Artsakhpress

Հասարակական

Շինարարական տարին մայրաքաղաքում կամփոփվի ավելի քան կես միլիարդ ֆինանսական հատկացմամբ

Ստեփանակերտ քաղաքում հասարակական և վարչական նշանակության օբյեկտների կառուցման և վերանորոգման համար 2018 թվականի ԱՀ պետական բյուջեով նախատեսվել է 595 մլն 584 հազար դրամ:

Շինարարական տարին մայրաքաղաքում կամփոփվի ավելի քան կես միլիարդ ֆինանսական հատկացմամբ

Շինարարական տարին մայրաքաղաքում կամփոփվի ավելի քան կես միլիարդ ֆինանսական հատկացմամբ
ՍՏԵՓԱՆԱԿԵՐՏ, 19 նոյեմբերիԱՐՑԱԽՊՐԵՍ: Այս մասին «Արցախպրես»-ին տեղեկացրին ԱՀ քաղաքաշինության նախարարությունից՝ մանրամասնելով, որ տարեսկզբին այդ գումարով նախանշված աշխատանքների դիմաց առայժմ ծախսվել է 532 մլն 370 հազար դրամը:
Աղբյուրի հաղորդմամբ՝ մասնավորապես վերանորոգման և վերակառուցման աշխատանք է իրականացվել ԱՀ արտակարգ իրավիճակների պետական ծառայության վարչական շենքի 2-րդ մասնաշենքում, և բարեկարգվել է հրշեջ ծառայության տարածքը:
Վերակառուցվել են ԱՀ արտաքին գործերի նախարարության և ՀՀ արտակարգ իրավիճակների նախարարության «Սեյսմիկ պաշտպանության արևելյան ծառայություն» ՊՈԱԿ-ի վարչական շենքերի և Սարոյան 4, Ազատամարտիկների 50ա, Վաղարշյան փողոցի 46 և 48 բազմաբնակարան շենքերի տանիքները:
Մայրաքաղաքի Գյուրջյան փողոցի 1, 1/2 և 17 բնակարանների համար անց է կացվել ստորգետնյա խողովակաշար` կապի միջոցների համար:
Վերանորոգման աշխատանք է իրականացվել Ստեփան Շահումյանի անվան գլխավոր մարզադաշտում: Արցախի պատմաերկրագիտական թանգարանի նոր շենքի կառուցման ուղղությամբ նախապատրաստական աշխատանք է իրականացվել:
Պետական բյուջեի միջոցներով կառուցվել են Աստվածամոր Սուրբ Հովանի մայր տաճարի նկուղային հարկի աստիճանները, ինչպես նաև տեղադրվել է մարմարե սալերով հատակ:
«Սոֆիա» առևտրի և ժամանցի կենտրոնի երկրորդ հարկում վերանորոգվել և հարմարավետ պայմաններ են ստեղծվել Հովհաննես Թումանյանի անվան հանրապետական մանկական գրադարանի համար:
Շարունակվել են Արցախի հերոս Բեկոր Աշոտի անվան զբոսայգու բարեկարգման աշխատանքները, որոնք առայժմ ընթացքի մեջ են, շահագործումը նախատեսվում է հաջորդ տարի: Իսկ «Հաղթանակի» հրապարակում տեղադրվել է Ծովակալ Իսակովի կիսանդրին: «Ազատամարտիկների» անվան այգու համար պատրաստվել և տեղադրվել են թվով 5 քանդակներ:
Կնունյանցների 1 շենքի ոչ բնակելի տարածքում վերակառուցվել է ԱՀ աշխատանքի սոցիալական հարցերի և վերաբնակեցման նախարարության սոցիալական ծառայության գործակալության համար նախատեսված գրասենյակը:
Աշխատանքներ են տարվել ԱՀ կառավարության հին մասնաշենքի վերակառուցման, կառավարության և արտգործնախարարության դահլիճների վերանորոգման ուղղությամբ:
Վերանորոգվել են Արցախի պետական համալսարանի հանրակացարանի առաջին հարկի սանհանգույցներն ու նույն շենքում գործող լաբորատորիայի սենյակները: Իսկ համալսարանում շարունակվում են նոր մասնաշենքի կառուցման աշխատանքները:
Այս ամենից բացի բազմաթիվ աշխատանքներ առայժմ ընթացիկ փուլում են:

     

Քաղաքական

Տնտեսական

Ամենադիտված

ամիս

շաբաթ

օր

Սամվել Բաբայանի նախաձեռնած ստորագրահավաքն իրավական տեսանկյունից խնդրահարույց դրույթ է ներկայացնում. ՀՀ բարձրաստիճան պաշտոնյան ներկայացնում է ռիսկերը

Վրաստանում հայ վարորդներին հարվածել են, վնասել բեռնատարները, դեսպանատունը մանրամասներ է հաղորդում

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

1997թ.-ին գլխիվայր շուռ տվեցին ժողովրդի քվեն, բայց ժամանակները փոխվել են. Արթուր Թովմասյանը ողջախոհության կոչ է անում

Սուրբ Նիկողայոս վանքը փոխանցվել է հայ համայնքին

Բակո Սահակյանը ցավակցական հեռագիր է հղել գեներալ-մայոր Ֆելիքս Գզողյանի ընտանիքին

Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Search