Artsakhpress

Մշակույթ

Ստեփանակերտի պատկերասրահում բացվել է ժամանակակից քանդակի ցուցահանդես

«ԱՐՏ PR» ընկերության նախաձեռնությամբ Ստեփանակերտի պատկերասրահում այսօր բացվել է ժամանակակից քանդակի ցուցահանդես. այն կտևի մինչև նոյեմբերի 26-ը:

Ստեփանակերտի պատկերասրահում բացվել է ժամանակակից քանդակի ցուցահանդես

Ստեփանակերտի  պատկերասրահում   բացվել  է  ժամանակակից  քանդակի   ցուցահանդես
ՍՏԵՓԱՆԱԿԵՐՏ, 16 նոյեմբերի, ԱՐՑԱԽՊՐԵՍ: Ցուցահանդեսին  ներկայացված  են ՀՀ-ն երիտասարդ  արվետսագետների  26 աշխատանք: 
«Արցախպրես»-ի  թղթակցի  հաղորդմամբ՝  միջոցառմանը բացման  խոսքով  հանդես  է  եկել  «ԱՐՏ PR»  ընկերության    հիմնադիր-տնօրեն  Գայանե  Դավթյանը:
Ըստ  նրա՝ ժամանակակից  արվեստը  Հայաստանում  և  Արցախում  օրեցօր  զարգանում  է, քանի  որ այն  պահանջված  է  աշխարհի   տարբեր  երկրներում:
«Ցուցահանդեսի  հիմնական  նպատակը  երիտասարդ   արվեստագետներին   Երևանից   դուրս  ներկայացնելն  է, որպեսզի  նրանք  կարողանան   իրենց  արվեստով  խոսել  տարբեր  մշակութային  միջավայրերում  և  անձամբ  հաղորդակցվեն  տեղի  արվեստասերների  հետ: Աբստրակտ  քանդակի  միջոցով  երիտասարդները  փորձել  են  բարձրաձայնել  ժամանակակից  մարդուն  հուզող  բազմաթիվ  հարցեր  և  թեմաներ, որոնց  հիմքում  ազատության  գաղափարն  է»,- ավելացրել  է Գ.  Դավթյանը՝  նշելով, որ  նոյեմբերի  26-ից   հետո  քանդակները    3  ամսով  ցուցադրության  կդրվեն  նաև   Շուշիի   կերպարվեստի  թանգարանում:
Գ.  Դավթյանը  ասել է  նաև,  որ  «ԱՐՏ PR»-ը արվեստի և մշակույթի ոլորտում PR ծառայություններ մատուցող ընկերություն է, որը ստեղծվել է 2014 թվականին Երևանում:  2015 թվականից մշակութային բազմաթիվ նախագծերով   ընկերությունը   հանդես է գալիս  նաև   Արցախում:
Ըստ   ընկերության  տնօրենի՝   2019  թվականին    իրենք  Արցախում  նախատեսել  են  մի  շարք   մշակութային   ծրագրեր, որոնք  կիրականացնեն  ԱՀ  մշակույթի, երիտասարդության  հարցերի  և զբոսաշրջության  նախարարության  հետ:
Միջոցառմանը  ներկա  ԱՀ  մշակույթի, երիտասարդության  հարցերի  և զբոսաշրջության  նախարար  Լեռնիկ  Հովհաննիսյանի՝ իրենք «ԱՐՏ PR»  ընկերության   հետ   Արցախում  արդեն   3-րդ  նախագիծն  են իրականացնում:
Ցուցադրության  մեջ  դրված  քանդակներից  նախարարը  ավելի  է գնահատել քանդակագործ-արվեստագետ  Հայկ  Թոքմաջյանի  աշխատանքները:
«Աշխատանքներում  տեսանելի  է, որ  արվեստագետները  յուրովի  են  ներկայացրել   իրենց  ասելիքը: Յուրաքանչյուր  արվետ  ընկալող  մարդ  դրանք   տարբեր   իմաստով  կպատկերացնի:  Կարող  ենք  ասել, որ  քանդակագործության  արվեստը   դեռևս  զարգանալու տեղ  ունի»,-նշել  է  Լ.  Հովհաննիսյանը:
Միջոցառմանը՝  ներկաները   շրջել  են    պատկերասրահով  և  ծանոթացել  ցուցադրված  աշխատանքներին:
Նշենք, որ    ցուցահանդեսի  բացման  աջակիցներն  են  Ստեփանակերտի  «Վալեքս  գարդեն  հոթել»  հյուրանոցային  համալիրը  և  «Կատարո»  գինիների   գործարանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Նախագահ Սահակյանը ներկայացրել է ՊԲ նոր հրամանատարին (տեսանյութ)

Գեներալ-լեյտենանտ Լևոն Մնացականյանը խոսք է ուղղել բանակի անձնակազմին

Սերժ Սարգսյանը հրաժարվել է հանձնել շրջանները. Լուկաշենկո

Արցախում թխված մոտ 3 մետր երկարությամբ ժենգյալով հացը գրանցվել է «Դյուցազնագրքում» (լուսանկարներ)

Բակո Սահակյանը հանդիպում է ունեցել Նիկոլ Փաշինյանի հետ

ԱՀ ՊՆ, ՊԲ հրամանատար, գեներալ-մայոր Կարեն Անդրանիկի Աբրահամյանի համառոտ կենսագրությունը

«Արսենալ»-«Ղարաբաղ» խաղում հայ երկրպագուն Մոնթեի պատկերով շապիկով ու Արցախի դրոշով ներխուժեց խաղադաշտ

«Ղարաբաղ Տելեկոմ»-ը հանդես է եկել նոր առաջարկով

Երևանի կենտրոնական կլինիկական հոսպիտալ տեղափոխված 4 զինծառայողն էլ խիստ հսկողության տակ են, 3-ի վիճակը կայուն ծանր է

Search