեն

2007 թվականի նոյեմբերին ստեղծված «Արցախ ՀԷԿ» բաց բաժնետիրական ընկերության կողմից գրանցված հաջողությունները խթան են հանդիսացել Արցախի Հանրապետությունում էներգետիկայի ոլորտի զարգացմանը:

Արտադրվող էլեկտրաէներգիայի ծավալն աճել է 120 %-ով. «Արցախ ՀԷԿ»-ի տնօրեն

Արտադրվող էլեկտրաէներգիայի ծավալն աճել է 120 %-ով. «Արցախ ՀԷԿ»-ի տնօրեն
ՍՏԵՓԱՆԱԿԵՐՏ, 14 նոյեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ նոյեմբերի 14-ին «Սարսանգ ՀԷԿ» ընկերության 40 և «Արցախ ՀԷԿ» ընկերության 11-ամյակների կապակցությամբ կազմակերպված միջոցառմանն ասել է ընկերության տնօրեն Վահրամ Բեգլարյանը:
Նրա խոսքով՝  40 տարի առաջ շահագործման հանձնվեց հիդրոէլեկտրակայան, որը մինչ այսօր շարունակում է մնալ Արցախն էներգիայիով սնուցող հիմնական աղբյուրը:
«Կայանի դերը հանրապետության տնտեսության մեջ դժվար է գերագնահատելը: Սովետական միության ժամանակ կայանը օգտագործվում էր ոչ լիարժեք, քանի որ հիմնական դերակատարությունը Սարսանգի ջրամբարն ուներ՝ որպես ոռոգման համակարգը սնուցող կառույց: ԱՀ հռչակումից հետո իրավիճակը փոխվեց, և «Սարսանգ ՀԷԿ»-ը դարձավ մեր հանրապետության միակ էլեկտրաէներգիա արտադրողը: Տարիների ընթացքում հանրապետության էլեկտրաէներգիայի սպառումը և պահանջարկն աճում էր, և ակնհայտ էր դառնում, որ բավարարվելով միայն Սարսանգի հիդրոէլեկտրակայանով հնարավոր չէ: Սակայն էլեկտրաէներգիայի արտադրության ծրագրերը շարունակում էին մնալ թղթի վրա և զարգացում չէին ունենում: Միայն 2007 թ.-ին ԱՀ կառավարության մշակած ծրագրի շնորհիվ հնարավորություն ստեղծվեց նոր շունչ հաղորդել էլեկտրաէներգիայի արտադրության զարգացման գործին: 2009-2011 թթ. տեղի ունեցած բաժնետոմսերի երեք հրապարակային տեղաբաշխման արդյունքում հնարավորություն ունեցանք ավելացնել կանոնադրական կապիտալը երկու անգամ՝ 5 միլիարդ 100 միլիոն դրամից հասցնելով 10 միլիարդ 650 միլիոն դրամի»,- նշել է Վ. Բեգլարյանը:
Ընկերության տնօրենի խոսքով՝ 11 տարվա ընթացքում «Արցախ ՀԷԿ»-ի հաշվեկշռում «Սարսանգ ՀԷԿ»-ին միացել է ևս 7 փոքր հիդրոէլեկտրակայան, մասնավորապես՝ 2010 թ.-ին` «Թրղի-1»` 3 ՄՎտ, 2011 թ.-ին` «Թրղի-2»` 6 ՄՎտ, 2012 թ.-ին` «Մատաղիս 1» և «Մատաղիս 2»` ընդհանուր 7, 8 ՄՎտ, 2015 թ.-ին «Թրղի 3»` 5 ՄՎտ հզորությամբ:
«2018 թ.-ին մենք հնարավորություն ունեցանք շահագործման հանձնել ևս 2 հիդրոէլեկտրակայան՝ «Թրղի-4» 0.8 ՄՎտ և «Լև-1» 7 ՄՎտ հզորությամբ: Ընկերության կայանների թիվը 8-ն է, և ընդհանուր հզորությունը 50 ՄՎտ -ից աճել է մինչև 79.5 ՄՎտ՝ կազմելով 60 %: Տարեկան արտադրվող էլեկտրաէներգիայի ծավալն աճել է 120 %-ով: Եթե մինչև 2007 թ.-ը «Սարսանգ ՀԷԿ» ընկերությունն արտադրում էր 80-90 միլիոն ԿՎտ/ժ էլեկտրաէներգիա, ապա 2019 թ.-ին մենք պլանավորել ենք և ակնկալում ենք, որ մեր արտադրանքի ծավալը կկազմի մոտ 220 միլիոն ԿՎտ/ժ: Այս տարիների ընթացքում ընկերությունը ստեղծել է թվով 140 աշխատատեղ: Եթե 2007 թ.-ին ունեինք 90 աշխատող, ապա այսօր այդ թիվը հասել է 230-ի: Ստեղծված աշխատատեղերի գերակշիռ մասը զբաղեցրել են մասնագետներ, որոնք իրենց հմտությունները և ունակությունները ձեռք են բերել հենց «Արցախ ՀԷԿ»-ում: Զգալիորեն աճել են նաև աշխատավարձերի չափերը: Եթե մինչև 2007 թ.-ը միջին աշխատավարձը կազմում էր 60 հազար դրամ, ապա ներկայումս այն հասել է 160 հազար դրամի: Այս բոլոր ձեռքբերումները մեզ հաջողվել է գրանցել նաև ընկերության աշխատակիցների և ներդրողների շնորհիվ, որոնք շարունակում են տարեցտարի ապացուցել իրենց բարձր մասնագիտական պատրաստվածությունը»,- ավելացրել է Վ. Բեգլարյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Ծանր վիրավորում ստացած 21–ամյա Ագանիկ Զորոգլյանը գիտակցության է եկել

Հայտնի են «Վերջին զանգ»-ի առթիվ կայանալիք տոնական միջոցառումների օրերը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Քոչարյանի ազատությունը երաշխավորած Բակո Սահակյանը եւ Արկադի Ղուկասյանը հաստատել են. կգան դատարան

Search