Artsakhpress

Հասարակական

«Գյուղական բնակչության մասնագիտացված բուժօգնության կազմակերպում» ծրագրի շրջանակներում կազմակերպվել է 424 գյուղական այց. նախարար

Առաջնային բուժօգնության օղակի աշխատանքները լիարժեք իրականացնելու նպատակով «Գյուղական բնակչության մասնագիտացված բուժօգնության կազմակերպում» ծրագրի շրջանակներում շրջանային բուժհիմնարկների կողմից կազմակերպվել է 424 գյուղական այց և անցկացրել բնակչության մասնագիտացված բժշկական խորհրդատվություններ:

«Գյուղական բնակչության մասնագիտացված բուժօգնության կազմակերպում» ծրագրի շրջանակներում կազմակերպվել է 424 գյուղական այց. նախարար

«Գյուղական բնակչության մասնագիտացված բուժօգնության կազմակերպում»  ծրագրի շրջանակներում  կազմակերպվել է 424 գյուղական այց. նախարար
ՍՏԵՓԱՆԱԿԵՐՏ, 11 հունվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ հունվարի 11-ին տեղի ունեցած մամուլի ասուլիսին  ասել  է  ԱՀ  առողջապահության  նախարար  Արայիկ  Բաղրյանը:
Նախարարը  նշել է, որ   2018 թվականի տարեկան կտրվածքով բնակչության լիարժեք բուժսպասարկման համար կատարվել է 295 հազար  209 լաբորատոր-գործիքային հետազոտություն և 32 հազար  219 դժվարամատչելի հետազոտություն, որոնք  2017 թվականին  համապատասխանաբար կազմել են  207 հազար 734  և  24  հազար  13  հետազոտություն: Հաշվետու տարում հանրապետության բուժհիմնարկներում էլ  կատարվել է 6426 վիրահատություն,  նախորդ  տարվա   6078-ի  դիմաց:
«Նախարարության ենթակա բուժհիմնարկների միջոցով 2018  թվականին հանրապետության բնակչությանն անվճար տրամադրվել է 253 մլն 339 հազար դրամ գումարի դեղորայք:Դրանցից կենտրոնացված կարգով դեղերի համար նախատեսված գումարով ձեռք է բերվել 178 մլն 322, 5 հազար դրամի չափով, իսկ բուժհիմնարկների  բյուջեի հաշվին՝ 75 մլն 16  հազարով։
 
«Համաձայն ԱՀ կառավարության 2013 թվականի հունվարի 29-ի թիվ 23-Ն որոշման՝  պետական բյուջեից հիվանդների բուժման ծախսերի փոխհատուցման նպատակով հատկացված 164 մլն 831 հազար  դրամ գումարից  146 մլն  965  հազար դրամը  բուժման ծախսերի փոխհատուցման նպատակով հատկացվել է որոշ հիվանդություններով տառապող 261 քաղաքացիների, 472 քաղաքացիներ էլ այլ քաղաքներում բուժումն  իրականացնելու նպատակով ճանապարհածախսի փոխհատուցման  համար ստացել  են 5 մլն 852 հազար  դրամ, իսկ 93 հիվանդի սանիտարական տրանսպորտով  տեղափոխման համար  հատկացվել  է 12 մլն 14 հազար  դրամ։ Անցած  տարի  բուժման նպատակով ՀՀ   են ուղեգրվել 900 հիվանդ, որը կազմում է ընդհանուր բնակչության 0,6 %-ը:Ուղեգրվել են հիմնականում մագնիսառեզոնանսային տոմոգրաֆիա, ոսկրածուծի բիոպսիա հետազոտության,  էպելիպսիայով, բրոնխիալ ասթմայով, արյան ու միզասեռական համակարգի հիվանդություններով տառապող հիվանդները, ինչպես  նաև   ճառագայթային բուժման  կարիք  ունեցողները:  Ուղեգրված հիվանդների 54%-ը կազմում են 0-18 տարեկան երեխաները»,-տեղեկացրել  է  նախարարը  և  հավելել, որ   2018 թվականին հանրապետության բուժհիմնարկներում արձանագրվել է շուրջ 510 հազար ամբուլատոր հաճախում, հիվանդանոցային բուժօգնություն է ստացել 19 հազար  200 մարդ։

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Վիտալի Բալասանյանը բաց նամակով դիմել է Բակո Սահակյանին

Միայն գործից անտեղյակը կարող էր 2016 թ․ ապրիլյան պատերազմը «դիվերսիա» անվանել. Վիտալի Բալասանյանը նոր փաստեր է հրապարակում

Հայտնի հնդիկ երգիչը տեսահոլովակ է նկարահանել Ստեփանակերտում

Նորաստեղծ կուսակցությունը մայրաքաղաքում գրասենյակ է բացել

Կտրականապես անընդունելի է Արցախը որևէ պետության մանդատի տրամադրելու հարցը. Էդմոն Մարուքյանը՝ Սամվել Բաբայանին

«Արարիչ» հիմնադրամի նախաձեռնությամբ մի խումբ ուսանողներ ճանաչողական այցով մեկնել են Մայր Հայաստան

Հայ դիրքապահները վնասազերծել են ՀՀ պետական սահմանը հատած ադրբեջանցուն

Բաքուն դիմում է միջազգային կազմակերպություններին՝ Հայաստանի սահմանն անցած քաղաքացուն վերադարձնելու համար

Արցախի ՊԲ ռազմական խորհրդի նիստ է անցկացվել

Search