Ամերիկյան Amazon ընկերությունը, որը հայտնի է ապրանքների օնլայն վաճառքով և օնլայն ծառայությունների մատուցմամբ, հունվարի 7-ին ճանաչվել է աշխարհում ամենաթանկ ընկերությունը:
Amazon-ը կրկին առաջ է անցել Microsoft-ից և դարձել աշխարհի ամենաթանկ ընկերությունը
ՍՏԵՓԱՆԱԿԵՐՏ, 8 հունվարի, ԱՐՑԱԽՊՐԵՍ: Amazon-ը գրանցած առևտրի արդյունքներով առաջ է անցել իր բոլոր մրցակիցներից, հաղորդում է tert.am-ը:
Աղբյուրը հայտնում է, որ ընկերության բաժնետոմսերի գինը բարձրացել է 2.7 տոկոսով, ինչի արդյունքում կապիտալիզացիայի ընդհանուր ծավալը հասել է 797 մլրդ դոլարի, իսկ Microsoft-ինը` ընդամենը 784 մլրդ: Ամենաթանկ ընկերությունների ցանկում երրորդ տեղը զբաղեցնում է Alphabet-ը, որի շուկայական արժեքը կազմել է 740 միլիարդ դոլար:
Հատկանշական է, որ առաջատարների շարքում չկա Apple-ը, որը միշտ մրցակցում էր առաջատար մյուս հսկաների հսկաների հետ, սակայն վերջերս զգալիորեն թուլացրրել է դիրքերը` բաժնետոմսերի արժեքի միանգամից 9 տոկոս անկումից հետո: