ՄԱԿ-ի Գլխավոր ասամբլեան ընդունել է Փախստականների հարցերով գերագույն հանձնակատարի գրասենյակի (UNHCR) բանաձեւը, որը երկու կետ է ներառել՝ ի աջակցություն Փախստականների մասին գլոբալ պայմանագրի (ՓԳՊ):
ՄԱԿ-ի Գլխավոր Ասամբլեան Փախստականների մասին գլոբալ պայմանագրին աջակցող բանաձեւ է ընդունել
Փաստաթղթի օգտին քվեարկել է 181 երկիր, այդ թվում Ռուսաստանը, ԱՄՆ-ն եւ Հունգարիան դեմ են քվեարկել, երեք երկիր ձեռնպահ է մնացել:
«Մենք գտնում ենք, որ փախստականների եւ քաղաքացիություն չունեցող անձանց միջազգային պաշտպանության ռեժիմը ամրապնդելու համար ՄԱԿ ՓԳՊ-ի արդյունավետ աշխատանքը կարեւոր է եւ պահանջված», - իր ելույթում հայտարարել է ՄԱԿ-ում Ռուսաստանի մշտական առաքելության խորհրդական Ռոման Կաշեւը: «Մենք ելնում ենք նաեւ նրանից, որ փախստականների ընդունման մասին որոշումը կայացվում է միայն ընդունող երկրի կողմից՝ իր ներքին օրենսդրության եւ միջազգային պարտավորություններին համապատասխան»:
Միացյալ Նահանգները եւ Հունգարիան սկզբում այլ երկրների հետ միասին միացան 2016 թ. Նյու-Յորքի հռչակագրին, որի շրջանակներում նրանք պարտավորվել էին մշակել միգրացիայի կառավարման եւ փախստականների ընդունման վերաբերյալ միջազգային համաձայնագրեր: Բայց հետո Վաշինգտոնը հայտարարեց, որ Պայմանագիրը համարում է հակասող իր ազգային շահերին: ՄԱԿ-ում ԱՄՆ մշտական ներկայացուցիչ Նիկի Հալիի խոսքերով,ամերիկյան կողմը մտադիր է ինքը որոշել իր միգրացիոն քաղաքականությունը , իսկ Նյու-Յորքի հռչակագրի հիմքում ընկած «գլոբալ մոտեցումը» պարզապես «դեմ է ԱՄՆ-ի ինքնիշխանությանը»:
ՄԱԿ-ում Հունգարիայի մշտական ներկայացուցիչ Կատալին Բոգուայը, պարզաբանելով իր երկրի դիրքորոշումը, հայտարարել է, որ «երկրների միջեւ փախստականների բեռի արդարացի փոխանակման մասին Հունգարիայի առաջարկությունները բանաձեւում չեն արտացոլված», ինչի պատճառով Բուդապեշտը չի կարողացել դրան աջակցել:
Փախստականների մասին գլոբալ համաձայնագրի հիմքում համալիր միջոցառումներն են՝ ուղղված հյուրընկալ երկրների բեռի թեթեւացմանը, փախստականների ինքնավստահության բարձրացմանը, երրորդ երկրների ներգրավման հնարավորությունների ընդլայնմանը, ինչպես նաեւ օժանդակելու մարդկանց անվտանգ հայրենիք վերադառնալու պայմանների ստեղծմանը:
