Ճապոնիայի կիբեռանվտանգության հարցերով նախարարը խոստովանել է՝ համակարգչով աշխատել չգիտի
Ճապոնացի նախարար Յոսիտակա Սակուրադան, որը կիբերանվտանգության հարցերի պատասխանատուն է, խորհրդարանի ստորին պալատում քննարկումների ժամանակ խոստովանել է, որ չգիտի ինչպես օգտվել անձնական համակարգչից:
Ճապոնիայի կիբեռանվտանգության հարցերով նախարարը խոստովանել է՝ համակարգչով աշխատել չգիտի
ՍՏԵՓԱՆԱԿԵՐՏ, 14 նոյեմբերի, ԱՐՑԱԽՊՐԵՍ: Այս մասին, panorama.am–ի հաղորդմամբ, գրում էՏԱՍՍգործակալությունը՝ հղում անելով Kyodo-ին:
Ի պատասխան ընդդիմության պատգամավորների հարցերին, նախարարը հաստատել է, որ երիտասարդ տարիքից քրտնաջան աշխատել է, խիստ զբաղված է եղել և հնարավորություն չի ունեցել տիրապետելու համակարգչային հմտությունների: «Հետո աշխատանքային առաջխաղացում եղավ և ինքս էի հանձնարարություններ տալիս իմ աշխատակիցներին ու քարտուղարին», - հպարտությամբ հայտարարել է կառավարության անդամը և հավելել. «Հիմա համակարգչի ստեղնաշարին չխչխկացնելու կարիք չունեմ»:
Նախարարի խոստովանությունը ցնցել է պատգամավորներին: «Անհնար է հավատալ, որ հենց այդ մարդուն է վստահվել կիբերանվտանգության ոլորտը»,- հայտարարել է ընդդիմության առաջնորդը: Միևնույն ժամանակ, Սակուրադան նշել է, որ քաղաքական փորձառությունը թույլ կտա նրան լուծել խնդիրները: Այնուամենայնիվ, երբ նրան հարցեր են տվել ատոմային էլեկտրակայանները կիբեռահաբեկչությունից պաշտպանելու մասին, նա խոստովանել է, որ «այդ թեմայի մանրամասներին չի տիրապետում»:
Այսպիսով, ընդդիմությունը մտադիր է պահանջել նրա հրաժարականը