Թուրքիայի նախագահ Ռեջեփ Թայիփ Էրդողանը հայտարարել է Սիրիայում «Իսլամական պետության» ահաբեկիչների նկատմամբ ռազմական հաղթանակի մասին:
Էրդողանը հայտարարել է Սիրիայում ԻՊ-ի դեմ հաղթանակի մասին
ՍՏԵՓԱՆԱԿԵՐՏ, 8 հունվարի, ԱՐՑԱԽՊՐԵՍ: Այդ մասին նա գրել է New York Times-ում հրապարակած իր հոդվածում, հաղորդում է tert.am-ը:
Էրդողանը նշել է, որ 2016-ին Թուրքիան առաջինն էր, որ ահաբեկիչների դեմ պայքարելու նպատակով Սիրիա մտցրեց օդային ուժեր:
«Ռազմական առումով, այսպես կոչված, «Իսլամական պետությունը», պարտվել է Սիրիայում: Սակայն մենք խորապես մտահոգված ենք, որ որոշ արտաքին ուժեր կարող են օգտագործել այդ խմբավորման մնացորդները` Սիրիայի ներքին գործերին միջամտելու համար», - նշել է Թուրքիայի նախագահը:
Նրա խոսքով` Անկարան առաջարկում է «համապարփակ ռազմավարություն»` խնդիրը վերջնականապես լուծելու համար: