2007 թվականի հունվարի 14-ին Հայաստանի ազգային հավաքականում իր նորամուտն է նշել Լոնդոնի «Արսենալի» ֆուտբոլիստ Հենրիխ Մխիթարյանը:
12 տարի առաջ այս օրը Մխիթարյանն իր նորամուտը նշեց Հայաստանի հավաքականում
ՍՏԵՓԱՆԱԿԵՐՏ, 14 հունվարի, ԱՐՑԱԽՊՐԵՍ: Հայաստանի ընտրանու ներկայիս ավագն ազգային հավաքականի խաղաշապիկով իր առաջին հանդիպումն անցկացրել է Պանամայի ագզային թիմի հետ: Մխիթարյանն այդ խաղում դուրս է եկել փոխարինման, իսկ հանդիպումն ավարտվել է 1;1 հաշվով:
Այդ տարիներին Մխիթարյանը պաշտպանում էր Երևանի «Փյունիկի» գույները:
Ընդհանուր առմամբ 29-ամյա խաղացողը Հայաստանի հավաքականում մասնակցել է 80 հանդիպման և դարձել 26 գոլի հեղինակ: Մխիթարյանը հավաքականի լավագույն ռմբարկուն է, փոխանցում է armsport.am-ը:
Իր կարիերայում մեր ընտրանու կիսապաշտպանը, բացի «Փյունիկից», հանդես է եկել նաև Դոնեցկի «Մետալուրգում» և «Շախտյորում», Դորտմունդի «Բորուսիայում» և «Մանչեսթեր Յունայթեդում»:
