Artsakhpress

Քաղաքական

Իրականացնում ենք ծրագրեր Արցախը միջազգային տարբեր գործընթացներում ներգրավելու համար. ԱԳ նախարար

2018 թվականին ընդլայնվել է Արցախի ապակենտրոնացված համագործակցության աշխարհագրությունը:

Իրականացնում ենք ծրագրեր Արցախը միջազգային տարբեր գործընթացներում ներգրավելու համար. ԱԳ նախարար

Իրականացնում ենք ծրագրեր Արցախը միջազգային տարբեր գործընթացներում ներգրավելու համար. ԱԳ նախարար
ՍՏԵՓԱՆԱԿԵՐՏ, 14 հունվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ հունվարի 14-ին կայացած մամուլի ասուլիսի ժամանակ ասել է ԱՀ արտաքին գործերի նախարար Մասիս Մայիլյանը՝ մանրամասնելով, որ անցած տարում Արցախի և օտարերկրյա պետությունների վեց քաղաքների միջև ստորագրվել են համագործակցության հուշագրեր:
«Այդ քաղաքներից չորսը ֆրանսիական են, երկուսը՝ Մերձավոր Արևելքից: Շնորհիվ կնքվող հուշագրերի՝ 2018 թվականի ընթացքում Արցախի տարբեր համայնքներում իրականացվել են ծրագրեր կրթության, ենթակառուցվածքների ստեղծման, գյուղատնտեսության, զբոսաշրջության ոլորտներից: Կազմակերպվել է նաև հինգ օտարերկրյա քաղաքապետերի այց Արցախ, և այդ ընթացքում եղել են քննարկումներ, նախանշվել են համագործակցության հեռանկարներն ու անելիքները: Կան նաև այլ պայմանավորվածություններ»,- նշել է Մ. Մայիլյանը:
ԱԳ նախարարի խոսքով՝ գերատեսչությունը կարևորում է միջազգային համագործակցությունը և իրականացնում ծրագրեր, որպեսզի Արցախը ներգրավված լինի միջազգային տարբեր գործընթացներում:
«Մեր աջակցությամբ կազմակերպվել են Արցախի տարբեր պատվիրակությունների այցեր` թե՛ գործադիր և թե՛ օրենսդիր իշխանությունների մակարդակով: Անցնող տարում ԱՀ Նախագահի գլխավորությամբ պատվիրակություն է մեկնել Վաշինգտոն. այցը շատ արդյունավետ էր: Հանդիպումներ կային պաշտոնական մակարդակով, Սփյուռքի ներկայացուցիչների հետ: Տարբեր գերատեսչության ղեկավարներ այցելել են Եվրոպա և Մերձավոր Արևելք` ձեռք բերելով գործնական պայմանավորվածություններ: Ընդունել ենք պատվիրակություններ Աբխազիայի և Հարավային Օսեթիայի Հանրապետություններից, ինչպես նաև Մերձդնեստրի Մոլդովական Հանրապետությունից՝ փոխվարչապետի գլխավորությամբ և այստեղ առաջին անգամ ստորագրել է պայմանագիր առևտրային ներկայացուցչություններ հիմնելու վերաբերյալ, որը ներկայումս հաստատման փուլում է: Գերատեսչությունը աջակցում է նաև խորհրդարանական դիվանագիտության զարգացմանը: Մասնավորապես՝ անցած տարում Ֆրանսիա է այցելել Ազգային ժողովի նախագահ Աշոտ Ղուլյանը, մի շարք պատգամավորներ՝ ԱՄՆ, Եվրոպա և այլ երկրներ: Մենք ևս ընդունել ենք տարբեր պատգամավորների` Եվրոպական խորհրդարանից, Կիպրոսից, Ֆրանսիայից, Բելգիայից և Կալիֆոռնիայից»,- ավելացրել է Մ. Մայիլյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Թրամփը ստորագրել է ցեղասպանությունների և վայրագությունների կանխարգելման մասին Էլի Վիզելի ակտը. Ամերիկայի Հայ դատի հանձնախումբը ողջունում է քայլը

Մարտակերտում գործում է ներքաղաքային երթուղի

Գազի հաշվիչները կհանվեն բնակարաններից. գործընթացը սկսված է

Հայրենյաց պաշտպանի օրը կնշվի հունվարի 28-ին և կլինի ոչ աշխատանքային

Ստեփանակերտում գործում է «VitaSol» աղաբուժության կենտրոն (լուսանկարներ)

ԵԽԽՎ մոնիթորինգի հանձնաժողովը քննարկելու է Ադրբեջանի քաղբանտարկյալների հարցը

Պատրաստ եմ արտերկրում ստացած գիտելիքներս ներդնել ԱՀ տնտեսության զարգացման գործում. արցախցի տնտեսագետ

Լավաշ, մեղր, ապուրներ. զինվորի սնունդը փոխվել է

Դոլարը շարունակում է թանկանալ. Եվրոյի փոխարժեքը նվազել է

Search