Ամերիկայի հայ ավետարանչական ընկերակցության ֆինանսավորմամբ վերանորոգվել և կահավորվել է Մարտակերտի Մովսես Ճանպազյանի անվան մանկապարտեզը:
Ամերիկայի հայ ավետարանչական ընկերակցության ֆինանսավորմամբ վերանորոգվել և կահավորվել է Մարտակերտի մանկապարտեզը
ՍՏԵՓԱՆԱԿԵՐՏ, 19 նոյեմբերի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է Ամերիկայի հայ ավետարանչական ընկերակցության Արցախի մասնաճյուղի սոցիալական ծրագրերի պատասխանատու Լուսինե Հայրիյանը:
Նրա խոսքով՝ մանկապարտեզի վերանորոգման աշխատանքներն սկսվել են ընթացիկ տարվա օգոստոսի 29-ից, որն ավարտվել է նոյեմբերի սկզբին:
«Մեկհարկանի մանկապարտեզը նախատեսված է շուրջ 70 երեխայի համար: Նախադպրոցական հաստատությունն ունի ջեռուցման համակարգ: Շենքում տեղադրվել են նոր դռներ ու պատուհաններ, սանհանգույցը փոխարինվել է նորով: Իրականացվել են նաև ներքին և արտաքին հարդարման աշխատանքներ: Նախակրթարանն ապահովված է կագհույքով: Երեխաների համար ստեղծված են բոլոր պայմանները՝ հանգիստը, կրթական ու դաստիարակչական աշխատանքներն իրականացնելու համար»,- նշել է Լ. Հայրիյանը:
Նա տեղեկացրել է նաև, որ Ամերիկայի հայ ավետարանչական ընկերակցության Արցախի մասնաճյուղն իր կրթական ծրագրի շրջանակներում հոգում է նաև Ասկերանի, Ստեփանակերտի և Շուշիի մանկապարտեզների կարիքները, որտեղ ընդգրկված են շուրջ 330 երեխա:
