Artsakhpress

Հասարակական

Մայր բուհում քննարկվել են Արցախի տնտեսական դաշտի ներդրումների կառուցվածքն ու դրանց արդյունավետությունը

Այսօր՝ դեկտեմբերի 6-ին, Արցախի պետական համալսարանում տեղի է ունեցել «Ներդրումների ճյուղային կառուցվածքի վերլուծությունը և դրա արդյունավետության գնահատումը ԱՀ-ում» թեմայով կլոր սեղան-քննարկում:

Մայր բուհում քննարկվել են Արցախի տնտեսական դաշտի ներդրումների կառուցվածքն ու դրանց արդյունավետությունը

Մայր բուհում քննարկվել են Արցախի տնտեսական դաշտի ներդրումների կառուցվածքն ու դրանց արդյունավետությունը
ՍՏԵՓԱՆԱԿԵՐՏ, 6 դեկտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ կլոր սեղան-քննարկմանը հրավիրված էին ԱՀ պետական նախարար Գրիգորի Մարտիրոսյանը, ֆինանսների նախարար Արթուր Հարությունյանը, պաշտոնատար այլ անձինք:
 
Բացման խոսքում ԱրՊՀ տնտեսագիտության ֆակուլտետի դեկան Ռուզաննա Մանգասարյանն ասել է, որ ֆակուլտետի «Տնտեսագիտության տեսություն» բաժնի մագիստրատուրայի ուսանողերի կողմից կատարվել է ուսումնասիրություն, որն ընդգրկում է ներդրումների ճյուղային կառուցվածքի ռեկրեսիոն վերլուծությունը և արդյունավետության գնահատումը ԱՀ տնտեսական ցուցանիշների շրջանակում:
«Թեմայի ընտրությունը պայմանավորված է տնտեսության զարգացման և ներդրումային դաշտի գրավչության հետ կապված պայմանների ստեղծմամբ: Այսօր ԱՀ կառավարության տնտեսական քաղաքականության առանցքային ուղղություններից մեկը ներդրումային քաղաքականության ակտիվացումն է, գործարար միջավայրի բարելավումը, ինչն էլ ամրագրված է նաև կառավարության գործունեության ծրագրով: Բնականաբար, ներդրումային բարենպաստ միջավայրն առաջին հերթին պետք է նպաստի գործարարության զարգացմանը, և բարենպաստ կամ անբարենպաստ լինելու հանգամանքը անհրաժեշտ ենք համարում դիտարկել ոչ միայն գործարարության, այլև պետության տեսանկյունից»,- նշել է Ռ. Մանգասարյանը:
ԱՀ պետական նախարար Գրիգորի Մարտիրոսյանը, անդրադառնալով թեմային, ասել է, որ գործարար միջավայրի և, ընդհանրապես, ինվեստիցիոն դաշտի բարելավումը անվերջ գործընթացներ են:
«Աշխատանքները պետք է անընդհատ շարունակվեն: Դրանք ոչ միայն ֆինանսական բնույթի աջակցության ձևերն են, այլև կարող են վերաբերվել հաշվետվություններին, տարբեր վարչական պահանջներին կամ այլ տեսակի երկակի միջամտություններին, որոնք ավելի կհեշտացնեն գործարարների կյանքը: Այդ առումով կառավարությունն ունի հստակ դիրքորոշում՝ անընդհատ բարելավել դաշտը»,- նշել է Գ. Մարտիրոսյանը:
Պատասխանելով ներդրումային դաշտի վերաբերյալ ուսանողի հարցին՝ պետնախարարն ասել է, որ կարևորագույն խնդիրը մարդկային կապիտալում ներդրումներն են: Այդ առումով շատ մեծ է կրթական համակարգի դերակատարությունը: Համակարգի և տնտեսության կապի ուժեղացման անհրաժեշտություն կա: Առկա է նաև կարևոր մեկ այլ ուղղություն՝ էլեկտրոնային համակարգերի ընդլայնման միջոցով աշխատելը, որպեսզի պետության կողմից մատուցվող ծառայությունները լինեն ավելի մատչելի, էժան, արագ և թափանցիկ:
 
Գրիգորի Մարտիրոսյանն անդրադարձել է նաև այս օրերին լայն քննարկում ստացած հիփոթեքային վարկավորման վերաբերյալ ուսանողի հնչեցրած հարցին՝ նշելով, որ ԱՀ կառավարությունը նպատակ է հետապնդում ավելի մատչելի դարձնել բնակարանների ձեռքբերումը՝ հատկապես առաջնային շուկայից:
 
«Այդ խնդիրը փորձում ենք լուծել երկու եղանակով՝ ավելի մատչելի դարձնելով ֆինանսական միջոցները և ապահովելով մատչելի գնով բնակարանային ֆոնդ: Նախաձեռնում ենք գալիք տարում սկսել երկու նոր թաղամասերի կառուցման աշխատանքները Ստեփանակերտ քաղաքում: Դրան զուգահեռ՝ փոփոխությունների կենթարկվի հիփոթեքային վարկերի աջակցության կարգը, և ըստ այն նախագծի, որը շրջանառվում է, նախատեսվում է որոշակի պետական աջակցության ընդլայնում: Բնակարանաշինությունը կունենա նաև տնտեսական ազդեցություն՝ ներգրավելով բանկային կապիտալ և երկարաժամկետ միջոցներ, որոնք կապահովեն նոր ներդրումներ»,- ավելացրել է Գ. Մարտիրոսյանը:
Կլոր սեղանի ընթացքում մասնակիցները քննարկել են ԱՀ ներդրումային դաշտի  առավելություններն ու խնդիրները, նշվել են վերջին տարիներին Արցախում գրանցված տնտեսական աճի բարձր ցուցանիշների առանձնահատկությունները, քննարկվել ուսանողների կողմից արված ուսումնասիրությունները:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Հայտնի են «Վերջին զանգ»-ի առթիվ կայանալիք տոնական միջոցառումների օրերը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Քոչարյանի ազատությունը երաշխավորած Բակո Սահակյանը եւ Արկադի Ղուկասյանը հաստատել են. կգան դատարան

Search