Վրաստանում այսօր տեղի կունենա նորընտիր նախագահ Սալոմե Զուրաբիշվիլիի երդմնակալության արարողությունը, որից հետո նա պաշտոնապես կստանձնի երկրի նախագահի պաշտոնը:
Սալոմե Զուրաբիշվիլին այսօր կստանձնի Վրաստանի նախագահի պաշտոնը
ՍՏԵՓԱՆԱԿԵՐՏ, 16 դեկտեմբերի, ԱՐՑԱԽՊՐԵՍ: Այս մասին հաղորդում է tert.am-ը՝ վկայակոչելով TACC-ին, երդմնակալության արարողությունը տեղի կունենա 1-ին դարում հիմնված Թելավի քաղաքում, որը գտնվում է Թբիլիսիից 105 կմ հեռավորության վրա: Այս կսկսվի ժամը 15:00-ին և կտևի շուրջ 40 րոպե: Հայտնի է, որ նորընտիր նախագահի երդմնակալության արարողությունը կանցկացվի «Բաթոնիս ցիխե» թագավորական համալիրում, որը վրաց Բագատունիների տոհմին պատկանող Հերակլ Երկրորդ թագավորի նստավայրն էր:
Հիշեցնենք, որ նոյեմբերի 28-ին Վրաստանում կայացել է նախագահական ընտրությունների 2-րդ փուլը, որում ձայների 59,56 տոկոսով հաղթել է «Վրացական երազանք» կուսակցության աջակցությունը վայելող անկախ թեկնածու, Վրաստանի նախկին արտգործնախարար Սալոմե Զուրաբիշվիլին: