ՍՏԵՓԱՆԱԿԵՐՏ, 27 նոյեմբերի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին հայտնել Է San Francisco Chronicle թերթը: Հրատարակությունը նշում Է, որ դա ընթացիկ տարում անշարժ գույքի ոլորտում խոշորագույն գործարքն Է Սան Ֆրանցիսկոյում եւ մերձակա քաղաքներում:

Google-ի ներկայացուցիչները հաստատել են, որ համալիրը գնված Է, բայց մանրամասնություններ չեն հայտնել: Թերթը գրում Է, որ խոսքը վերաբերում Է 12 գրասենյակային շենքերի, որոնց մակերեսը կազմում Է գրեթե 74 հազար քառակուսի մետր: Այդ գրասենյակներում կարելի Է տեղավորել մոտավորապես 5 հազար աշխատակիցների: Համալիրն առաջ պատկանում Էր LinkedIn սոցիալական ցանցին: CNBC հեռուստաալիքը նշում Է, որ Google ընկերությունն ավելի վաղ վարձակալում Էր շենքերի մի մասը:

Ինչպես այս ամիս ավելի վաղ հայտնել Է The Wall Street Journal թերթը, Google ընկերությունը պլանավորում Է Նյու Յորքում իր ներկայացուցչությունը ընդլայնել նոր ծառայողական մակերեսների ձեռքբերման ճանապարհով, որոնք կբավականացնեն 12 հազար նոր ծառայողների տեղավորելու համար, ինչը թույլ կտա գործնականում կրկնապատկել ընկերության անձնակազմի թվաքանակը, որը ներկայում աշխատում Է մեգապոլիսում: Այս պլանների իրագործումը, գրում Է հրատարակությունը, թույլ կտա նոր հարթակների գործարկման դեպքում Նյու Յորքում Google-ի աշխատակիցների թվաքանակը հասցնել 20 հազարի:

Ներկայում, The Wall Street Journal-ի տեղեկությունների համաձայն, ընկերությունը մոտ Է հաջողությամբ ավարտելու բանակցությունները Մանհեթենում, Ուեսթ Վիլիջի շրջանում՝ Սենթ-Ջոնս թերմինալում գրասենյակային շենքի ձեռքբերման կամ երկարատեւ վարձակալման շուրջ: Մինչեւ 2022 թվականն այնտեղ պլանավորվում Է ավարտել նորոգման եւ կազմակերպչական մյուս աշխատանքները, ինչը թույլ կտա շենքում աշխատատեղեր ստեղծել 8,5 հազար ծառայողների համար՝ հաշվի առնելով ներկայում ընկերությունում ընդունված արտադրական նորմատիվները՝ յուրաքանչյուր աշխատողի համար մոտավորապես 14 քառակուսի մետր:

Բացի այդ, ինչպես հայտնել են հրատարակության աղբյուրները, Google-ում մտադիր են ընդլայնել Նյու Յորքում արդեն ունեցած արտադրական մակերեսները, մասնավորապես, Չելսի Մարկետում, Մանհեթենում՝ 28 հազար քառակուսի մետրով, եւ Փիրս-ում՝ 23 հազար քառակուսի մետր, հաղորդել Է ՏԱՍՍ-ը: