Ռուսաստանի առաջին ռակետ, հայկական արմատներով ռուս թենիսիստ Կարեն Խաչանովը վերհիշել է ԱՄՆ-ի Բաց առաջնությունում իսպանացի Ռաֆայել Նադալի հետ հանդիպումը և նորից նրա հետ խաղալու ցանկություն է հայտնել.
Խաչանով. Հիանալի կլիներ նորից հանդիպել Նադալին Աբու-Դաբիի մրցաշարում
ՍՏԵՓԱՆԱԿԵՐՏ, 16 դեկտեմբերի, ԱՐՑԱԽՊՐԵՍ: «Երջանիկ եմ, որ կարողացա նման բարձր մակարդակ ցուցադրել Ռաֆայի հետ US Open-ի խաղում: Հիանալի կլիներ նորից հանդիպել նրա հետ Աբու-Դաբիի մրցաշարում:
Կփորձեմ նորից ցուցադրել իմ լավագույն թենիսը: Երբ փոքր էի, նայում էի, թե ինչպես են խաղում մեծ թենիսիստները` Նադալը, Ֆեդերերը, դել Պոտրոն և մյուսները:
Հիմա ես կարող եմ մրցել նրանց հետ ամենաբարձր մակարդակում, սա անհավանական է»,- Խաչանովի խոսքերն է փոխանցում Tennis World USA-ը:
Նադալի ու Խաչանովի` US Open-ի շրջանակում կայացած խաղը խաղն ավարտվել է 5:7, 7:5, 7:6 (9:7), 7:6 (7:3) հաշիվներով` իսպանացու օգտին:
Աբդու-Դաբիի Mubadala Tennis ցուցադրական մրցաշարի առաջին խաղում Խաչանովը կմրցի ավստրիացի Դոմինիկ Թիմի հետ: Հաղթանակի դեպքում Կարենի մրցակիցը կլինի Նադալը: