ՍՏԵՓԱՆԱԿԵՐՏ, 3 դեկտեմբերի, ԱՐՑԱԽՊՐԵՍ: Ցուցահանդեսին  ներկայացվել  են    կենտրոն  հաճախող    երեխաների   ձեռքի  աշխատանքները:

Միջոցառմանը     Անդրեյ  Սախարովի    անվան  N8 ավագ  դպրոցի     աշակերտները  կենտրոն   հաճախող  երեխաների  համար   կազմակերպել  են   պարային   ֆլեշ-մոբ:

«Արցախպրես»-ի  թղթակցի     հետ   զրույցում    ԱՀ  առողջապահության  նախարար   Արայիկ  Բաղրյանն ասել է,  որ   իրենց  առաքելությունն  է հաշմանդամություն  ունեցող   անձանց առողջությանը  վերաբերող  բոլոր  հարցերին   տրվի       լիարժեք լուծում:

Խոսելով  ցուցահանդեսի  մասին՝    Ա.  Բաղրյանը  նաև ասել է,  որ    ինքն  առաջին  անգամ  չէ  ականատես  լինում  նման   միջոցառման:

«Ողջունելի  է   այս  նախաձեռնությունը, քանի  որ  այս  կերպ  ևս    հաշմանդամներն  ինտեգրվում  են   հասարակությանը: Առավել    շատ  ոգևորվում  ես, երբ  կենտրոնում    տեսնում  ես, թե  ինչ  սիրով  ու  հաճույքով  են  երեխաները   զբաղվում  կավագործությամբ  կամ  նկարչությամբ:

 

Քերոլայն  Քոքսի  անվան  վերականգնողական  կենտրոնի    տնօերն  Վարդան  Թադևոսյանն էլ  ասել է, որ    ողջ  աշխարհում  չկա  մի  պետություն, որոնց   չմտահոգի      հաշմանդամություն  ունեցող   մարդկանց  հիմնախնդիրները: 

«Կայանալու  համար անցած   20  տարիների  ընթացքում  մեր  կառույցը մեծ  աշխատանքներ  է   իրականացրել: Կենտրոնը   մեր   շահառուների  համար  դարձել   է սիրելի վայր, ուր   նրանք  կարողանում  են  լիարժեք կազմակերպել իրենց  առօրյան: Մեր  գիտելիքներով և    ունեցած  հնարավորություններով   պետք  է   ապահովենք   որակյալ  աշխատանք: Մեր   շահառուներն ունեն   իրենց  նախասիրությունները: Վերականգնողական   կենտրոնը  բաց  է  բոլորի    համար, ովքեր  ունեն առողջական   խնդիրներ:  Ի  հօգուտ  մեր  քաղաքացիների    առողջության՝ մենք   պատրաստ  ենք  համագործակցել  բոլոր  կառույցների   հետ: Հուսով  ենք, որ   ապագայում մենք  կունենանք    գերժամանակակից  վերականգնողական  կենտրոն»,-նշել  է  Վ.  Թադևոսյանը:

Նա  տեղեկացրել  է, որ   2000-ից  մինչև   2018  թվականի  հունիս  ամիսը  կենտրոնում  67  հազար  426  բուժվողների ամբուլատոր  և  3530    ստացիոնար  բուժում  է  կազմակերպվել, կատարվել  է 40  հազար  471  տնային   այցելություն: Լոգոպեդն     իրականացրել է     25  հազար  93 ծառայություն, իսկ  հոգեբանն  ընդունել  է   33  հազար  934  այցելու:  2006  թվականից  առ  այսօր   ջրաբուժության  ծառայություններից  օգտվել  է  16  հազար  670  մարդ:

«Վերականգնողական  կենտրոնում   գործում  է  կրթական  բաժանմունք, որտեղ  պատրաստում  են  համապատասխան  մասնագետներ, ինչպես  կենտրոնի  անձնակազմի  շարքերը  լրացնելու, այնպես  էլ  ԱՀ   տարբեր  շրջանների  հիվանդանոցների  համար: 2017  թվականի  մայիսի  2-ից  վերականգնողական   կենտրոնին  կից   սկսել է   գործել  ցերեկային  խնամքի  և  բուժման  կենտրոն, որի  նպատակն  է բարելավել  աուտիզմով  և  մանկական ուղեղային կաթված (ՄՈՒԿ)  ախտորոշում  ունեցող  երեխաների  կյանքի  որակը: Կենտրոնում   տարեկան  բուժում   են  ստանում  ավելի  քան  50  երեխա:Վերականգնողական  կենտրոնը  ստեղծման  օրվանից    ունի  տնային  այցելության բաժանմունք, որը  սպասարկում  է   խիստ   սահմանափակում  ունեցող   120-ից  ավելի  մարդկանց»,-ավելացրել  է  կենտրոնի  տնօրենը:

Միջոցառմանը ներկա  էին  նաև   Ստեփանակերտի  քաղաքապետ  Սուրեն  Գրիգորյանը, մշակութասեր  հասարակություն, սահմանափակ  կարողություններ ունեցող  անձինք  և  այլք: